Friday, August 14, 2009

အသိပေးခြင်း

အသိပေးအပ်ပါသည်.....

၀၈.၀၈.၂၀၀၉ နေ့ အစည်းဝေးတွင် တင်ပြခဲ့သည့်အတိုင်း ကျောင်းသားများ အင်္ဂလိပ်စာအရည်အချင်း ပိုမိုမြင့်မားစေရေးကို ရည်ရွယ်၍ အင်္ဂလိပ်စာမျှဝေသင်ကြားခြင်းကို မနက်ဖြန် ၁၄.၀၈.၂၀၀၉ (စနေနေ့)တွင် ၀တ်တလုံးကျောင်း၌ စတင်ပါမည်၊ ၂.နာရီမှ ၄.နာရီထိဖြစ်ပါသည်၊ စာရင်းပေးထားသည်ဖြစ်စေ မပေးထားသည်ဖြစ်စေ စိတ်ပါဝင်စားပါက လာရောက်ပါဝင်လက်တွဲနိုင်ပါသည်၊

မိမိတို့သိထားသော Vocabularies များ Idioms များ Usages များကို အချင်းချင်း ဖလှယ်နိုင်ပါသည်၊ အတန်းရှေ့တွင် မတ်တပ်ရပ်ကာ Presentation လုပ်ခြင်းများ၊ ကြိုက်နှစ်သက်ရာ Topic တစ်ခုခုကိုရွေးချယ် ထပြောခြင်းများ၊ Question & Answer လုပ်စေခြင်းများ ပြုလုပ်ကြရန် စီစဉ်ထားပါသည်၊

နောင်တွင် အတန်းတက်ချိန်အတွင်း အင်္ဂလိပ်လိုချည်းပြောဆိုကြစေရန်လည်း တိုက်တွန်းအပ်ပါသည်၊ သို့မှသာ အင်္ဂလိပ်လို ပြောကျင့်ရကာ လူအများအလယ်တွင် ပြောရဲဆိုရဲ ရှိပါမည်၊ အထူးအသိပေးလိုသည်မှာ မိမိသည် တော်၍ တတ်၍ ပြန်သင်ခြင်းမဟုတ်ပါ၊ မိမိသိသလောက် နားလည်သလောက်ကို ရဟန်းတော်တို့အား ပြန်လည် မျှဝေယင်း မိမိလည်း အင်္ဂလိပ်စာကို လေ့လာမှု့ အမျှင်မပြတ်အောင်၊ ဖတ်ယင်းဖတ်ယင်းဖြင့် ကိုယ်တိုင်လည်း ဝေါဟာရကြွယ်အောင် မျှဝေခြင်း သက်သက်သာဖြစ်ပါသည်၊

နောက်ထပ်အသိပေးလိုသည်မှာ New Opportunities Education for life စာအုပ်များ ၁၁-အုပ် ၀ယ်ထားပါသည်၊ စာရင်းပေးထားသော အရေအတွက်အလိုက် ၀ယ်ထားခြင်းဖြစ်ပြီး Intermediate Level ဖြစ်ပါသည်၊ တစ်အုပ်လျင် ၂၉၀-ဘတ်ကျသင့်ပြီး ကုန်ကျငွေကို သင်တန်းတက်သူနှင့် MSMO အဖွဲ့မှ တစ်ဝက်စီကျခံစေရန် ဥက္ကဌ၊ အတွင်းရေးမှူး၊ ဘဏ္ဍာရေးမှူး များနှင့် သက်ဆိုင်ရာကော်မတီများ ဆုံးဖြတ်ထားကြပါသည်၊ သင်တန်းတက်သူများမှ စာအုပ်အတွက် တစ်ပါးလျင် ၁၅၀-ဘတ်ကျသင့်ပါမည်၊ ကျောင်းသားများ ပညာရေးအတွက် အဖွဲ့၏ ပထဆုံးသော ခြေလှမ်းဆိုလျင်လည်း မှန်ပါသည်၊ နောက်နောင်တွင် ထိုင်းစကားသင်တန်းများ၊ နည်းပညာဖလှယ်ပွဲများ ဖြစ်မြောက်လာမည်ဟုလည်း မျှော်လင့်မိပါသည်၊

နောက်ဆုံးအနေနဲ့ ပြောကြားလိုသည်မှာ စာရင်းပေးထားသည်ဖြစ်စေ မပေးထားသည်ဖြစ်စေ စိတ်ပါဝင်စားပါက လာရောက်ပါဝင်လက်တွဲနိုင်ပါသည်၊ မိမိတို့သိထားသော Vocabularies များ Idioms များ Usages များကို အချင်းချင်း ဖလှယ်ကြပါရန်လည်း နှိုးဆော်အပ်သည်။ ။

1 comment:

  1. Hello !
    Glad to hear this news.
    I would like to say Thank to Ven.Agga,organizer of this class.I missed this opportunity to improve my English ,because of staying at MCU this week.
    So I will try to join it next week.

    ReplyDelete

Myanmar Student Monks Organization in Thailand. Powered by Blogger.