Saturday, August 8, 2009

ဆရာကို ဆရာကြီးလုပ်ချင်ကြသူများအကြောင်း ( ၄ )

တစ်နေ့သ၌= ရွာဦးကျောင်းနှင့်မလှန်းမကမ်း တစ်နေရာတွင် ကပ္ပိယကျော်ခေါင်း အပါအ၀င် ကာလသား တစ်စု စုဝေးနေကြလေ၏။ ထိုကာလသားတို့ အနက်၊ ဖိုးတေ ဆိုသောကောင်လေးက ဤသို့ စတင်ကာ ပြောဆိုလေ၏၊ ဟေ့ကောင်တွေ ထောင်ပြီးချတာကောင်းတယ်ကွ၊ ထောင်ပြီချကြ ။ ထိုအခါ နောက်တစ်ယောက်ကလည်း - ထောင်ပြီးချတာ မကောင်းဘူးကွ လှဲပြီးချတာအကောင်းဆုံးပဲ ဟု ပြောဆိုကာ ဖိုးတေ၏ စကားကို ကန့်ကွက်လေ၏ ။ ထိုကဲသို့ အခြေအတင် ငြင်းခုန်းနေစဉ် ၊ ကပ္ပိယကျော်ခေါင်သည်ကား၊ မျက်စိ ပေကလပ် ပေကလပ်ဖြင့် အနည်းငယ် စဉ်းစားသလို့ လုပ်လိုက်ပြီးမှ ၊ ဤသို့့ပြောလိုက်လေ၏ - မင်းတို့ ပြောတာတွေ ဘာတစ်ခုမှ မကောင်းဘူး ၊ ငါက လက်တွေ့သမားကွ ၊ မင်းတို့ က ဘာသိလို့လဲ ၊ ဖိုးတေ ပြောသလို ထောင်ပြီးချတာလဲ မကောင်းဘူး လူပင်ပန်းတယ် ၊ ဟိုကောင်ပြောသလို လှဲပြီးချတာလဲ မကောင်းဘူး ၊ ငါကတော့ ထောင်လို့ လဲ မချဘူး လှဲလို့ လည်းမချဘူး ၊ အောက်က တစ်ခုခု ခံပြီး ခပ်စောင်းစောင်းလေး ချတာပဲ ကြိုက်တယ် ၊ အဲဒါက လူလည်း သက်သာတယ် ၊ ပစ္စည်းလည်း မထိခိုက်ဘူးကွ..ဟု ပြောလေ၏ ။ကပ္ပိယကျော်ခေါင်း ၏ စကားကို မည်သူမျှ ပြန်လည် မချေပရဲ ကြချေ ၊ အကြောင်းကား = ကပ္ပိယကျော်ခေါင်းသည် ဤကျောင်းတိုက်အတွင်း၌ ဆရာတော်ပြီးရင် သူသာ ဆရာအဖြစ်ထိုက်ဆုံး ဟု ကိုယ့်ကိုကိုယ် ခံယူထားသော စိတ်ကြောင့် အတော်အတန် ထောင်လွှားတတ်သောကြောင့် ဖြစ်လေ၏ ။ ထိုသို့ပြောနေစဉ် ရွာလူကြီးဖြစ်သူ ရောက်ချလာကာ = ဟေ့ ကောင်တွေ မင်းတို့ ကောင်တွေ ဒီလိုငြင်းနေလို့ ကိစ္စမပြီးဘူးကွ ၊ ထောင်ပြီးချတာတွေ လှဲပြီးချတာတွေ ခပ်စောင်းစောင်းချတာတွေ ငါ စိတ်မ၀င်စားဘူး
အရေးကြီးတာ ပြီးဖို့ ပဲ ဟု - တစ်လောကလုံးကို သူတစ်ယောက်တည်း လုပ်ကြွေးထားသကဲ့သို့ ၊ ပြောဆိုကြိမ်းမောင်းလေတော့၏ ။ ထိုအခါ ကပ္ပိယကျော်ခေါင်းနှင့် အဖွဲ့သည် ၊ ကိုယ့်ပုဆိန် ကိုယ်ကိုင်ပြီး နီးစပ်ရာ ထင်းတုန်းတွေကို အလုအယက် မျက်နှာလို မျက်နှာရဖြင့် ၊ ထောင်ပြီးပေါက်ချသူက ပေါက်ချ ၊ လှဲပြီး ပေါက်ချသူက ပေါက်ချ ၊ အောင်က တုန်းတစ်ခု ခံပြီး ခပ်စောင်းစောင်းလေး ပေါက်ချသူက ပေါက်ချကြလေတော့၏ ။ မကြာမီပင်လျှင် ရွာဦးကျောင်း အလှူမင်္ဂလာပွဲကြီးအတွက် လုံလောက်သော ထင်းပုံတစ်ပုံကို ရရှိလေတော့၏ ။ အလှူမင်္ဂလာပွဲကြီးကား စတင်ခဲ့လေပြီး.... ရွာဦးကျောင်းဆရာတော်သည်လည်း တရားဒေသနာတော်များကို ဟောကြားနေလေတော့၏ ၊ ဆရာတော်သည် အပ်ကြောင်းထပ်နေပြီဖြစ်သော မိမိ၏ လက်သုံးစကားကို တပည့်ဒကာ ဒကာမတို့ အား ဤသို့ ပြောဆိုကာ ဆုံးမသြ၀ါဒပေးလေ၏ ။ ပရိသတ်အပေါင်းသူတော်ကောင်းတို့ ....ဆရာကို ဆရာလာမလုပ်နဲ၊့ဆရာကို ဆရာလုပ်တာ ဆရာမကြိုက်ဘူး ၊ ဆရာကို ဆရာလုပ်ချင်ရင် ဆရာထက်တော်အောင် ကြိုးစားကြ ။ ထိုသို့ ပြောဆိုသည်ကို ကြားရပေါင်းများနေပြီးဖြစ်သော တပည့်ကျော် ကပ္ပိယကျော်ခေါင်သည် ၊ ဤကဲ့သို့ ပြန်လည် ပြောကြားလိုက်လေ၏... ဆရာမလုပ်ရ မနေနိုင်လို့ လုပ်ချင်တယ်ဆိုရင် ကျော်ခေါင် ဆီကိုလာခဲ့ ပါ ...အေးဆေးပဲ ...လုပ်ပေးမယ်= ဗျို့ ... ဆိုက္ကားဆရာ ဆိုက္ကားအားလား ။ ။ သို့ သော် ကပ္ပိယကျေုာ်ခေါင် ၏ စကားသည်ကား ဆရာတော်၏ အန်မတန် ကြီးမြတ်သော အရှိန်အ၀ါကြောင့် အပြင်သို့ ထွက်လာခဲ့ခြင်း မရှိခဲ့ ပေ ။ ။

No comments:

Post a Comment

Myanmar Student Monks Organization in Thailand. Powered by Blogger.