Friday, February 26, 2010

ညီညာစုံမှ

  • မင်းမပါ
ဘယ်ဟာမပြီး
မင်းချည်းတော့လည်း
ဘယ်ဟာမပြီး ။

  • သူမပါ
ဘယ်ဟာမပြီး
သူ့ချည်းတော့လည်း
ဘယ်ဟာမပြီး ။

  • ငါမပါ
ဘယ်ဟာမပြီး
ငါ့ချည်းတော့လည်း
ဘယ်ဟာမပြီး ။


  • မင်း သူ ငါ
ညီညာစုံမှ
အလုံးစုံ ကိစ္စပြီး။


(နခုန်ပထုန်ဆရာတော် ဦးနန္ဒ၀ံသ ထံမှ ကြားနာခဲ့ရ)

ကပ္ပိယကျော်ခေါင်နှင့် ဘုရားဒကာ ကျောင်းဒကာ ကုဋိဒကာ

တစ်နေ့သ၌ အကျွန်ုပ်ကပ္ပိယကျော်ခေါင်သည်၊ ကပ္ပိယဟုဆိုအပ်သော ဂုဏ်ထူးဝိသေသကို မြတ်နိုးစွာ ရင်ဝယ်ပိုက်လျှက်၊ ရွာလူကြီးများစုဝေးရာ ရွာဦးကျောင်း ဇရပ်ပျက်ကြီးသို့သွားကာ အသာချောင်းလျှက် တစ်စောင်းက နားထောင်နေလေတော့၏။

စည်းဝေးရခြင်း၏ အကြောင်းမှာကား ဤသို့တည်း=

နစ်စဉ်ပြုလုပ်ကျင်းပမြဲဖြစ်သော ရွာဘုံရဟန်းခံရှင်ပြုပွဲကြီးကို၊ ရွာလူကြီးဖိုးလူနှင့် သူကြီးကတော် ဒေါမငယ်တို့မှ တာဝန်ယူကာ ပြုလုပ်ကျင်းပနိုင်ရေးအတွက်၊ နေ့ရက်များကို တိတိကျကျသတ်မှတ် နေကြခြင်းဖြစ်လေသည်။ သူတို့၏ တစ်ဦးတည်းသောသား မောင်ဖိုးတေကိုလည်း သာသနာ့ ဘောင်သို့ သွပ်သွင်းမည်ဟုကြားသိရလေ၏။


အလှူရက်သတ်မှတ်ပြီးသည်နှင့် တစ်ပြိုင်နက် အန်မတန်မှ ဂုဏ်ပကာသနကို မက်မောတတ်သော သူကြီးကတော် ဒေါ်မငယ်သည်၊ ကျန်တော်မျိုးကြီးကပ္ပိယကျော်ခေါင်ဖက်သို့ လှည့်ကာဖြင့်၊ ဤသို့ဆိုလေ၏
” ဟေ့ ငကျော်ခေါင် ဒီစာရွက်မှာရေးထားတဲ့အတိုင်း တစ်ရွာလုံးကို လိုက်ပြီး ကြော်ငြားစမ်း”ဟူ၍ဖြစ်လေ၏။

အမှန်မှာ ဤသို့ကြော်ငြားရခြင်းသည် အကျွန်ုပ်အနေဖြင့် အလွန်တရာကျွန်းကျင်ပြီးသား အလုပ်တစ်ခု ဖြစ်လေသောကြောင့် စာတစ်တန်း ပေတစ်ဖွဲ့ ရေးဖွဲ့စရာပင်မလိုတော့ပြီးတကား။ ယ္ခုကဲ့သို့ စာဖြင့်ရေးပေးနေခြင်းသည်ပင်လျှင် ကပ္ပိယဟုဆိုအပ်သော အကျွန်ုပ်၏ ဂုဏ်ထူးဝိသေကို စော်ကားသကဲ့သို့ ဖြစ်နေလေတော့၏။

သို့နှင့်ပင်လျှင် အကျွန်ုပ်ကပ္ပိယကျော်ခေါင်သည်လည်း မိမိ၏ ဂုဏ်ထူးဝိသေသကို အထူး စောင့်ထိန်းသောအားဖြင့်၊ ၄င်း သူကြီးကတော်ဆိုသူ ဒေါ်မငယ် ပေးသောစာရွက်ကို တာဝန်ကြေ သဘောဖြင့် လှမ်းယူပြီးလျှင် စာရွက်ကို တစ်ချက်မျှ စောင့်ငဲ့ကြည့်ရှုပြီး၊ ဣနြေ္ဒမပျက် ခတ်တည်တည်ဖြင့်ပင် အင်္ကျီးအိပ်ထည့်သို့ ထည့်ထားလိုက်လေတော့၏။

အကျွန်ုပ် အနေဖြင့် ဤကဲ့သို့ ခပ်တည်တည်ပြုလုပ်နေခြင်းသည်ပင်လျှင် သူကြီးကတော် ဒေါ်မငယ်၏ မျက်စိကို စပါးမွှေး စူးနေလေတော့၏၊ သို့သော်လည်း အကျွန်ုပ်ဘာမျှမတတ်နိုင်ပေ၊
ကပ္ပိယကျော်ခေါင် ဟု ဆိုအပ်သော အကျွန်ုပ်သည်လည်း ခေသူတော့မဟုတ်။

ကပ္ပိယ ဟု ဆိုအပ်သော ဂုဏ်ထူးဝိသေသကို ထည့်၍မခေါ်လျှင် ရွာဦးကျောင်းဆရာတော်မှတစ်ပါး မည့်သူကိုမျှ ဂရုစိုက်သူ မဟုတ်။ ချွင်းချက်အနေဖြင့်ကား ရွာလယ်က ဒေါ်ပု ကုန်စုံဆိုင်တွင် ဈေးရောင်းနေသော ညိုပြာညက်ကလေး နန်းကုတ်ကုတ် ကိုတော့ ချန်ထားပါသေးသည်။
မည်သို့ဆိုစေ အလှူမင်္ဂလာပွဲကြီးအတွက် ကပ္ပိယတို့တတ်အပ်သော အတတ်ဖြင့်ပင်လျှင် ရွာနီးချုပ်စပ်များသို့ လိုက်လံ၍ ဖိတ်မန်တကာ့ ပြုရပေးအုံးမည်။

။…ညောင်ပင်ကုန်းကျေးရွာအတွင်း၌ မှီတင်းနေထိုင်းကြကုန်သော….ဟု အစချီကာဖြင့် ထုံစံအတိုင်း ရွာရိုးကိုးပေါက်လျှောက်၍ ကြော်ငြားနေရင်း၊ တစ်နေရာသို့အရောက်တွင်၊ သူကြီးကတော်ကို အကျွန်ုပ်မြင်လိုက်ရလေ၏။ သူကြီးကတော်သည် အကျွန်ုပ်ဆီသို့  သုပ်သုပ် သုပ်သုပ်နှင့် ရောက်ချလာလေတော့၏၊

” ဟေ့ ငကျော်ခေါင် နင့်ကို ငါရေးပေးထားတဲ့  စာထည့်မှာပါတဲ့ ဘုရားဒကာ ကျောင်းဒကာ ဆိုတာတွေကိုလည်းထည့်ပြီး ကြော်ငြာအုံးမှပေါ့” ဟူ၍ ဆူပူကြိမ်းမောင်းလေတော့၏။ ဟုတ်ကဲ့အဒေါ် အဒေါ်တို့လှူထားသမျှ အကုန်ပါအောင် ကျွန်တော်မျိုးကြီး ကြော်ငြာပေးပါ့မယ်။

သို့နှင့်ပင် အင်မတန်မှ ရိုစင်သော အကျွန်ုပ်၏ ကြော်ငြာစာသားများကို အနည်းငယ် ကွန့်မြူစေလျှက်ဤသို့ ကြော်ငြာလိုက်လေတော့၏။
ညောင်ပင်ကုန်းကျေးရွာအတွင်း၌ မှီးတင်းနေထိုင်ကြကုန်သော…. သပ္ပုရိသနွယ်ဝင် (ဝင်တာမဝင်တာ အကြောင်းမဟုတ်) သူတော်စင်ပုဂ္ဂိုလ် အပေါင်းတို့ ခင်ဗျား…၊ (သူကြီးကတော် အနည်းငယ် နားစွင့်နေသည်ကို သတိထားကြည့်မိ၏)

မိဘများဖြစ်ကြကုန်သော ဘုရားဒကာ ကျောင်းဒကာ သိမ်ဒကာ(သူကြီးတော် ပြုံး၍လာလေပြီတကား) ကုဋီဒကာ (ကုဋီဒကာဟု ဆိုလိုက်လျှင် မျက်နှာအနည်းငယ်ပျက်စ ပြုသွားတော့၏) ရွာလူကြီးဦ်းဖိုးလူနှင့် သူကြီးကတော်ဒေါ်မငယ် တို့၏ ရင်နစ်သည်းချား သားရတနာဖြစ်သော ကျပ်မပြည့် မောင်ဖိုးတေအား (ထိုအခါ၌ ဂုဏ်ပကာသနကို အလွန်တရာမက်မောတတ်သော သူကြီးကတော်ဒေါ်မငယ်သည် ဒေါသ ထွက်လေတော့၏)

သာသနာ့ဝန်ထမ်းရှင်ရဟန်းအဖြစ်သို့ သွပ်သွင်းမည်ဖြစ်ပါသောကြောင့်၊ သွပ်မိုး ကြမ်းခင်း ကုလားဖျင်းနှင့် လှည်းနေ လှည်းအောင်း မြင်းဇောင်းမကျန်၊ မည်သူမဆို လာရောက်ပြီး သုံးဆောင်နိုင်ပါကြောင်း ကျွန်တော်မျိုးကြီးကပ္ပိယကျော်ခေါင် မှ ကပ္ပိယတို့ကျင့်အပ်သော ဝတ်တရားအတိုင်း ထမင်းရည်ချောင်းစီး မောင်းတီးလိုက်ရကြောင်းပါ ခင်ဗျား…။






Thursday, February 25, 2010

၂၅-၂-၂၀၁၀ နေ့ M,S,M,O အစည်းအဝေး ဆုံးဖြတ်ချက်များ

၂၅-၂-၂၀၁၀၊ ဝပ်တလုမ်၊

ယနေ့ ဝပ်တလုမ်ကျောင်း၌ ကျင်းပပြုလုပ်သော မြန်မာကျောင်းသားရဟန်းတော်များအဖွဲ့(ထိုင်းနိုင်ငံ)၏၊ အများသဘောတူ ဆုံးဖြတ်ချင်များမှာ အောက်ပါအတိုင်း ဖြစ်ပါသည်။

အစည်းအဝေးဆုံးဖြတ်ချက်များ=
၁။ ။ လာမည့်၊ ၆-၃-၂၀၁၀၊ စနေနေ့ နေ့လည် ၀၁း ၀၀ အချိန်တွင်၊ ဝပ်တလုမ်ကျောင်းတိုက်၌ နောက်ထပ်အစည်းအဝေး တစ်ရပ် ပြန်လည်ကျင်းပပြုလုပ်ရန်။

၂။ ။ ကြွရောက်တော်မူလာကြကုန်သော သံဃာတော်အရှင်သူမြတ်များ၏ ဆွေးနွေးချက်များကို စုစည်း သုံးသပ်၍ ၆-၃-၂၀၁၀၊ နေ့တွင် အများသဘောဆန္ဒကို ခံယူကာ အတည်ပြုဆုံးဖြတ်ကြရန်။

၃။ ။ ဘလော့အစား ဝက်ဆိုဒ်ဝယ်ရန်း ဆုံးဖြတ်ခြင်း။

၎။ ။ တိပိဋကတရားပွဲ ဖြစ်မြောက်ရေးယာယီကော်မတီ တရပ်ကို အောက်ပါ သံဃာတော်များဖြင့် ဖွဲ့စည်းခြင်း၊
၁။ ။ ဦးကောဝိဒ
၂။ ။ ဦးဓမ္မပါလ
၃။ ။ ဦးသြဘာသ
၎။ ။ ဦးကုဝေရ
၅။ ။ ဦးပညာဇောတ
၆။ ။ ဦးနန္ဒိယ
၇။ ။ ဦးတေဇနိယ
၈။ ။ ဦ်းဣန္ဒောဘာသ
၉။ ။ ဦးစက္ကိန္ဒ
၁၀။ ။ ဦးတေဇဓမ္မ
၁၁။ ။ ဦးအဂ္ဂ
၁၂။ ။ ဦးအာစာရ
၁၃။ ။ ဦးဝါယမိန္ဒ
အထက်ပါပုဂ္ဂိုလ်များဖြင့် ယာယီကော်မတီတစ်ရပ် ဖွဲ့စည်းခဲ့ပါသည်။

မှတ်ချက်။ ။ ယနေ့ - ၂၅-၂-၂၀၁၀၊ ကြာသပတေးနေ့ အစည်းအဝေးတွင် ဆွေးနွေး တင်ပြခဲ့ကြသော၊ အသင်းသား သံဃာတော်များ၏ အကြံပြုတင်ပြချက် မှတ်စုများကို စုစည်း၍၊ မကြာမီအချိန်အတွင်း၊ ( ပြန်ကြားရေး) Informgroup1@gmail.com မှ ဖြန့်ဝေပေးမည် ဖြစ်ကြောင်း၊ ၄င်းအကြံပြုတင်ပြချက်များကို ကြိုတင်လေ့လာထားကြ၍၊ လာမည့် အစည်းအဝေးတွင် ရွေးချယ်အတည်ပြုသွားကြရန် ဖြစ်ကြောင်း၊ အကြောင်းကြား လျှောက်ထားအပ်ပါသည် သံဃာတော်အရှင်သူမြတ်တို့ဘုရား။

Wednesday, February 24, 2010

မြန်မာကျောင်းသားရဟန်းတော်များအဖွဲ့(ထိုင်းနိုင်ငံ၏) အစည်းအဝေး ပင့်လျှောက်လွှာ

၂၃-၂-၂၀၁၀ (အင်္ဂါနေ့)၊ ၀မ်နွိုင် မဟာချူလာတက္ကသိုလ်တွင် ကျင်းပရန် ဆုံးဖြတ်ခဲ့သော မြန်မာကျောင်းသား ရဟန်းတော်များ အဖွဲ့ (ထိုင်းနိုင်ငံ)၏ အစည်းအဝေးကို
နေရာ အခက်အခဲနှင့် ကျန်တက္ကသိုလ်များတွင် တက်ရောက်နေသော ရဟန်းတော်များ၏ သွားလာရေး အခက်အခဲများကြောင့်
၂၅-၂-၂၀၁၀ (ကြာသာပတေးနေ့)၊ နေ့လည် ၀၁း၃၀ အချိန်တွင် ၀ပ်တလုံးကျောင်းတိုက်သို့၊ ပြောင်းရွှေ့ ကျင်းပမည်ဖြစ်ပြီး၊ ကျောင်းသားရဟန်းတော်များမှ ရှေ့ဆက်လုပ်ကိုင်မည့် လုပ်ငန်းစဉ်များ၊ အခက်အခဲများကို ဆွေးနွေးညှိနိုင်းတိုင်ပင် အဖြေရှာ သွားမည် ဖြစ်ပါသောကြောင့်၊ ကျောင်းသားရဟန်းတော်များ အားလုံး မပျက်မကွက် တက်ရောက်နိုင်ကြစေရန် ရိုသေစွာ လျှောက်ထားအပ်ပါသည် ဘုရား။

ကျင်းပမည့်နေရာ= ဝပ်တလုမ်ကျောင်း
ကျင်းပမည့်နေ့= ၂၅-၂-၂၀၁၀၊ ကြာသပတေးနေ့
ကျင်းပမည့်အချိန်= နေ့လည်- -၀၁း၃၀ ။

Tuesday, February 23, 2010

စာမူတောင်းခံလွှာ

ထိုင်းနိုင်ငံရောက် မြန်မာကျောင်းသားရဟန်းတော်များအဖွဲ့ (MYANMAR STUDENT MONKS ORGANIZATION IN THAILAND (M.S.M.O.) ) သည် အောက်ပါရည်ရွယ်ချက်များဖြင့် ( 28-6-2009) နေ့တွင် ဖွဲ့စည်းတည်ထောင်ခဲ့ပါသည်။

၁။ ကျောင်းသားရဟန်းတော်များ အချင်းချင်းညီညွတ်မှု ပိုမိုရရှိစေရန်။
၂။ ကျောင်းသားများဧ။်အခက်အခဲများကို ဝိုင်းဝန်းကူညီဖြေရှင်းပေးနိုင်ရန်။
၃။ မြန်မာနှင့်ထိုင်း ရဟန်းတော်များအကြား ချစ်ကြည်ရင်းနှီးမှုများ ပိုမိုတိုးမြှင့် ဆောင်ရွက်နိုင်ရန်။
၎။ မြန်မာနိုင်ငံနှင့် နိုင်ငံတကာရှိ ကျောင်းသားသံဃာ့အဖွဲ့စည်းများနှင့် သာသနာရေး ပညာရေးဆိုင်ရာ ကိစ္စရပ်များ ပိုမိုပူပေါင်းဆောင်ရွက်နိုင်ရန်။
၅။ ကျန်းမာရေးကိစ္စရပ်များ ဖြစ်ပေါ်လာလျှင် ဝိုင်းဝန်းအဖြေရှာ ကူညီဖြေရှင်းနိုင်ရန်။
၆။ ထိုင်းနိုင်ငံရောက် မြန်မာနိုင်ငံသားများအား ဘာသာရေး ပညာရေး လူမှုရေး ဆိုင်ရာကိစ္စများကို ကူညီဆောင်ရွက်ပေးနိုင်ရန်။
၇။ စာသင်သားရဟန်းတော်များဧ။် ဘွဲ့၊ နာမည်၊(သို့မဟုတ်)အဖွဲ့နာမည်ကို အလွဲသုံးစား ပြုလုပ်၍ ကိုယ်ကျိူးရှာမှု။ အမျိူး၊ ဘာသာ၊ သာသနာ၏ ဂုဏ်သိက္ခာ ကို ညှိုးနွမ်းပျက်စီးအောင်ပြုလုပ်မှုများမှ လက်တွဲညီညီ ကာကွယ်သွားနိုင်ရန်။


(28-6-2010) နေ့တွင် M.S.M.O-သည် (၁)နှစ်တင်းတင်း ပြည့်မြောက်မည်ဖြစ်ပါသည်။ ထိုသို့ (၁)နှစ်ပြည့် အထိမ်းအမှတ်အဖြစ် စာစောင်ထုတ်ဝေရန် ၁၆-၁-၂၀၁၀၊ နေ့လည် ၁၄း၀၀-နာရီတွင် ကျင်းပခဲ့သော အဖွဲ့အစည်းအဝေးတွင် ညှိနှိုင်း တိုင်ပင်၍ အတည်ပြု ဆုံးဖြတ်ခဲ့ကြပြီးဖြစ်ပါသည်။


သို့ဖြစ်ပါ၍ မည်သည့် စာပေပညာရှင်မဆို အောက်ပါ အကြောင်းအရာများအနက် မိမိ ကြိုက်နှစ်သက်သည့် ခေါင်းစဉ်အောက်တွင် A4 စာမျက်နှာ(ဆောင်းပါးအတွက်) လေးမျက်နှာခန့် မပိုစေဘဲ ရေးသားနိုင်ကြပါသည်။
၁။ ကဗျာ၊
၂။ ဆောင်းပါး(ရသ၊ဗဟုသုတ၊ပညာပေး)၊
၃။ ဘာသာရေးနှိုင်းယှဉ်လေ့လာမှု၊
၎။ အင်္ဂလိပ် (ဆောင်းပါး၊ ကဗျာ)
၅။ ပါဠိ (ဂါထာ၊ စုဏ္ဏိယ)၊
၆။ အထွေထွေ။

ထိုင်းနိုင်ငံရောက် မြန်မာကျောင်းသားရဟန်းတော်များ အနေဖြင့် အထက်ပါ အကြောင်းအရာများအပြင် မိမိတို့ သင်ကြားတက်ရောက်နေသော တက္ကသိုလ် အသီးသီး၏ အတွေ့အကြုံများ၊ အခက်အခဲများ၊ အားနည်းချက်/ အားသာချက်များ စသော အထွေထွေ ဗဟုသုတများကိုလည်း ရေးသားနိုင်ကြပါသည်။

မိမိတို့ရေးသားပြီးသော စာမူများကို (28-2-2010) နေ့ နောက်ဆုံးအရောက် အောက်ပါစာမူ စုဆောင်းရေး အရှင်မြတ်များထံသို့ ပေးပို့နိုင်ကြ ပါသည်။
၁။ အရှင်ပညာဇောတ ၊ pyinyar08@gmail.com
၂။ အရှင်စန္ဒိမာ၊ bhikkhu.1972@gmail.com
၃။ အရှင်သြဘာသ၊ obhasamin@gmail.com
၎။ အရှင်နန္ဒောဘာသ၊ ven.shwenyathar@gmail.com
၅။ အရှင်ကဝိန္ဒ။ ashinkavinda1977@gmail.com


အထက်ပါ စာမူစုဆောင်းရေး အရှင်မြတ်များသည် မိမိတို့ ရရှိထားသော စာမူများကို studentmonks@gmail.com လိပ်စာသို့ ပို့ပေးကြပါရန် မေတ္တာရပ်ခံ လျှောက်ထား တောင်းပန်အပ်ပါသည်။

အဖွဲ့ကိုယ်စား
မောင်ပညာ (မန်းတက္ကသိုလ်)
pyinyar08@gmail.com
ဖုန်း (၀၀၆၆) ၈၁၄၈ ၁၁၁၄၅

အကြံပြု လျှောက်ထားလွှာပါဘုရား

(၂၃-၂-၂၀၁၀ (အင်္ဂါနေ့)၊ ၀မ်နွိုင် မဟာချူလာတက္ကသိုလ်တွင် ကျင်းပရန် ဆုံးဖြတ်ခဲ့သော မြန်မာကျောင်းသား ရဟန်းတော်များ အဖွဲ့ (ထိုင်းနိုင်ငံ)၏ အစည်းအဝေးကို နေရာ အခက်အခဲနှင့် ကျန်တက္ကသိုလ်များတွင် တက်ရောက်နေသော ရဟန်းတော်များ၏ သွားလာရေး အခက်အခဲများကြောင့်
၂၅-၂-၂၀၁၀ (ကြာသာပတေးနေ့)၊ ၀ပ်တလုံးကျောင်းတိုက်သို့၊ ပြောင်းရွှေ့ ကျင်းပမည်ဖြစ်ပြီး၊ ကျောင်းသားရဟန်းတော်များမှ ရှေ့ဆက်လုပ်ကိုင်မည့် လုပ်ငန်းစဉ်များ၊ အခက်အခဲများကို ဆွေးနွေးညှိနိုင်းတိုင်ပင် အဖြေရှာ သွားမည် ဖြစ်ပါသောကြောင့်၊ ကျောင်းသားရဟန်းတော်များ အားလုံး မပျက်မကွက် တက်ရောက်နိုင်ကြစေရန် ရိုသေစွာ လျှောက်ထားအပ်ပါသည် ဘုရား။)

ပြင်ပမှနှင့်အဝေးမှ ကြွရောက်လာကြမည့် ကျောင်းသားသံဃာတော်များ၏ ဆန္ဒအရ ကြာသပတေးနေ့ထက် စနေနေ့တွင် ပိုမိုသင့်တော်ပါကြောင်းနှင့် လုံလောက်သောအချိန်နှင့် သင့်လျော်သည့်နေရာတို့ကို အတိအကျ သတ်မှတ် ပေးကြပါရန် သက်ဆိုင်ရာ ကော်မတီဝင်အရှင်မြတ်တို့အား အကြံပြု လျှောက်ထား အပ်ပါသည်ဘုရား။

အတွေ့သံသရာလည်နေပုံ

ဘာရယ်ကြောင့်မှန်းမသိ ခုတလောမိမိရဲ့အာရုံထဲတွင်း အတွေးအမျိုးမျိုးစဉ်စားစရာအမျိုးမျိုးတွေကြောင့် စိတ်အားရုံပြောင်လဲသွားစေရန်း ကိုယ်နှင့်ရင်နှီ၇ာဘလော့လေးတွေးကို ရှာဖွေပြီးတော့ ဗဟုသုတဖြစ်စရာ ကဗျာစာပေးလေးတွေကို မှတ်သားဖတ်ရူနေမိပါတယ်၊အစာအဟာရကောင်းလေးတွေ စားနေရတဲအခါမျိုးတွေမှာ ကိုယ့်ရဲမိတ်ကောင်းဆွေကောင်း သူငယ်ချင်းကောင်းတွေကို ပေးဝေးငှခြင်းတဲ့ ဆန္ဒလေးတွေရှိနေသလို ယ္ခုလဲဘဲ ကဗျားကောင်းလေးတပုဒ်ကို အားလုံးသောအဆွေတော်သူငယ်ချင်းတွေးကို ဝေငှပေးလိုက်ပါတယ်။ ကိုယ်တိုင်ေ၇းမဟုတ်ပါ ကဗျာဆရာ ဆောင်ယွန်းလရဲ့ အတွေးပုံရိပ်တွေကို လေးစားဂုဏ်ယူလွန်းလို့ ဒီကျောင်းသားဘလော့လေးမှာ တင်ပေးလိုက်တာပါ။



အတွေ့သံသရာလည်နေပုံ ရင်ခုန်လို့လည်းမရခဲ့သေးဘူး


ဆောင်းယွန်းလ

ဖေဖော်ဝါရီ ၁၉၊ ၂၀၁၀

တရေးတမော မတွေးတောမိကြလို့များ

ဦးဏှောက်တွေ တုံးသွားခဲ့ကြသလား….

မသိတာက ခက်နေခဲ့သလို
မရှိတာကလည်း ခက်နေခဲ့ပြန်ပါတယ်….

လေထဲ ဆောက်ခဲ့မိတဲ့အိမ်တွေ

တိမ်တိုက်တွေထက် ထူပြောခဲ့ပြီး

လွတ်ထွက်သွားတဲ့ ငါးတွေထက်လည်း

အဆပေါင်းများစွာ ခြေတံရှည်နေခဲ့ပြန်ပါတယ်…


မဲမဲမြင်ရာ ရမ်းပစ်နေသူတွေ

ချက်ကောင်းကိုပစ်ဖို့

အကွက်ကောင်းကို လှစ်ဟချောင်းမြောင်းနေသူတွေ

ပစ်မှတ်အလွဲကို

မယုတ်သောဇွဲနဲ့ စိမ်ပြေနပြေပစ်ခွဲနေသူတွေ…



ပစ်ကွင်းဝယ်ဖို့ ဈေးလည်ဆစ်နေသူတွေ

မိမိကိုယ်မိမိ သေကြောင်းကြံသတ်ဖို့

ကိုယ့်နားထင်ကိုယ် သေနတ်နဲ့တေ့နေသူတွေ

ဇာတ်တူသားစားဖို့ ဇာတ်လမ်းဆင်ပြီး

ပစ်ကွင်းပစ်ကွက် တီထွင်ကြံဆနေသူတွေ….



အသံတကြား မနားတမ်းပစ်နေသူတွေ

ခါးကြားထိုးထားတဲ့ သေနတ်ကို

အချပ်ပိုပစ်ဖဲတချပ်လို လေထဲဝှေ့ယမ်း

မျက်မှန်းနဲ့ လက်တည့်စမ်းနေသူတွေ…



အကာအကွယ်ယူပြီး မီးစင်ကြည့်ပစ်နေသူတွေ

ဗျစ်ရည်တခွက်နဲ့ ညစာစားကောင်းအောင်

အမှောင်ထဲမှာ ပါးစပ်သရမ်းပြီး

ပစ်ချက်ကြမ်းနေသူတွေ

ဆိုင်းဘုတ်တင်ကောင်းအောင်

တရေးနိုးမှ တချက်တချက် ချောင်းပစ်နေသူတွေ….



ညစ်တွန်းတွန်းပြီး ပစ်ခတ်လွန်းသူတွေ

ဖရုဿဝါစာသေနတ်နဲ့ မလိုတမာပစ်ခတ်

တယောက်လည်ပင်းတယောက် တက်နင်းပြီး

လမ်းပျောက်မှာ လမ်းလျှောက်နေသူတွေကြောင့်

အလိုအပ်ဆုံး ကျည်တတောင့်ဟာ

အလိုအပ်ဆုံးနေရာကို ဖြောင့်ဖြောင့်မသွားနိုင်ခဲ့သေးဘူး…..



မြှုံးမိငါးတွေဘဝနဲ့ နုံးချိဖားတွေရဲ့ဘဝလို

ဖားတပိုင်းငါးတပိုင်း ဘဝကိုယ်စီကိုယ်ငှထဲ

ပြုံးလိုက်မဲ့လိုက်ကြ ရွဲ့လိုက်တည့်လိုက်ကြနဲ့

ခေတ်ဆွေးကြီး တအိအိပဲ့ကျလာလိုက်ပုံက

ဟေတီမှာလှုပ်ခဲ့တဲ့ငလျင်ထက် ကြေလွယ်မွလွယ်

ဧရာဝတီမှာတိုက်ခဲ့တဲ့နာဂစ်ထက် တဖျစ်ဖျစ်မြည်

အရှေ့တောင်အာရှကို Hit ဟစ်ခဲ့တဲ့

ခေတ်သစ်ဆူနာမီထက် တဆစ်ဆစ်ကိုက်ခဲ….


ရေလိုက်လွဲနေတဲ့ ဟောဒီခေတ်မဲကြီးထဲမှာ

ငါတို့ဟာ ရေနဲငါးတွေသာဖြစ်တော့တယ်…..။ ။


ဒီကဗျာလေးရဲအဓိပ္ပါယ်ဖွင့်ဆိုချက်တွေုအားလုံးဟာ ဒို့တတွေကိုများ ရည်ညွန်းပြီးတော့များပြောနေတာလာလို့ ကျွန်ပ်၏အတွေးအာရုံများထဲမှာစိတ်ဝင်ပြီးတော့နေပါတော့တယ်၊
by
သြဘာ(ထီလာ)

တန်ပြန်သက်ရောက်မှူ

သက်ရောက်မှုတိုင်းတွင် တန်ပြန်သက်ရောက်မူရှိသည်ဟု နယူတန်၏ အယူအဆများကို ငယ်စဉ်က သင်ယူခဲ့ဖူး၏၊ နံရံသို့ ခဲတစ်လုံးကို ပစ်ချလိုက်၍  ပြန်လည် ကန်ထွက်လာခြင်းသည် တန်ပြန်သက်ရောက်မှူတစ်ခု ဖြစ်သည်ဟု သိခဲ့ရ၏။ ဤသည်မှာ ငယ်စဉ်က အသိဖြစ်လေသည်။

ယနေ့= တပည့်ကျော်ကပ္ပိယကျော်ခေါင်၏ အစ်မတော်တစ်ယောက် ရွာဦ်းကျောင်းသို့ ရောက်ရှိလာပြီး ၄င်းတန်ပြန်သက်ရောက်မှူများအကြောင်းကိုမေးမြန်လေတော့၏၊ သို့သော် သူမေးသော တန်ပြန်သက်ရောက်မှူများမှာကား နယူတန်၏ တန်ပြန်သက်ရောက်မှူမျိုးမဟုတ်၊


ကံ၏နိယာမ၊ ကံ၏အကျိုးပေးမှူ၊ ကံကြောင့်ဖြစ်ပေါ်လာသော ဝဋ်ကြွေးများအကြောင်းကို မေးမြန်း ဆွေးနွေးခဲ့ခြင်းဖြစ်လေသည်။ ဤနေရာ၌ တန်ပြန်သက်ရောက်မှူဟူသည်၊ မိမိပြုလုပ်မိသောကံ (အလုပ်)၏၊ စွမ်းအားနှင့် ပြုလုပ်ခံရသူ(အရာဝတ္တု)တို့၏ စွမ်းအားကို၊ သတိထားမိဖို့ လိုအပ်လေသည်။

ပုရွက်ဆိပ်ကလေးတစ်ကောင်ကို သတ်ခြင်းသည်၊ ဆင်ကြီးတစ်ကောင်ကို သတ်ရ သလောက် လုံးလမစိုက်ရသဖြင့်၊ သတ္တဝါချင်း တူသော်လည်း အကျိုးပေးခြင်းကွာပေမည်။ အဘယ်ကြောင့်ဆိုသော် ပြုလုပ်ခံရသူတို့၏ စွမ်းအားကွာခြားသောကြောင့်ဖြစ်လေ၏။
မိမိတို့နေ့စဉ် လှုပ်ရှားနေကြရသော ဤလူ့ဘဝ ဒွန္နယာကြီးထည့်တွင် လူပေါင်းစုံ အလွှာပေါင်းစုံဖြင့် ဆက်ဆံကျင်လည်နေကြရသောကြောင့် စကားပေါင်းစုံကို ပုံစံမျိုးစုံဖြင့် ပြောဆိုကာ လှည့်လည်နေကြရသေသည်။
ထို့ကြောင့် မိမိ၏ အမှတ်မထင် ပြောဆိုမိသော စကားကလေး တစ်ခွန်းဖြင့်၊ အလုပ်ထုပ်ခံရခြင်း၊ ရာထူးလျှော့ချခံရခြင်း သံသရာအကြွေးတင်ခံရခြင်း စသော မကောင်းကျိုးများ မတိုးပွားကြစေရန်၊ ထို့သို့ အမှတ်မထင် စကားကလေးတစ်ခွန်းကို ပြောဆိုမိခဲ့ကြ၍ သံသရာ အကြွေးကို ပြန်လည်ကာပေးဆပ်ကြရသော၊ အတီတေ ဗာရာဏသီများ အကြောင်းကို အနည်းငယ် ဖော်ပြလိုက်ပါသည်။

အမ္ဗပါလီ= သိခီဘုရားရှင်လက်ထက်တွင်၊ စေတီရင်ပြင်တစ်ခုသို့ သွားရင်း၊ ရဟန္တာမထေရ်မကြီးတစ်ပါး၏ တံထွေးကို စေတီရင်ပြင်ပေါ်၌ တွေ့ သောအခါ မဆင်မခြင်” ဘယ်..ပြည့်တန်ဆာမတွေကများ ထွေးထားသလဲ” ဟု မဲ့ကာရွဲ့ကာ ပြောဆိုမိသော မိမိ၏ ဝစီဘေဒ အကုသိုလ်ကံကြောင့် ဂေါတမဘုရားရှင်လက်ထက်တွင်၊ ပြည့်တန်ဆာမဖြစ်ရလေသည်။

သီရိမာ=သူသည်လည်း ထိုနည်း၎င်း၊ စေတီရင်ပြင်တစ်ခုတွင် ထိုင်းနေရင်း မိမိ၏ ခြုံပါဝါတွင် ပယ်ကျံနေသော တံထွေးကို တွေ့ရှိသဖြင့်၊ ” အဘယ် ပြည့်တန်ဆာမ ထွေးထား ခဲ့သလဲ” ဟု ပြောဆိုမိခဲ့သဖြင့်၊ ပြည့်တန်ဆာမ အဖြစ်ဖြင့် ပေးဆပ်ရလေသည်။ အမှန်မှာ ၄င်းတံထွေး သည်လည်း ရဟန္တာမကြီင်္းတစ်ပါး၏ အမှတ်မထင် ထွေးခဲ့မိသော တံထွေးဖြစ်ကြောင်း သိရလေသည်။

သာမာဝတီ= သူသည်ကား အလွန်မေတ္တာတရားနှင့်ပြည့်စုံပြီး ထင်ရှားသော မိဖုရားတစ်ဦး ဖြစ်လေသည်၊ သို့သော်- ရှေးဘဝက ပစ္စေကဗုဒ္ဓါ တစ်ပါးအား မီးလျှို့သတ်ခဲ့ဖူးသော အကုသိုလ်ကံကြောင့် ဤဘဝတွင် ဘုရင်ဥတေနမင်းကြီး၏ တောင်ညာစံ မာဂန္ဓီ၏ လက်ချက်ဖြင့် မီးလောင်တိုက်ကို သွင်း၍ အသတ်ခံခဲ့ရသေသည်။

ခုဇ္ဇုတ္တရာ=သူသည်လည်း အလွန်တရား ဥာဏ်ကောင်းသော ဧတဒက်ရ ရဟန္တာထေရီမ တစ်ပါးဖြစ်လေသည်၊ သို့သော်= ရှေးဘဝက ခါးအနည်းငယ်ကုန်းဟန်ရှိနေသော ပစ္စေကဗုဒ္ဓါတစ်ပါးအား ပျော်စေလိုသော သဘောထားဖြင့်၊ ”ငါတို့အိမ်သို့ ဆွမ်းခံကြွတဲ့ဘုန်းကြီးက ဒီလို ဒီလို ကြွတယ်-ဟု ဆိုကာ” မိမိခါးကို ကုန်ကွကွလုပ်၍ လမ်းလျှောက် လှောင်ပြောင် ပြခဲ့ဖူးသော အကုသိုလ်ကံကြောင့် ဤဘဝတွင်၊ ခါးကုန်းခြင်းဟုဆိုသော ဆိုးကျိုးကို ခံစားခဲ့ရလေသည်။

အထက်ပါ အကြောင်းအရာများကို ဖတ်ရှုလေ့လာမိသဖြင့်၊ အန်မတန်မှ လွယ်ကူစွာ ပြုလုပ်လိုက်ရသော မိမိ၏ အမှတ်မထင် စကားကလေးတစ်ခွန်းသည်၊ ပြုလုပ်ခံရသူတို့၏ သီလဂုဏ် သမာဓိဂုဏ် ပညာဂုဏ်ဟု ဆိုအပ်သော၊ စွမ်းအားများကြောင့် မိမိအတွက် သံသရာတွင် အကြွေးတင်၍ ပြန်လည်ပေးဆပ်ရမည်ဖြစ်ကြောင်း။

ရွာဦးကျောင်းဆရာတော်နှင့် ကပ္ပိယကျော်ခေါင်၏ အစ်မတော်တို့ ဆွေးနွေးခန်းအား ပြန်လည်တင်ပြခြင်း ဖြစ်ပါသည်။





Sunday, February 21, 2010

ပညာတော်သင်းစရိတ် ဆက်ကပ်လှူဒါန်း

၂၁-၂-၂၀၁၀၊ ဆောင်ချင့်ချား

ဘန်ကောက်မြို့၊ ဆောင်ချင့်ချားရက်ကွက်၊ စူပါ (၁) လမ်းနေ၊ မတင်နုနှင့် သူငယ်ချင်းများမှ၊ မြန်မာကျောင်းသားရဟန်းတော်များအဖွဲ့(ထိုင်းနိုင်ငံ) သို့၊ ပညာတော်သင်စာရိတ်အဖြစ် အလှူတော်ငွေ ၈၀၉၀ ဘတ် တိတိ ဆက်ကပ်လှူဒါန်းရာ၊ အဖွဲ့ဝင်သံဃာတော်များမှ လက်ခံရယူပြီး၊ လှူဒါန်းမှူ အစုစုတို့အတွက် ရေစက်သွန်းချ အမျှပေးဝေကာ၊ မြန်မာကျောင်းသားရဟန်းတော်များအဖွဲ့ မှ၊ ဂုဏ်ပြုလက်မှတ်များ ပြန်လည်ပေးအပ်ကြောင်း သိရှိရပါသည်။

Saturday, February 20, 2010

အစည်းအဝေး နေရာနှင့် ရက်စွဲ ပြန်လည် သတ်မှတ်ခြင်း

၂၃-၂-၂၀၁၀ (အင်္ဂါနေ့)၊ ၀မ်နွိုင် မဟာချူလာတက္ကသိုလ်တွင် ကျင်းပရန် ဆုံးဖြတ်ခဲ့သော မြန်မာကျောင်းသား ရဟန်းတော်များ အဖွဲ့ (ထိုင်းနိုင်ငံ)၏ အစည်းအဝေးကို
နေရာ အခက်အခဲနှင့် ကျန်တက္ကသိုလ်များတွင် တက်ရောက်နေသော ရဟန်းတော်များ၏ သွားလာရေး အခက်အခဲများကြောင့်
၂၅-၂-၂၀၁၀ (ကြာသာပတေးနေ့)၊ ၀ပ်တလုံးကျောင်းတိုက်သို့၊ ပြောင်းရွှေ့ ကျင်းပမည်ဖြစ်ပြီး၊ ကျောင်းသားရဟန်းတော်များမှ ရှေ့ဆက်လုပ်ကိုင်မည့် လုပ်ငန်းစဉ်များ၊ အခက်အခဲများကို ဆွေးနွေးညှိနိုင်းတိုင်ပင် အဖြေရှာ သွားမည် ဖြစ်ပါသောကြောင့်၊ ကျောင်းသားရဟန်းတော်များ အားလုံး မပျက်မကွက် တက်ရောက်နိုင်ကြစေရန် ရိုသေစွာ လျှောက်ထားအပ်ပါသည် ဘုရား။

မှာတမ်းစာ


သစ်လွင်တောက်ပမှုမရှိသော ဤခန္ဓာအခွံထဲ
ဝိညာဉ်တစ်ခုရိုက်သွင်းလိုက်သောအခါ
ငါသည်… ငါဖြစ်လာခဲ့၏….။

မြစ်ကြောင်းတွေ၏ စီးဆင်းမှုကိုအားကျ၏
ထိုမြစ်ကြောင်းတွေရဲ့နံဘေး ထိုင်ဆွေးနေသော
ကြွေလုလု ကမ်းပါးတွေကိုကြည့်ပြီး ကဗျာစပ်လို၏
လည်ပတ်နေတဲ့ နေ-လ တွေကိုကြည့်ပြီး သံဝေဂပွား၏
တနင်္ဂနွေနေ့တွေရဲ့ အပေါက်ကြိုအပေါက်ကြားမှ
လောကကြီးကို ခေါင်းပြူကြည့်ဖို့ ကြိုးစား၏...။

ရယူခြင်း-ပေးဆပ်ခြင်းတို့ စီးချင်းထိုးရာဤလွင်ပြင်၌
ငါသည်… နတ်စောင်းတစ်လက်ကိုသာ တီးခတ်နေလိုလှ၏
သို့သော်…ငါ့ဂီတကား ဘယ်သူ့အတွက်မှ မဟုတ်ပါချေ…….
ပေးဆပ်ခြင်း၏ ဖိနပ်ခတ်သံသည်
ငါ့ဂီတအား စည်းဝါးမှန်မှန်လိုက်နေဘိ၏
သို့သော် ဂီတသည် ဂီတအတွက်သာလျှင်ဖြစ်ခြိမ့်မည်။

လက်နဲ့လုပ်သောအမှန်တရားများအား
ငါသည် တစ်ခြိုက်မက်မက်စားသောက်ခဲ့ရ၏
လက်ရန်းတန်းနှစ်ခုအကြား၌သာ
အများနည်းတူ လမ်းလျှောက်ခွင့်ရ၏
နောက်လူသည်ငါ၏ခြေရာကိုနင်း၍
ငါသည်လည်း ရှေ့ခြေရာကို မိတ္တူကူးထားခြင်းသာဖြစ်သည်
(ဘုရားသည်ပင် ဘုရား၏မိတ္တူဖြစ်ခြေသည်)။

အို…..အဆွေ……..
သင့်အား အကျွန်ုပ် နုတ်ဆက်သည်…….
အသေစောသစ်တစ်ပင်လို့ပင်ထင်ထင်
အကျွန်ုပ်အတွက် ၀မ်းမနည်းရစ်ပါလေနှင့်…..။

ငါ၏နတ်စောင်းဂီတသည်
သင်တို့စီးချင်းထိုးရာ ဤလွင်ပြင်မှ
ငါနှင့်အတူ အပြီးအပိုင်ပျောက်ကွယ်သွားသောအခါ
ပေးဆပ်ခြင်း၏ ဖိနပ်ခတ်သံအား
ဂီတအဖြစ် နားဆင်ကျန်ရစ်ပါလေအဆွေ……။

ငါ၏ အရိုးတို့ဖြင့်တပ်ဆင်ထားရာ ဤကုလားထိုင်ပေါ်ထိုင်လျှက်
သင့်ချစ်သူအတွက် သင်က ပန်းတွေသီပေးနေချိန်၌
ငါ့အား ကရုဏာသက်ဖို့မလိုပါလေအဆွေ……။

နတ်စောင်းဂီတကိုအန်ထုတ်ရာ မခမ်းနားသည့် ငါ့ရင်ဘတ်အား
သင်၏ ညစာစားပွဲ၌
တူရိယာအဖြစ် မတီးခတ်မိပါစေနဲ့အဆွေ……။

ဥပါဒါန်လေသင်တိုင်းကြောင့်
အရိုင်းလွင့် လွင့်ခဲ့ရသော ငါ၏ ဤခန္ဓာအခွံအား
ငါသည်…. နေရာတကျ ပြန်လည်အပ်နှံထားခဲ့ရဲ့……။

ကျင့်ဝတ်၊ ကျမ်းစာ၊ ယုံကြည်ကိုးကွယ်မှုနှင့်
ဘ၀တခဏ၏ သက်ရှိသက်မဲ့တန်ဆာပလာများ
ဒါတွေအားလုံး နေရာတကျ ပြန်ချထားခဲ့ရဲ့…..။

ငါသိပ်ချစ်သည့် မြန်မာဖိနပ်တစ်စုံအား
ငါမြတ်နိုးသည့် ကျောင်းကန်သာနှင့်
စေတီဆွဲလဲသံတို့၏ မနီးမဝေးအေးအရိပ်၌
နေရာတကျ မြုပ်နှံထားရစ်ခဲ့ရဲ့…….။

ကော်ပီကူးယူသွားခွင့်မရသော အမိနိုင်ငံတော်အား
ငါ၏ အနမ်းတို့ဖြင့် ဆွတ်ပျံ့စေခဲ့ရဲ့………။

အို……အဆွေတို့…….
သင်တို့၏ရှေ့၌ နောက်ဆုံးမတ်တတ်ရပ်လျှက်
ငါ၏ နုတ်ဆက်တေးကိုစတင်တီးခတ်ချိန်၌
ငါ့အား ကောင်းရာသုဂတိလားစေရန်
သင်တို့ ၀ိုင်းပြီး ဆုတောင်းပေးရန်မလိုပါလေ……..
အဘယ့်ကြောင့်ဆိုသော်….
ထွက်သက်၏တခဏ၌ပင် ၀င်သက်တစ်ခုသည်
ငါ့အား… အလုံးစုံ မိတ္တူကူးယူထားပြီးဖြစ်ပေသည် ။ ။
By
အရှင်ဗိန္ဒု (ဇောတိက)
19, February, 2010

Friday, February 19, 2010

အကြောင်းကြား လျှောက်ထားအပ်ပါသည်။

မြန်မာကျောင်းသားရဟန်းတော်များအဖွဲ့ (ထိုင်းနိုင်ငံ)သံဃာတော်များ အားလုံးသို့ မေတ္တာရပ်ခံ လျှောက်ထားအပ်ပါသည်ဘုရား၊

လက်ရှိအသုံးပြုနေသော မြန်မာကျောင်းသားရဟန်းတော်များအဖွဲ့ (ထိုင်းနိုင်ငံ) ၏ ဘလော့တွင် ဘလော့၏ စည်းကမ်း အဖွဲ့၏ စည်းကမ်းများနှင့် မကိုက်ညီသော ထိုထက်ပိုဆိုးသည်မှာ သာသာနာတော်နှင့် မအပ်စပ်သော ကြမ်းတမ်းသောစကားလုံးများကိုို အမည်မသိသူများမှ C-Box တွင် စဉ်ဆက်မပြတ် အမျိုးမျိုး ပုတ်ခတ်ရေးသား ပြောဆိုလျှက် စာသင်သားသံဃာတော်များအကြား အခွင့်ကောင်းယူကာ သွေးကွဲအောင်လှုံ့ဆော်ခြင်း အသင်းအား ပြိုကွဲအောင် အမျိူးမျိူးတိုက်ခိုက်နေခြင်းတို့ကို အရှင်မြတ်များကိုယ်တိုင် တွေ့မြင်ခဲ့ရပြီးဖြစ်ပါသည်ဘုရား။

ထို့ကြောင့်= လောလောဆယ်တွင် အဖွဲ့၏ ဂုဏ်သိက္ခာကို ထိမ်းသိမ်းစောင့်ရှောက်သော အားဖြင့် C-Box ကို ခေတ္တပိတ်ထားပါကြောင်း အသိပေး လျှောက်ထားအပ်ပါသည် ကျောင်းသားသံဃာတော် အရှင်သူမြတ်တို့ဘုရား။

အထက်ပါ အကြောင်းအရာ ကိစ္စများနှင့် ပတ်သက်၍ အစည်းအဝေးတစ်ရပ် ခေါ်ယူကာ တွေ့ဆုံဆွေးနွေး အဖြေရှာသွားမည်ဖြစ်ကြောင်း။ ရိုသေစွာ လျှောက်ထားအပ်ပါသည် ကျောင်းသားသံဃာတော် အရှင်သူမြတ်တို့ဘုရား။

မှတ်ချက်။ ။ နောက်နောင်များတွင်လည်း ဘလော့၏ စည်းကမ်း အဖွဲ့၏ စည်းကမ်းများနှင့် မကိုက်ညီသော ပို့စ်များကို တွေ့ရှိပါက မူလရည်ရွယ်ချက်များအတိုင်း ပယ်ဖျက်သွားမည် ဖြစ်ကြောင်း အကြောင်းကြား လျှောက်ထားအပ်ပါသည် ကျောင်းသားသံဃာတော် အရှင်သူမြတ်တို့ဘုရား။

အရှင်ဘုရားများ၏ အကြံကောင်း ဥာဏ်ကောင်းများကိုလည်း အဖွဲ့၏ ရည်ရှည်တည်တံ့ခိုင်မြဲရေး အတွက် အောက်ပါ E-Mail လိပ်စာသို့ လိုအပ်သလို ပေးပို့ကြပါရန် လျှောက်ထားအပ်ပါသည် ကျောင်းသားသံဃာတော် အရှင်သူ မြတ်တို့ဘုရား။ informgroup1@gmail.com

အသိပေးခြင်း

ဘလော့ admin (တည်းဖြတ်ပိုင်ခွင့်၊ ပြုပြင်နိုင်ခွင့်) နှင့် စီဘောက် password များကို ပြန်ကြားရေးသို့ ပေးအပ်လိုက်ပါကြောင်း ကျောင်းသားအားလုံးသို့ အသိပေးအပ်ပါသည်၊ လက်ရှိဖြစ်ပေါ်နေသော အခြေနေကို ကော်မတီဝင်များမှ အကောင်းဆုံးဖြစ်အောင် ထိန်းသိမ်းသွားမည်ဖြစ်ပြီး လာမည့် ၂၃ ရက်နေ့တွင် ထိပ်တိုက်ဆွေးနွေးကာ ပြုပြင်သင့်တာ ဖြေရှင်းသင့်တာ ညှိနှိုင်းသင့်သည်များကို ချမှတ် ပြုလုပ်သွားမည် ဖြစ်ကြောင်း အကြောင်းကြားလာပါသည်၊

အဓိကရုဏ်း၏ အရင်းအမြစ်ကို သိနေကြသော တနည်းဆိုသော် ယင်းအဓိကရုဏ်းအကြောင်းရင်းထဲတွင် ပါဝင် ပတ်သက်နေကြသော၊ ယင်းပြဿနာကို ဖြေရှင်းရန် တာဝန်ရှိကြသော မည်သည့်ကိုယ်တော်ကမျှ ဘာမှ အကျိုးအကြောင်းရှင်းပြသည့် ပို့စ်လည်း မတင်၊ (တဦးတစ်ယောက် လေးငါးယောက်နားလည်ခြင်းမျိုးမဟုတ်)ကျောင်းသားအားလုံး နားလည်အောင် ရှင်းလင်းချက်လည်း မထုတ်ပြန်၊ ဟုတ်သယောင်ယောင် တုဏှီဘာဝေ ဆိတ်ဆိတ်နေ နေကြသည့်အတွက် မိမိ ကြားနေသဘောဖြင့် လက်ရှိဖြစ်ပေါ်နေသော ပြဿနာကို ပြေငြိမ်းရန် ကော်မတီဝင်များကိုယ်စား အမုန်းခံကာ အရဲစွန့် ရေးတင်လိုက်သော "အမှားထဲက အမှားများ" ပို့စ်ကိုရေးတင်မိသည့်အတွက် အချို့က ကိုယ်လွတ်ရုန်းသည်ဟု ဝေဖန်ခံရပါသည်၊ အတော်စိတ်မကောင်း ဖြစ်မိပါသည်၊

ယင်းအတွက်ကြောင့် ဘလော့ admin နှင့် စီဘောက် passward များကို ပြန်ကြားရေးသို့ အချို့သံဃာတို့၏ တောင်းဆိုချက်အရ ပေးလိုက်ပါသည်၊ (စီဘောက် ပက်စ်ဝါ့ကို ၁၇.ရက်နေ့က ပေးခဲ့)

အားလုံး အဖြေကိုရှာနိုင်ပြီး ညီညီညွတ်ညွတ်ဖြင့် အဖွဲ့မပျက်စီးအောင် ဆက်လက် ဆောင်ရွက်နိုင်ကြပါစေ..

Thursday, February 18, 2010

ခွင့်လွတ်ပေးကြပါ

အဇ္ဈတ္တ ၀ိသဋံ ၀ိသံ၊
အဇ္ဈုပေက္ခေယ ပဏ္ဍိတော။
နတွေဝုဗ္ဗေထ မနက္ကာရံ၊
သောဟာပါယ ပထောဥဇု။
(ပရမတ္ထဒီပနီဋီကာ အဖြေကျမ်းမှ)
ပညာရှိသူတော်ကောင်းသည် မိမိ၏ကိုယ်တွင်လောင်မြိုက်နေသော မြွေပွေးရဲ့အဆိပ်ကိုလျစ်လျှူရှုကာ မိမိ၏ကိုယ်တွင်း စိတ်သန္တာန်မှာဖြစ်ပေါ်လာသော မကောင်းသောစိတ်ဓာတ်(အယောနိသောမနသိကာရ)ကိုဘယ်သောအခါမှ မျက်ကွယ်မပြု အမြဲတမ်းဆင်ခြင်သုံးသပ်လေ့ရှိသည်။မည်သည့်အတွက်ကြောင့်နည်းမူ မကောင်းသောစိတ်ဓာတ်(အယောနိသောမနသိကာရ)သည်အပါယ်သို့ကျရောက်စေပြီး ကောင်းသောစိတ်ဓာတ်(ယောနိသောမနသိကာရသည်)ကောင်းသောဘုံဘ၀သို့ကျရောက်စေနိုင်သောကြောင့်ပင်ဖြစ်လေသည်။
ဘုရားရှင်လက်ထက်တော်က အရှင်ဒဗ္ဗသည် ကိုယ်တွင်းစိတ်သန္တာန်မှာဖြစ်ပေါ်လာသော မကောင်းသောစိတ်ဓာတ်(အယောနိသောမနသိကာရ)ကိုလက်ခံမိသောကြောင့် ရဟန္တာဖြစ်သောဘ၀မှာပင် အမျိုးသမီးနှင့်သုံးကြိမ်တိုင်တိုင် အစွပ်အစွဲခံရသည်ဟု အားလုံးသိရှိကြလိမ့်ဖြစ်ပါသည်၊အင်္ဂ္ဂိုတ္ထိရ်ပါဠိတော်မှာလည်းမြတ်စွာဘုရားရှင်က အယောနိသောမနသိကာရသည် အမြဲတမ်းအကုသိုလ်ကိုပေးစွမ်းနိုင်ပြီး။ယောနိသောမနသိကာရသည် အမြဲတမ်းကုသိုလ်တရားတွေကိုသာပေးစွမ်းနိုင်လေသည်ဟုဟောကြားတော်မူခဲ့သည်မဟုတ်ပါလော၊
ထိုမှတစ်ပါးပြန်ကြည့်လျှင် ဘုရားရှင်လက်ထက်က အရှင်ပိလန္ဒ၀စ္ဆမထေရ် ဘ၀များစွာ ချမ်းသာမြင့်မြတ်သောအမျိုးမှာဖြစ်ခဲ့ရသောကြောင့် တွေ့မြင်ရသည် လူတိုင်းကို သူယုတ်မာဟုခေါ်လေ့ရှိကြောင်းမှတ်သားဘူးပါသည်။ ဒါကြောင့် မကောင်းကွက်ကိုသာရှာကြည့်နေမယ်ဆိုရင် ပုထုဇဉ်မဆိုထားနဲ့ ရဟန္တာများနှင့်တောင် ပေါင်းသင်းဆက်ဆံလို့ရမည်မဟုတ် ဟုပင်တွေးမိပါသည်။
ထိုအရာကိုသာဓကကြည့်ကြမည်ဆိုရင်ဖြင့် ဘုရားရှင်လက်ထက်တော်က သာဝတ္ထိပြည်က ကျောက်သွေးသမားကိုပြန်ကြည့်သင့်ပါသည်။ဆယ်နှစ်တိုင်တိုင်အလုပ်အကျွေးပြုခဲ့သော်လည်း ကြိုးကြာသည် ပတ္ထမြားကိုစားလောက်သည်ဟု မစဉ်းစားနိုင်သောကြောင့်လည်းကောင်း၊မိမိ၏ခန္ဓာကိုတပ်မက်သောလောဘ၊မိမိဆယ်နှစ်ကျော်အကိုးကွယ်ပြုလာသော သဒ္ဓါတရားကိုမတွေးတောနိုင်သောလောက်အောင်ဖြစ်ကာသေလောက်အောင်ရိုက်နှက်သောဒေါသတို့ကြောင့် နောက်ဆုံးမှာတော့အပါယ်သို့သာလျှင်သွားရလေသည်ဟုတွေးမိပါသည်။
ဒါကြောင့်လည်း သူတော်ကောင်းတွေဟာမိမိ၏ သေးငယ်လှစွာသော အပြစ်ကိုမြင်လွယ်၏။သူတစ်ပါ၏ကြီးမားလှစွာသော အပြစ်ကိုကား လုံးဝမမြင်ချေဟု အဆိုပြုခဲ့ကြသည်စာရေးသူထင်မိပါသည်။
မြတ်ဗုဒ္ဓနှင့်ရဟန္တာတို့သည် တစ်ထောင့်ငါးရာကိလေသာကိုပါယ်သတ်ခြင်းတူသော်လည်း မြတ်စွာဘုရားသည် ၀ါသနာနှင့်တကွပယ်သတ်လိုက်လေ၏။ရဟန္တာတို့သည်ကာ ၀ါသနာနှင့်တကွမပယ်သတ်ချေ။ထို့ကြောင့် အရှင်ပိန္ဒ၀စ္ဆ၏ လူတွေကိုတွေ့လျှင် ၀သလ-လူယုတ်မာ ဟုခေါ်ဆိုခြင်း။ကြိုးကြာ၏အသက်တွက် မိမိ၏ အသက်ကိုပေးဆပ်လိုက်သော အရှင်တိဿမထေရ်၏ ကောင်းသောပြုလုပ်ခြင်းစသော ကောင်းကွက် မကောင်းကွက်တွေကိုကြည့်ပြီးတွေးမယ်ဆိုရင်တော့
ကောင်းကွက်ကြည့်မယ်ဆိုရင် မပေါင်းသင်းနိုင် ခွင့်မလွတ်နိုင်သောသူသည်မရှိချေ။
မကောင်းကွက်ကိုပဲကြည့်မယ်ဆိုရင်တော့ ပေါင်းသင်းနိုင်သောသူ ခွင့်လွတ်နိုင်သောသူဟူသည်ကား ထိုသူအတွက်မရှိချေ။
သူတော်ကောင်း၏ လက္ခဏာ(၄)ပါး နှင့်သူယုတ်မာ၏လက္ခဏာ(၄)ပါးကိုမြတ်စွာဘုရားရှင်သည် အဂ်္ဂိင်္ုတ္ထိုရ်ပါဠိတော်မှာဟောကြားတော်မူခဲ့ပါသည်။
သူယုတ်မာ၏လက္ခဏာ(၄)ပါး
၁။သူတစ်ပါး၏အပြစ်ကို မမေးမြန်းဘဲပြောကြားလေ့ရှိ၏။
၂။မေးမြန်းလျှင်လည်း ပိုမိုချဲကားပြောလေ့ရှိ၏။
၃။သူတစ်ပါးကောင်းကြောင်းကို မမေးလျှင်မပြော။
၎။မေးခဲ့လျှင်လည်း ထိန်းချန်ပြီးပြောလေ့ရှိ၏။
သူတော်ကောင်း၏လက္ခဏာ(၄)ပါး
၁။သူတစ်ပါးမကောင်းကြောင်းကိုမမေးဘဲနဲ့မပြော။
၂။မေးခဲ့လျှင်လည်း လျှော့ပြီးပြောလေ့ရှိ၏။
၃။သူတစ်ပါးကောင်းကြောင်းမမေးဘဲနှဲ့ပြောလေ့ရှိ၏။
၎။မေးခဲ့လျှင်လည်းပြည့်စုံစွာပြောလေ့ရှိ၏။
တစ်ခြားအားဖြင့်ပြန်တွေလိုက်လျှင်တော့ ၁။သဘောထားသေးသိမ်သောသူသည် သူတစ်ပါး၏အပြစ်ကိုမြင်လွယ်၏။
၂။သဘောထားကြီးမြတ်သောသူတို့သည်သူတစ်ပါ၏အပြစ်ကိုမမြင်တတ်ချေ။၃။ထို့ထက်စိတ်ထားမြင့်မြတ်သောသူတို့သည် ဘယ်သူ၏အပြစ်ကိုမှ မမြင်တော့ချေ။
စာရေးသူရန်ကုန်စာသင်တိုက်မှာနေစဉ်မှာ ကိုရင်ကလေးတွေ ညအခါလသာသောအချိန်တွင် ကလေးတွေသဘာဝအတိုင်း ဆော့ကစားတတ်သောကြောင့် ဆရာတော်ကြီးသည် အမြဲတမ်းထိန်းသိမ်းလေ့ရှိသည်။နောက်နေ့မှာတော့ဆရာတော်သည်
ခရီးသွားရမည်ဖြစ်သောကြောင့် စာချဆရာတော်ဦးပညာကို ကိုရင်ကလေးတွေကိုထိန်းသိမ်းဘို့မှာထားခဲ့လေသည်၊ဆရာတော်ကြီးလည်းခရီးသွားရာမှပြန်လာသောအခါမှာတော့ ကိုရင်ကလေးတွေဆော့နေတာနဲ့ထိပ်တိုက်တွေ့လိုက်သောအခါ ဒေါသများဖြစ်ကာ သံဃာတော်များ၏ရှေ့မှောက်မှာပင် ဆရာတော်ဦးပညာကို အရှင်ဘုရား ကိုယ်တော်တွေဒီလောက်ဆော့နေတာကိုဘာလို့မတာလည်း အရှင်ဘုရား ကြည့်ကောင်းတိုင်းကြည့်နေတာလား
ဒီအခါမှာတော့ဆရာတော်ဦးပညာသည် ဆရာတော်ကြီးအားချက်ချင်ပင်ပြန်လျှောက်ထားလေသည်။
အရှင်ဘုရားကလဲ သတ္တ၀ါတွေ စိတ်ချမ်းသာသလိုနေကြပါစေ ထိုအခါမှာတော့ဆရာတော်သည်ဘာမှမပြောတော့ပေ။
ဒါကြောင့်တပည့်တော်တို့အားလုံးလည်း ဘာမှမပြောတော့ပဲနေလိုက်တာပဲကောင်းပါတယ်ဘုရား ဆရာတော်ဦးပညာပြောသလိုပေါ့ဘုရား။
အခုလိုရေးလိုက်လို့တပည့်တော်ကို မကျေနပ်လို့အော်ချင်ရင်လဲအော်မည်။တပည့်တော်ကျေနပ်ပါတယ်ဘုရား။
်စာရေးသူလည်း သူတော်ကောင်းမဟုတ်ငြားသော် တတ်နိုင်သမျှတော့ကြိုးစားနေဆဲပါ၊
ဘုရားရှင်လက်ထက်တော်က ဘုရားရှင်ကိုငွေကြေးပေးကာ ဆဲရေးခိုင်တာကိုမြတ်ဗုဒ္ဓသည် ဘာရဒွါဇဆိုသောဒါယကာကို အချင်းဘာရဒွါဇ သူတစ်ပါးကိုလက်ဆောင်ပေးရင် သူတစ်ပါးမယူလျှင် မိမိသာလျှင်ပြန်ရသည့်ဟု မိန့်ကြားတော်မူခဲ့ပါသည်။
၂၃.၂-၁၀နေ့သည် အားလုံးသော ကျောင်းသာသံဃာတော်တွေရဲ့ အရေးပေါ်အစည်းအဝေးမှာပဲ အဖြေရှာကြပါစို့ဘုရား၊
တစ်ဦးကိုတစ်ဦး ပြောဆိုရေးသားနေမည်ဆိုလျှင် သာသနာတော်လည်းငြိုး အသင်လည်း အသရေငြိုးရသည့်ရလာဒ်ကလွဲပြီး အမုန်းတွေသာပွါးကြယုံသာဖြစ်ပါသည်။
တိုးတောင်းလှသော အချိန်အခါလေးမှာတွေ့ခဲ့ကြတာ အသင်းတည်ထောင်သောအချိန်အခါတုန်းက တစ်ဦးကိုတစ်ဦး ပျော်ရွှင်ခဲ့တာလေးကိုတပည့်တော်အခုအချိန်အထိ မမေ့နိုင်သေးပါဘူး။သို့သော် အခုအချိန်အခါမှာတော့ တစ်ဦးကိုတစ်ဦး အမုန်းတွေကိုလျှံပဲနဲ့ ပြောနေကြတာတွေ့မြင်နေရတော့ ဆွမ်းတောင်မစားနိုင်ပါဘုရား(ဆွမ်းမစားနိုင်ရင် မင်းသေးလိုက်ပေါ့လို့)ကိုယ်ဘာသာကိုပဲရေးလိုက်ပါ့မည်။သံယောဇဉ်ကြောင့်ပေါ့----------.
ဘက်တော်သားဆိုတဲ့ အသုံးအနှုံကိုတွေ့လိုက်ရတော့ ခက်ကုန်ပြီလို့တွေးမိလိုက်တယ်။ တပည့်တော်တို့ အဖွဲ့အစည်းသည် ဘက်တော်သားမရှိခဲ့ပါ။ ညီနောင်တွေမို့ ငါတို့ပေါင်းစည်းဘို့ အချိန်တမ်းနေပြီလို့ပြောလိုက်ပါရစေ၊
အမှားမကင်းသေးသောကြောင့် အမှားရှိရင် ခွင့်လွတ်ပေးပါ။

အမျိုးအတွက်ဆိုရင် သေရဲတယ်

ဒီခေါင်းစဉ်က သူ့တိုင်းပြည်အတွက်၊ သူ့လူမျိုးအတွက်၊ သူ့ သာသနာအတွက် နေ့နေ့ညည ကြိုးစားပမ်းစား အလုပ်လုပ်ခဲ့တဲ့ ဆရာတော်ဝီရသူ(မစိုးရိမ်) ရေးသားခဲ့ ဟောပြောခဲ့တဲ့ ခေါင်းစဉ်လေးပါ။ ထိုင်းနိုင်ငံရောက် ကျောင်းသားဘလော့ဂ်မှာလည်း ဒေါင်းဆွဲပြီး နာယူနိုင်ကြပါတယ်။

သူ အပြင်မှာ ရှိစဉ်တုန်းက မကြာမကြာ ဟောပြောခဲ့တဲ့ ခေါင်းစဉ်လေးပါ။ သူဟာ သူ့တိုင်းပြည်ကို အရမ်းချစ်တယ်။ သူ့သာသနာကို သူ အရမ်းမြတ်နိုးတယ်။ သူ့သာသနာ သူ့လူမျိုး သူ့ တိုင်းပြည်အတွက် ဆိုရင် သူ့အသက်ကို အချိန်မရွေး ပေးဆပ်ရဲတယ်။

စာရေးသူတို့ နိုင်ငံတော်ပရိယတ္တိသာသနာ့တက္ကသိုလ်(မန္တလေးမှာ) တက်ရောက်ခဲ့စဉ် ၁၉၉၈-ခုနှစ် ၀န်းကျင်လောက်ကပါ။ ဆရာတော်ဝီရသူရေးသားတဲ့ ထေရ၀ါဒတိုက်ပွဲဆိုပြီး စာအုပ်တစ်အုပ်ထွက်လာတယ်။ စာအုပ်အရေအတွက်က နည်းတော့ မနည်းပဲ အလုအယက် ၀ယ်လိုက်ရတယ်။

အဲဒီအချိန်က ဆရာတော်ဟာ တရားတွေကို ကျယ်ကျယ်ပြန့်ပြန့် မဟောသေးပါဘူး။ လေ့လာနေဆဲ အချိန်ပေါ့။ သူ သိသမျှ နားလည်သမျှကို ခေတ်အမြင်နဲ့ ရဲရဲရင့်ရင့် ရေးထားတာကို ဖတ်လိုက် မှတ်လိုက်ရတယ်။

ဝေဖန်စရာရှိတာကိုလည်း ပွင့်ပွင့်လင်းလင်း ဝေဖန်ရဲတဲ့ သတ္တိရှိတယ်။ သူ့ရဲ့ဆရာ၊ သူ့ဒကာဒကာမတွေရဲ့ မျက်နှာကိုလည်း မထောက်ဘူး။ ပြောစရာ ရေးစရာ ဝေဖန်စရာရှိရင် ပွင့်ပွင့်လင်းလင်းပဲ ပြောဆို ရေးသား ဝေဖန်လေ့ရှိတယ်။ အမှန်တရားအတွက် ဘယ်သူ့မျက်နှာကိုမှ မငဲ့ညှာ မထောက်ထားဘူး။

သူလုပ်ခဲ့တဲ့ အလုပ်ကိုလည်း တာဝန်ယူရဲတဲ့ သတ္တိအပြည့်ရှိတယ်။

သူ့ကိုသူ ဘာသာရေးခေါင်းဆောင် လူမျိုးရေးခေါင်းဆောင်လို့ အမြဲခံယူထားတယ်။ ရှင်ငယ်၊ သီလရှင်ငယ်၊ ကလေးငယ်တွေကို ခေါင်းဆောင်နိုင်တဲ့ အရည်းအချင်းတွေ ရှိဖို့၊ ခေါင်းဆောင်နိုင်လောက်တဲ့ သတ္တိထူးတွေ ရဖို့ အမြဲတမ်း ဟောပြော စည်းရုံးခဲ့တယ်။

အပြောအဟော သက်သက်မဟုတ်ဘဲ သူကိုယ်တိုင်က ခေါင်းဆောင်ကောင်းပီသအောင် နေထိုင်နိုင်ခဲ့တယ်။ သူရဲ့ ခံယူချက်က ဘယ်လောက်ထိ ပြင်းထန်သလဲ ဆိုရင် သူရေးခဲ့တဲ့ ထေရ၀ါဒတိုက်ပွဲ စာအုပ်ထွက်ရှိတုန်းကပေါ့။ တော်တော်များများ(သက်ဆိုင်ရာ)က ဝေဖန်ကြတယ်။

အဲဒီအတွက် ဆရာတော် ၀ီရသူ သူ့ရဲ့ ထေရ၀ါဒတိုက်ပွဲ စာအုပ်နဲ့ပတ်သက်ပြီး တာဝန်ယူပြောခဲ့တဲ့ စကားတစ်ခွန်းက “အကယ်၍ သူရေးခဲ့တဲ့ ဒီစာအုပ်က တရားနဲ့မညီဘူး၊ နည်းလမ်းမကျဘူးဆိုရင်၊ သူရေးခဲ့တဲ့ အဲ့ဒီ စာအုပ်တွေနဲ့အတူ၊ သူ့ကိုသူ မီးရှို့ သတ်သေပါ့မယ်”တဲ့။

ခုတော့ ဆရာတော်ဝီရသူဟာ တိုင်းပြည်အတွက်၊ လူမျိုးအတွက် အရာရာကို စွန့်လွှတ် အနစ်နာခံပြီး ခေါင်းဆောင်ကောင်း ပီသစွာ လုပ်ဆောင်ခဲ့သည့်အတွက် နှစ်ပေါင်း ရွှေရတုတိုင်အောင် ဧကစာရီ တပါးတည်း ကျင့်နေရမည့်သဘော သက်ရောက်နေပါပြီ။

သူလုပ်ဆောင်ခဲ့တဲ့ သူ့ရဲ့ ခေါင်းဆောင်မှုဟာ ခေါင်းဆောင်လုပ်နေသည့်၊ လုပ်တော့မည့် သူအားလုံးအတွက် အတုယူစံထားသင့်ကြပါတယ်။ ခေါင်းဆောင်နေရာရှိနေရင် အဲဒီနေရာနဲ့ တန်အောင် အများအတွက် ကြိုးစား ဆောင်ရွက်သင့်ကြပါတယ်။

မဟာကပိဇာတ်တော်မှာ ခေါင်းဆောင်ကောင်းဆိုတာ ကိုယ့်လူမျိုး ကိုယ့်နိုင်ငံ ကိုယ့်ဘာသာနဲ့ ပတ်သက်လာရင် ရှေ့က နေ မားမားမတ်မတ် ရပ်တည်သင့်တဲ့ အကြောင်းကို ဟောထားတာရှိပါတယ်။ အသာစံရမည့် အချိန်မှာ ရှေ့ထွက်ပြီး အနာခံရမည့် အချိန်၊ ကိုယ့်အတ္တ ကိုယ့်အကျိုးတွေ စွန့်လွှတ်ရမယ့် အချိန်မှာ ဘယ်တော့မှ နောက်ကွယ်မှာ မနေပါဘူး။

ခေါင်းဆောင်ကောင်းဆိုတာ အရေးကြုံလာရင် အနစ်နာခံရတယ်။ ကိုယ့်လူမျိုးကို အသက်စွန့်ပြီး ရှေ့တန်းကနေ ကာကွယ်ပေးရတယ်။ အန္တရာယ်ကြုံနေရတဲ့ အချိန်မှာ ငါနဲ့ မဆိုင်သလို ဘယ်တော့မှ မနေပါဘူး။ ပြီးတော့ ငါက ခေါင်းဆောင်ပဲ ဆိုပြီး သူ့အတ္တ သူ့လောဘအတွက် သူ့အောက်ကသူတွေကို စတေးပြီး လက်တွေ့ အသုံးချဖို့နေနေသာသာ ဘယ်တော့မှ စိတ်ကူးနဲ့တောင် မကြံစည်ပါဘူး။ အများကောင်းစားရေး၊ နိုင်ငံကောင်းစားရေး၊ သာသနာတော် တိုးတက်ထွန်းကားရေး ကိုသာ နေ့နေ့ညည ကြံစည် တွေးတော စဉ်းစား ဆုံးဖြတ် သုံးသပ်နေသူပါ။ ဆရာတော်ဝီရသူကဲ့သို့ ပုဂ္ဂိုလ်မျိုးပေါ့။

ထို့ကြောင့် ဆရာတော်ဝီရသူ၏ သူ့ရဲ့ခေါင်းဆောင်ကောင်းပီသမှု၊ သူ့နိုင်ငံ သူ့လူမျိုး သူ့ဘာသာ သူ့သာသနာအတွက် သူ့အသက်ကိုပါ စတေးရဲတဲ့ သတ္တိထူးများအတွက် သူရေးခဲ့တဲ့ ကဗျာလေးနဲ့ နှုတ်ဆက် ဂုဏ်ပြုလိုက်ရပါတယ်။

အမျိုးအတွက်ဆိုရင် သေရဲတယ်

တို့မြန်မာပြည် တိုင်းရင်းသားတို့၊
မောင်ရင်းနှမလို ချစ်ရမယ်။
ကြီးသူ ရိုသေ ငယ်သူ သနားလို့၊
ရွယ်တူလေးစား စောင့်ရှောက်ကွယ်။
မျိုးဇာတိဂုဏ် မြင့်မားရေးအတွက်၊
သာကီသွေးတွေ မွေးရမယ်။
တို့မြန်မာကို လာမထိနဲ့၊
ကမ္ဘာသိအောင် ချေမှုန်းမယ်။
ကံငါးပါးကို ဦးထိပ်ထားလည်း၊
အမျိုးအတွက်ဆို သတ်ရဲတယ်။
တို့တိုင်း တို့ပြည် တည့်တန့်ရေးအတွက်၊
အသက်သွေးနဲ့ ပေးဆပ်မယ်။
တစ်ဗိုလ် ကျလျှင် တစ်ဗိုလ်တက်မကွဲ့၊
အမျိုးအတွက်ဆိုရင် သေရဲတယ်။


ကျန်တာတွေ ဒီမှာဆက်ရေးပါဘုရား

စည်းဝေးပွဲပင့်လျှောက်လွှာပါဘုရား

M.S.M.O. အဖွဲ့ဝင် ကျောင်းသား သံဃာတော် အရှင်သူမြတ်တို့ဘုရား တပည့်တော်တို့ ကော်မတီဝင် သံဃာတော်များ အစည်းအဝေးပွဲကို ၁၈-၂-၂၀၁၀ ကြာသပတေးနေ့ နေ့လည် ၂ နာ ရီ အချိန်မှာ ၀ပ်မဟာထ၌ ကျင်းပခဲ့ပါသည် ။ စည်းဝေးပွဲ ဆုံဖြတ်ချက်မှာ ကျောင်းသား အဖွဲ့ဝင် သံဃာတော်များအားလုံး တွေ့ဆုံဆွေးနွေးပွဲကို
၂၃-၂-၂၀၁၀ အင်္ဂါနေ့ ညနေ ၅ နာရီ အချိန်၌ မဟာချူလာတက္ကသိုလ် (M.C.U.)၀မ်နွိုင်းမှာ ကျင်းပမည် ဖြစ်ပါသည် ။
သို့အတွက်ကြောင့် အသင်းညီညွတ်ရေးကို ရှေးရှုလျက် မပျက်မကွက် တက်ရောက်ကြပါရန် ရိုသေစွာဖြင့် ပင့်လျှောက်အပ်ပါသည်ဘုရား ။
ပြန်ကြားရေး

အမှားထဲက အမှားများ (အကြံပြုချက်)

ခုတလော ဘလော့မှာ ပေါက်ကွဲသံစဉ်တွေ တွေ့မြင်နေမိတာ ကျောင်းသားရဟန်းတော်တွေအတွက် အဖွဲ့အတွက် အကောင်းလား အဆိုးလားဆိုတာ ဝေဖန်ဖို့ စောလွန်းနေတဲ့ အခြေနေမျိုးပဲ၊ ဝေဖန်တာ ထောက်ပြတာ သိပ်ကိုကောင်းပါတယ်၊ (ဘလော့လာဖတ်သူတွေ့ယင် မြင်လို့ မတော်တဲ့ ကြမ်းတမ်းတဲ့ အသုံးအနှုန်းတွေ သုံးတာကလွဲယင်ပေါ့) ဒါမှလည်း ဘာလုပ်သင့်တယ် ဘယ်လိုရှေ့ဆက်သင့်တယ်ဆိုတာ အဖြေကောင်းရမှာပါ၊ အခုလို ပေါက်ကွဲကြလို့...တစ်ပါးတမျိုးစီ ရင်ဖွင့်ကြလို့ တပည့်တော် အနေနဲ့ စိတ်မညစ်မိတာ အမှန်ပါ၊ တဘက်သားရဲ့ ဆန္ဒကို နားလည်တတ်သူ ကိုယ်ချင်းစာတတ်သူတစ်ယောက်အတွက် ဒါဟာ စိတ်ညစ်နေစရာလည်း မဟုတ်ပါဘူး၊ တခုစိုးရိမ်မိတာက တပည့်တော်တို့ ညီညီညွတ်ညွတ်နဲ့ တည်ထောင်ထားတာ ဘာမှ မကြာသေးတဲ့ ကျောင်းသားအဖွဲ့လေး ပျက်သွားယင်ဆိုတဲ့အတွေးကတော့ တပည့်တော် အစိုးရမ်ဆုံးအရာပါပဲ၊

အခြားကော်မတီဝင် မဟုတ်တဲ့ ကျောင်းသားရဟန်းတော်တွေအနေနဲ့ တချို့ကိစ္စတွေမှာ ဘာမှ မသိလိုက်ရဘဲ... ဖြစ်ပြီးမှ တဆင့်တဆင့် ကြားသိလိုက်ရတဲ့အခါ ရှော့ (shock) ဖြစ်သွားတာမျိုးတွေ ရှိတတ်ပါတယ်၊ သေချာတာက သေးငယ်တဲ့ ကိစ္စတွေမှာ ကော်မတီဝင် မဟုတ်တဲ့ ကျောင်းသားတွေဟာ ခွင့်လွတ်ပြီး တိတ်တိတ်နေခဲ့တဲ့ သာဓကတွေ ရှိခဲ့တယ် ဆိုတာပါပဲ၊
ကော်မတီသံဃာတွေကတော့ ကိုယ်တိုင်ပါဝင်ဆောင်ရွက်နေကြတော့ အဖွဲနဲ့ပတ်သက်တဲ့ ကိစ္စအတော်များများကို သိကြတာများပါတယ်၊ ဆိုးတာက အချိန်မှီ အခြားကျောင်းသားတွေဆီကို သတင်းမပေး အကြောင်းမကြား (အရေးကြီးကိစ္စတွေမှာ သူတို့ရဲ့ ဆန္ဒကို မတောင်းခံ)တာပါပဲ၊

လက်ရှိ ဖြစ်သွားတဲ့ သံရုံးကိစ္စဟာ တပည့်တော်ရဲ့ ပုဂ္ဂိုလ်ရေးအမြင်ပြောရယင် သိပ်ပြီးတော့ အရေးကြီးတဲ့ ကိစ္စဖြစ်ပါတယ်၊ ဘ၀တစ်ခုလုံးနဲ့တောင် ပတ်သက်တယ်လို့ ပြောယင်လည်း ရနိုင်ပါတယ်၊ ဒါကို အခြား အဖွဲ့ဝင်ကျောင်းသားတွေရဲ့ ဆန္ဒကို မယူနိုင်ခဲ့တာဟာ သိပ်ပြီးမှားသွားပါတယ်၊ ကော်မတီဝင်တွေအနေနဲ့လည်း ခိုင်လုံတဲ့ အကြောင်းပြချက်တွေ ရှိကောင်း ရှိနေပါလိမ့်မယ်၊ ဒါကို အဖွဲ့ဝင်ကျောင်းသားတွေ နားလည် လက္ခံနိုင်အောင် ရှင်းပြဖို့ လိုအပ်ပါတယ်၊

တပည့်တော်အနေနဲ့ကတော့ အဲဒီအချိန်က ခရီးလွန်နေတဲ့အတွက် သြ၀ါဒခံတဲ့ကိစ္စ သံရုံးသွားတဲ့ကိစ္စ ကျောင်းသားစာရင်းပေးတဲ့ကိစ္စတွေကို နောက်မှ သိခဲ့ရပါတယ်၊ အခု ဒီစာကိုရေးနေချိန်ထိလည်း စင်္ကာပူမှာ တခါမှ မရောက်ဖူးသေးလို့ အလည်ရောက်နေပါတယ်၊ ပြောချင်တာက တပည့်တော်လည်း ဒါတွေအားလုံးကို နောက်မှ သိခဲ့ရတယ်ဆိုတာပါပဲ၊

ပြဿနာဆိုတာ ဖြစ်ပြီးမှ တစ်ယောက်ကိုတစ်ယောက် ပြစ်တင် ဆဲဆို ဝေဖန်နေမဲ့အစား ထိပ်တိုက်တွေ့ဆုံပြီး ဖြေရှင်းလိုက်တာ အကောင်းဆုံး ဖြစ်မယ်ထင်ပါတယ်၊ အပြစ်တင်နေလို့ ဆဲဆိုနေကြလို့ ပြဿနာဟာ ငြိမ်းသွားမှာ မဟုတ်ပါဘူး၊ ဘာလုပ်သင့်တယ် ဘယ်လိုညှိနှိုင်းသင့်တယ် ဘယ်လိုတာဝန်တွေယူရမယ် ဘယ်လိုကတိတွေ ပေးရမယ် စသည်ဖြင့် တင်ပြဆွေးနွေး ညှိနှိုင်းကြမှသာ ပြေငြိမ်းနိုင်မဲ့အကြောင်း စေတနာနဲ့ တင်ပြလိုက်ပါတယ်၊

အဆဲခံရလို့ အပြစ်တင်ခံရလို့ ဘယ်သူ့ကိုမှ အပြစ်မမြင် မဝေဖန်ချင်ပေမဲ့ ကျောင်းသားအဖွဲ့ဖြစ်ချင်လွန်းလို့ စိတ်ရော ကိုယ်ပါ အပင်းပန်းခံပြီး စည်းရုံးဖွဲ့စည်းလာခဲ့တဲ့ ကျောင်းသားအဖွဲ့လေး ပြိုကွဲသွားမှာကိုတော့ အလွန်စိုးရိမ်မိတာ ရင်ထဲက တကယ့် ဆန္ဒပါ၊ နိုင်ငံတကာ ကျောင်းသားအဖွဲ့တွေထဲမှာ နောက်ဆုံးမှလည်း ဖွဲ့တယ်၊ အရင်ဆုံးလည်း ပြိုကွဲတယ်ဆိုယင် တပည့်တော်တို့ရဲ့ သမိုင်းဟာ အတော်ကို ရိုင်းခဲ့မှာပါပဲ၊

ကော်မတီသံဃာတွေအနေနဲ့ အရေးကြီးကိစ္စတွေမှာ အခြားအဖွဲ့ဝင်သံဃာတွေကို အချိန်မှီ အသိမပေး အကြောင်းမကြားနိုင်ခဲ့တာ မှားပါတယ်၊ အခြားအဖွဲ့ဝင်သံဃာတွေ အနေနဲ့လည်း ဒေါသအလျောက် ဆဲဆိုပြစ်တင်နေကြတာ မှားပါတယ်၊

ဆဲဆို ဝေဖန် ပြစ်တင်နေကြမဲ့အစား အကောင်းဆုံး အကြံဥာဏ်လေးများပေးဖို့ လုပ်သင့်တာလုပ်ဖုိ့ ညှိနှိုင်းသင့်တာ ညှိနှိုင်းကြဖို့ ဖြေရှင်းနိုင်မဲ့လမ်းကို ရှာကြဖို့ တပည့်တော် အဝေးကနေ တောင်းဆိုလိုက်ပါတယ်၊

အားလုံး အရင်လို ညီညွတ်စွာနဲ့ ရှေ့ဆက်နိုင်ကြပါစေ....

လက်ဆင့်ကမ်းခြင်း

ကော်ပီကူတယ်လို့တော့မပြောစေချင်ပါဘူး အပြစ်လဲမမြင်ချင်ဘူး သိစေချင်သောဆန္ဒတွေနဲ့ပါ သိပြီးသောပုဂ္ဂိုလ်တွေကတော့အကြောင်းမဟုတ်ပါဘူး မသိသေးသောပုဂ္ဂိုလ် အတွက်ရည်ညွန်းပြီးကော်ပီကူးပြီးရေးတင်လိုက်တာပါဘုရား အပြစ်မမြင်ရင်ဘဲကျေနပ်ပါပြီး။Dtac ဖုန်းကိုသာလျှင်ပြုလုပ်နိုင်ပါသည်။

*101*9# ကိုဖုန်းတွင် နိပ်ထည့်၍ call လိုက်ရင်ဖြင့် မိမိဖုန်းတွင် အင်္ဂလိပ်ဘာသာဖြင့် ဖုန်းခေါ်ဆိုခ မည်မျှကျန်သည်ကို ဖော်ပြပေမည်။

*101# ကိုဖုန်းတွင် နိပ်ထည့်၍ call လိုက်ရင်ဖြင့် မိမိဖုန်းတွင် ထိုင်းဘာသာဖြင့် ဖုန်းခေါ်ဆိုခ မည်မျှကျန်သည်ကို ဖော်ပြပေမည်။

*102*9# ကိုဖုန်းတွင် နိပ်ထည့်၍ call လိုက်ရင်ဖြင့် မိမိဖုန်း၏ Simcardဖုန်းနံပါတ် ကို အင်္ဂလိပ်ဘာသာဖြင့် ဖော်ပြပေမည်။

*102# ကိုဖုန်းတွင် နိပ်ထည့်၍ call လိုက်ရင်ဖြင့် မိမိဖုန်း၏ Simcardဖုန်းနံပါတ် ကို ထိုင်းဘာသာဖြင့် ဖော်ပြပေမည်။

*103*9# ကိုဖုန်းတွင် နိပ်ထည့်၍ call လိုက်ရင်ဖြင့် မိမိဖုန်း၏ Promotion call ကို အင်္ဂလိပ်ဘာသာဖြင့် ဖော်ပြပေမည်။

*103# ကိုဖုန်းတွင် နိပ်ထည့်၍ call လိုက်ရင်ဖြင့် မိမိဖုန်း၏ Promotion call ကို ထိုင်းဘာသာဖြင့် ဖော်ပြပေမည်။

*104*9# ကိုဖုန်းတွင် နိပ်ထည့်၍ call လိုက်ရင်ဖြင့် GPRS ဖွင့်ရန် အင်္ဂလိပ်ဘာသာဖြင့် ဖော်ပြပေမည်။

*104# ကိုဖုန်းတွင် နိပ်ထည့်၍ call လိုက်ရင်ဖြင့် GPRS ဖွင့်ရန် ထိုင်းဘာသာဖြင့် ဖော်ပြပေမည်။

*108*9# ကိုဖုန်းတွင် နိပ်ထည့်၍ call လိုက်ရင်ဖြင့် ယခင်လနှင့် ယခုလတွင် ဖုန်းခေါ်ဆိုခဲ့သော ကုန်ကျငွေစာရင်းကို အင်္ဂလိပ်ဘာသာဖြင့် ဖော်ပြပေမည်။

*108# ကိုဖုန်းတွင် နိပ်ထည့်၍ call လိုက်ရင်ဖြင့် ယခင်လနှင့် ယခုလတွင် ဖုန်းခေါ်ဆိုခဲ့သော ကုန်ကျငွေစာရင်းကို ထိုင်းဘာသာဖြင့် ဖော်ပြပေမည်။

*110*9# ကိုဖုန်းတွင် နိပ်ထည့်၍ call လိုက်ရင်ဖြင့် ချီးငွေ ၃၀ဘတ်ကို ထုတ်ပေးပြီး ငွေချီးအခကို ၂ဘတ် ပေးဆောင်ရမည် ကို အင်္ဂလိပ်ဘာသာဖြင့် ဖော်ပြပေမည်။

*110# ကိုဖုန်းတွင် နိပ်ထည့်၍ call လိုက်ရင်ဖြင့် ချီးငွေ ၃၀ဘတ်ကို ထုတ်ပေးပြီး ငွေချီးအခကို ၂ဘတ် ပေးဆောင်ရမည် ကို အင်္ဂလိပ်ဘာသာဖြင့် ဖော်ပြပေမည်။

*112*0875833803*20*9# ကိုဖုန်းတွင် နိပ်ထည့်၍ call လိုက်ရင်ဖြင့် မိမိဖုန်းထဲမှ ငွေကို တစ်ခြားတစ်ဦးကို လွဲလို့ပါက လွဲလို့ရနိုင်ပါသည် (အင်္ဂလိပ်ဘာသာ)

*112*0875833803*20# ကိုဖုန်းတွင် နိပ်ထည့်၍ call လိုက်ရင်ဖြင့် မိမိဖုန်းထဲမှ ငွေကို တစ်ခြားတစ်ဦးကို လွဲလို့ပါက လွဲလို့ရနိုင်ပါသည် (ထိုင်းဘာသာ)

သတိပြုရန်။ ။ 112 ၏အနောက်တွင်ရှိသော ဖုန်းနံပါတ်၁၀လုံးမှာ လွှဲလို့သောသူ၏ ဖုန်းနံပါတ်ကို နိပ်ရပြီး နံပါတ်၁၀၏နောက်တွင် 20 ဆိုသောနေရာတွင် 20 မှ 200 အထိ လွှဲလို့ရပါသည်…။ ငွေလွှဲခကိုတော့ 2ဘတ်သာယူပါသည်။ Dtac တစ်ခုတည်းသာ။

*113*30*9# ကိုဖုန်းတွင် နိပ်ထည့်၍ call လိုက်ရင်ဖြင့် မိမိဖုန်း၏သက်တမ်းသည် ရက်ပေါင်းသုံးဆယ်တိုးလာပါမည်။( အင်္ဂလိပ်ဘာသာ)

*113*30# ကိုဖုန်းတွင် နိပ်ထည့်၍ call လိုက်ရင်ဖြင့် မိမိဖုန်း၏သက်တမ်းသည် ရက်ပေါင်းသုံးဆယ်တိုးလာပါမည်။(ထိုင်းဘာသာ)

သတိပြုရန်။ ။ 113 ၏နောက်တွင် 30, 60, 90, 120, 150, တိုးလိုသော ဂဏန်းများကိုနိပ်ထည့်ပါက မိမိဖုန်းတွင်လိုချင်သော သက်တမ်းရပါမည်။

ရက်ပေါင်း 30 ဆယ် ကို ၀န်ဆောင်ခ 2ဘတ်ပေးဆောင်ရပါမည်။ တစ်လကို2ဘတ်ဖြစ်၍ ရက်ပေါင်း150 ဆိုရင် ၀န်ဆောင်ခ 10ဘတ်သာ။

*114*0875833803*9# ကိုဖုန်းတွင် နိပ်ထည့်၍ call လိုက်ရင်ဖြင့် တစ်ဖက်ဖုန်းတွင် ဖုန်းပြန်ဆက်လာပါရန်ကို အင်္ဂလိပ်ဘာသာဖြင့် ဖော်ပြပေမည်။

*114*0875833803# ကိုဖုန်းတွင် နိပ်ထည့်၍ call လိုက်ရင်ဖြင့် တစ်ဖက်ဖုန်းတွင် ဖုန်းပြန်ဆက်လာပါရန်ကို ထိုင်းဘာသာဖြင့် ဖော်ပြပေမည်။

သတိပြုရန်။ ။ 114၏ နောက်တွင် ဖုန်းနံပါတ်ဆယ်လုံးသည် ဖုန်းပြန်ဆက်လာစေလိုသော ဖုန်းနံပါတ်ကို နိပ်ပါလေ။ ၀န်ဆောင်ခကို ပေးဆောင်စရာမလိုပါ။

*77 ကိုဖုန်းတွင် နိပ်ထည့်၍ call လိုက်ပြီး တစ်ဖက်က ပြောသော စကားများကိုနားထောင်၍ ပြောသည့်အတိုင်း နံပါတ် (၁) ကိုဆက်၍နိပ်လိုက်ရင်ဖြင့် မိမိဖုန်းပိတ်ထားနေစဉ်အတွင်း တစ်ဖက်လူမှ ဖုန်းခေါ်ထားကြောင်းကို Messages ပို့ပေးလာပါလိမ့်မည်။ ( free Service )
NweYoe
Oct,19,2009
ကိုနွယ်ရိုး၏ post အားပြန်လည်တင်ပြပါသည်

Wednesday, February 17, 2010

မေတ္တာရပ်ခံချက်



နောင်တော်ညီတော်အပေါင်းတို့ ၊စစ်ကိုင်းမြို့နယ်၊ မင်းကွန်းတောင်ရိုး၊ တိပိဋက ဓမ္မနာဒပရိယတ္တိစာသင်တိုက်ကြီး၏၊ ပဓာနနာယက၊ တိပိဋကကောဝိဒ၊ တိပိဋကဓရ ဓမ္မဘဏ္ဍာဂါရိက၊ တိပိဋကနိကာယ စီမံအုပ်ချုပ်မှူမဟာနာယက၊ ရွှေစင်တိပိဋကဓရဆရာတော်ဘဒ္ဒန္တ ဂန္ဓမာလာလင်္ကာရ Ph.D (Buddhism) အရှင်သူမြတ်သည်၊၂၈..၂၀၁၀ နံနက် ၀၇း၀၀ အချိန်တွင် ဘန်ကောက်မြို့သို့ ကြွရောက်တော်မူလာရာ၊ထိုင်းနိုင်ငံရှိ တက္ကသိုလ် အသီးသီးတို့တွင် ပညာတော်သင်ရောက်ရှိနေကြသော မြန်မာကျောင်းသားရဟန်းတော်များအဖွဲ့၏ ကော်မတီဝင်များက သွားရောက်ဖူးမျှော်ကြည့်ညို ကန်တော့ကြပြီး၊ ဆရာတော်ဘုရားအား မြန်မာကျောင်းသားရဟန်းတော်များအဖွဲ့ (ထိုင်းနိုင်ငံ) သြ၀ါဒါစရိယဆရာတော်အဖြစ် လက္ခံတော်မူပါရန် တောင်းပန်လျှောက်ထားခဲ့ပါသည်။ ဆရာတော်မှ လက္ခွံတော်မူသဖြင့် ထိုနေ့ညနေပိုင်း ဆရာတော်ရနောင်းမြို့သို့ခရီးမဆက်မီ ကော်မတီဝင်အားလုံးစုစီးလျှက် သြ၀ါဒါစရိယလျှောက်ထားလွှာကိုဆက်ကပ်ခဲ့ပါသည်။ ဆရာတော်ဘုရား၏လက်မှတ် ဥက္ကဋ္ဌ၏လက်မှတ်တို့ ရေးထိုးအတည်ပြုထားသော ၎င်းသြ၀ါဒါစရိယလျှောက်ထားလွှာအား တပည့်တော်များ ပြန်ကြားရေးမှ ထုတ်ပြန်တင်ပြပြီးလည်းဖြစ်ပါသည်။ ထိုနေ့ကချီးမြှင့်သော ဆရာတော်ဘုရား၏ သြ၀ါဒ ကောက်နုတ်ချက် များမှာ အောက်ပါအတိုင်းဖြစ်ပါသည်





စာသင်သားရဟန်းတော်များ အချင်းချင်း အပြန်အလှန် လေ့စားမှူရှိကြရန်။



စာသင်သားရဟန်းတော်များ အချင်းချင်း အကျင့်စာရိတ္တဆိုင်ရာ ကူညီစောင့်ရှောက်ကြရန်။



ထိုင်းရဟန်းတော်များနှင့် ၄င်းတို့၏ယဉ်ကျေးမူများကို အံဝင်ခွင်ကျ ကျင့်သုံးနေထိုင်တတ်ရန်။







စသည်ဖြင့်မိန့်ကြားပါသည်။ အသင်းနှင့်ပတ်သက်၍ ဦးဇင်းတို့ အသင်းဖွဲ့ပြီးတာ ခြောက်လတောင်ကျော်ပြီ လုပ်ထုံးလုပ်နည်းအရ သံရုံးကိုအသိပေးအကြောင်းကြား၊ ကမ္ဘာအေးကိုအသိပေးအကြောင်းကြား ရမည်။ သို့မဟုတ်က မိမိတို့အဖွဲ့ကို တောင်ထင်မြောက်ထင် ထင်စရာဖြစ်နေမယ် ဟု သြ၀ါဒ ပေးခဲ့သောကြောင့် အသင်ကော်မတီဝင်များသည် အသင်း၏ ရည်ရွယ်ချက်၊ ကော်မတီဝင်များစာရင်း၊ စာသင်သားအသင်းဝင် lists တို့ကို ၁၄..၂၀၁၀ ရက်နေ့က သံရုံးကို ပေးအပ်ခဲ့ပါသည်။ ကမ္ဘာအေးကိုအသိပေးအကြောင်းကြားဖို့ ကိစ္စကို ကော်မတီဝင်များကိုယ်တိုင်ဆောင်ရွက်ဖို့ရန်အစီအစဉ်ရှိရှိသော်လည်း ဆရာတော်၏သြ၀ါဒဖြင့် ဆောက်ရွက်စရာရှိတာများကို သံရုံးကဘဲဆောင်းရွက်ပေးသွားပါမည်ဟု လျှောက်ထားလာသဖြင့် လက္ခွံခဲ့ပါသည်။ ဤကိစ္စအား သတင်းမထုတ်ပြန်သေးသည်မှာ လုပ်ငန်းမပြီးပြတ်သေးသောကြောင့်သာ ဖြစ်ပါသည် အဲဒီကိစ္စနှင့်ပတ်သက်၍ နောင်တော်ညီတော်တို့အနေနဲ့ သဘောမကျ မနှစ်သက်သော အကြောင်းအရာများပါရှိခဲ့သော် တစ်ပါးနှင့်တစ်ပါး အာဃာတတရားမဖက် မေတ္တာရှေ့ထား အသင်း၏အရှည်ခံ့တည်တံ့ရေးကိုစဉ်းစားလျှက် စုပေါင်း၍အကြံပေး ဆွေးနွေးဖြေရှင်းကြရန် မေတ္တာရပ်ခံအပ်ပါသည်။





ပြန်ကြားရေးအဖွဲ့



ဖြေရှင်းပေးရန်း

အရှင်ဘုရားတို့။
ယခုလိုပြောဆိုနေလို့ဒီပြသနာဟာပြီးမှာမဟုတ်ပါဘူး။ဒါကြောင့်ဥက္ကဌနှင့်သက်ဆိုင်သူများအားလုံးယခုဖြစ်နေသောပြသနာကိုဖြေရှင်းပေးပါ။အားလုံးနားလယ်သဘောပေါက် အမြင်ရှင်းအောင်သက်ဆိုင်သူများမှဖြေရှင်းပေးပါ

ကျန်တာတွေ ဒီမှာဆက်ရေးပါဘုရား

Tuesday, February 16, 2010

အမှန်မြင်ပြီး အမြင်မှန်နိုင်ရေး

ဘာကြောင့်ဆိုသောအရာတွေကို မစဉ်းစားချင်တော့ပါဘူး အားလုံးသောသူတွေကတော့ကိုယ့်အထွာသူ့အထွာဆိုပြီး
စဉ်းစားရင်းနဲ့ပဲနေလိုက်တာကောင်းပါတယ်လို့တွေးတောနေမိတာအမှန်ပါကျေနပ်သူမကျေနပ်သူရယ်လို့နှစ်ခုဒွန်တွဲနေတာ
မို့ကျေနပ်ခြင်းမကျေနပ်ခြင်းတွေကတော့ရှိနေတာအမှန်မို့ အခုကျေနပ်ရင်နောက်မကျေနပ်တာတွေလဲတွေ့ရဦးမယ်လေ
တိုးတောင်းလှသောဘ၀ခဏလေးမှာ ဒါတွေကိုအသာထားလိုက်တာကောင်းပါတယ် မြတ်ဗုဒ္ဓဟောကြားခဲ့သလိုပေါ့
မမြင်ချင်သောအရာကိုတွေ့လျှင် အကန်လိုနေလိုက်၊မပြောချင်တဲ့အရာဆိုလျှင် အ အ လို့နေလိုက်၊မကြားချင်တဲ့အရာဆိုလျှင်
နားပင်းတဲ့သူမျိုးအဖြစ်နေလိုက်၊ဒီလိုပြောလို့အရှင်ဘုရားကဘယ်လောက်သိလို့လဲလို့မေးချင်ရင်မေးလိမ့်မယ်ပေါ့နော်၊
အမှန်ကိုပြောရရင်တော့ လိုအပ်ချက်တွေနဲ့ပြည့်နေတဲ့လောကမှာ လိုအပ်နေတဲ့လူသားတစ်ယောက်အဖြစ်အမြဲတမ်းနေသွား
ရဦးမှာမို့ဘာမှမသိပါဘူးလို့ပဲပြောလိုက်ပါရစေ၊စီဘောက်ကစာသားတွေကိုဖတ်လိုက်ရတော့ငယ်ငယ်ကရဘူးတဲ့ကဗျာတစ်ပုဒ်ကို
သွားမှတ်ရလို့ဒီစာကလေးကိုရေးလိုက်တာပါနော်ကဗျာကလေးကတော့
စားပွဲပေါ်တွင်၊
ဒင်္ဂါးတစ်ပြား
ထောင်ထားတည်ရှိနေပေသည်။
ပန်းကိုမြင်ထား၊ပန်းသမားက၊
တစ်အားကြုံးအော်၊ပန်းဟေ့နော်တဲ့။
ခေါင်းကိုမြင်ထား၊ခေါင်းသမားက
တစ်အားကြုံအော်၊ခေါင်းဟေ့နော်တဲ့။
ဒင်္ဂါးမှန်မူ၊
ပန်းမူတစ်ဘက်၊ခေါင်းတစ်ဘက်သည်
သစ္စာမည်၏။
ဒီစာသားတွေကတော့ သူဘက်ကြည့်လည်းအမှန် ကိုယ်ဘက်ကကြည့်လည်းအမှန်ဆိုသောအရာကိုဖော်ကြူးသော
စာသားကလေးဆိုတာတော့သိပါလိမ့်မည်။
အရာရာကိုကိုယ်ရှု့ထောင့်ကနေကြည့်မယ်ဆိုလျှင်တော့အရာရာတိုင်းဟာ အမှန်တွေပါပဲ သို့သော်လည်း ၁။အမြင်မှန်နဲ့
၂။အမှန်ကိုမြင်လို့နှစ်မျိုးရှိသည်ဆိုတာတော့သိထားရမှာဖြစ်ပါသည်။ထိုနှစ်မျိုးမှဖြားထွက်ရင်လဲ၁။ပတ်ဝန်းကျင်ကိုကြည့်ခြင်း
၂။မိမိကိုယ်ကိုပြန်ကြည့်ခြင်းရယ်လို့နှစ်မျိုးပြောလို့ရပါသေးတယ်။ဘုန်းကြီးအသံနဲ့ပြောရရင်တော့ ၁။အဇ္ဈတ္တကိုကြည့်ခြင်း
၂။ဗဟိဒ္ဓကြည့်ချင်းပေါ့။
နည်းနည်းကလေးခေတ်ဆန်လိုက်မယ်ဆိုရင်တော့Seeing is believing.ကိုယ်တွေ့ကြုံမှ၊ယုံမယ်ပေါ့နော်။ဆရာကြီးလားလို့တော့မမေးပါနဲ့နော်။မတတ်ပါဘူး၊ပြောချင်တာလေးတွေ
ရှိလို့ရေးလိုက်တာပါ လောကမှာ ကိုယ်တိုင်ကြုံမှ ယုံမယ်ဆိုရင်တော့ ကိုယ်နေတဲ့နိုင်ငံကလွဲပြီးကျန်တဲ့နိုင်ငံတွေလည်း
မရှိဘူးလို့ပြောလိုက်ရတော့မှာလားပေါ့၊
တစ်ခြားကိုကြည့်လျှင် ဝေးနေပါဦးမည် မိမိတို့မှာ မျက်စေ့ရှိတယ်လို့ယုံကြည်နေတာပါပဲ ဒါပေမဲ့ဘယ်သောအခါမှ
ကိုယ်မျက်စေ့ကိုပြန်မမြင်တတ်ကြပါဘူး တိုက်ရိုက်အားဖြင့်ပေါ့၊ထိုကဲ့သိုပင် မိမိတို့သည် မယုံကြည်လျှင် ဘယ်တော့မှ
ကြည်တော့မှာမဟုတ်တော့ပါဘူး၊
ဟေ၀မတသုတ်တော်မှာ ဘုရားရှင်ဟောခဲ့တာတော့ရှိတယ်။အမှန်နဲ့အမှားကို အဆုံးအဖြတ်ပေးရမည့် ပုဂ္ဂိုလ်ကသိလျှက်နဲ့
အမှန်ဘက်မှာ မရပ်တည်ဘဲ ကြားနေတယ်ဆိုတာ တကယ်တော့ အမှန်ကိုမျက်ကွယ်ပြုပြီး အမှားဘက်လိုက်တာနဲ့ အတူတူပါပဲ၊
ဘုရားဟောထားတာပါနော်။ဒါကိုမဇ္ဈိမပဋိပဒါနေတယ်လို့ပြောလို့မရပါဘူး၊အရာရာဟာ သူ့အတိုင်းနေလိုက်တာကောင်းပါတယ်
တစ်ဦးကိုတစ်ဦး မကျေနပ်ချက်များစွာတွေကို သာသနာတော်ကိုလည်းထောက် နောင်တော်ညီတော်တွေကိုထောက်သောအားဖြင့်
စီဘောက်မှာ ပဋိပက္ခစာသားတွေရေးသားခြင်းတွေထက် အဖွဲ့အစည်းအတွက် လမ်းစတွေကိုဖော်ဆောင်နေခြင်းဟာကောင်း
သောအခြင်းအရာတစ်ခုပါ၊ဘာကြောင့်ဆိုသောအရာတွေဟာ ဆင်ခြေပေးတဲ့လူတွေရဲ့အလုပ်မို့မပြောချင်တော့ဘူး
တစ်ခါတစ်ရံ မိမိအလိုမကျလို့ အော်ကြစတမ်းဆိုရင် ပြောမဆုံးပေါင် တောသုံးထောင်ပေါ့၊အဖွဲ့ရဲ့ရည်မှန်ချက်တွေကို
သွေဖယ်ခြင်းတွေကိုရပ်လိုက်ကြပါစို့။
နှစ်တရာသက်တမ်းဆိုသော်လည်း နောက်နှစ်အနည်းအငယ်ကလေးအတွင်းမှာ ငါတို့ဟာ လောကကြီးကို မလွဲမသွေ
လမ်းခွဲကြရမို့ လာခြင်းကောင်းလျှက်နဲ့ ပြန်ခြင်းလည်းကောင်းကြရအောင်နော်၊ခေါင်မိုးမလုံလို့ ကြမ်းဆွေးနေကြရတဲ့
အခုအချိန်ခါမှာ အချိန်ခါမဲ့မိုးတွေကလဲရွာသွန်း မုတ်သုန်းလေကလဲကြမ်း နေမည်ဆိုရင်တော့ အနီးကလေးကနေ
ဟိုး----အဝေးကြီးမှာပဲနေလိုက်ကြရတော့မယ်။ခေါင်းမှာပါတဲ့ နားရွက်ကို ပင်ကိုယ်အတိုင်းမမြင်နိုင်တဲ့ အသင်းအဖွဲ့
အဖြစ်နေတော့မှာလား။သံသယသည် ဝေးကွာခြင်းတွေကိုပေးဆပ်ကြရတာမို့ အဲဒီသံသယတွေကို၊ဟို-------------
အဝေးကြီးကိုလွတ်ပစ်လိုက်ကြပါတော့။
အခုလိုပြောလိုက်လို့ မကျေနပ်တဲ့သူတွေကတော့ပြောလ်ိမ့်မယ် မင်းဘာသိလို့လဲပေါ့၊ဆိုကရေးတီး ရဲ့စကားအငှားနဲ့ပြောရရင်တော့I know only one thing,that I do not know.
ငါသိတာတစ်ခုပဲရှိတယ်။အဲဒါက ငါမသိခြင်းပါပဲ။တဲ့ စာရေးသူလည်း ဘာမှမသိပါဘူးနော်။
အမြင်ရှင်းကာဖြင့်။အမှန်မြင်ရုံတင်မက။အမြင်လည်းမှန်နိုင်ကြပါစေလို့ဆုတောင်းရင်း
အမှားမကင်းသေးတာမို့ အမှားရှိရင် ခွင့်လွတ်ကြပါနော်။

Sunday, February 14, 2010

ပညာတော်သင်ကြေးများ ဆက်ကပ်လှူဒါန်း


၁၄ ရက်၊ တနင်္ဂနွေနေ့ အုံးယိုင်။

အုံးယိုင် စစ်ဆန်ဖန် ငါးသေတ္တာစက်ရုံ နှင့် ကြာဇံစက်ရုံ မြန်မာမိသားစုများမှ အလှူတော်ငွေ ၇၅၀၀ ဘတ်။
အုံးယိုင် ကိုတင်ကို နှင့်သူငယ်ချင်းများမှ အလှူုတော်ငွေ ၄၀၈၅ ဘတ် တိတိကို၊

မြန်မာကျောင်းသားရဟန်းတော်များ အဖွဲ့ (ထိုင်းနိုင်ငံ) သို့ ဆက်ကပ်လှူဒါန်းရာ အလှူတော်ငွေများကို ကော်မတီဝင်သံဃာတော်များမှ လက်ခံရယူပြီး၊



ဂုဏ်ပြုမှတ်တမ်းလွှာများအား ဘဏ္ဍာရေးမှူဆရာတော် ဦးသုန္ဒရ မှ ပြန်လည်ပေးအပ်ကြောင်း သိရှိရပါသည်။

Thursday, February 11, 2010

လူဘ၀

အခု…..

ငါရောက်နေတာဟာ

လူ့ဘဝဆိုတာရော

ဟုတ်ရဲ့လား ။


၂၄ နာရီမှာ

၂ ခါလောက် တက်တတ်တဲ့

လေချဉ်မှာတောင်ပဲ

အက်စစ်နံ့ချည်း

ပျံ့လွင့်နေတယ်…


အဝီစိမှာကမှ

ကျယ်ကျယ်လောင်လောင်

ကြေကွဲခွင့်ရပါလိမ့်မယ်

ဒီနေရာမှာတော့

သူတို့မြင်မှာစိုးလို့

တိုးတတိတ်ကြေကွဲရတာ…..


ငါ့ကို ထမင်းစားတတ်အောင်

သင်ပေးလိုက်တာ

ဘယ်သူပါလိမ့်

အမေလား? အဖေလား?

ကမ္ဘာဦးအစက လူတွေလား

ငါထမင်းမစားဘဲ

နေနိုင်တတ်ခဲ့ရင် ကောင်းမယ်….။


နို့…..နေပါဦး

အဖေက ဘယ်သူလဲ

အမေက ဘယ်သူလဲ

ရက်စွဲလွန် အတ္ထုပ္ပါတ်လေး

ရေးမယ်လုပ်တော့

ကံဆိုးလိုက်ပုံများ

ငါ့နာမည် ငါတောင်

မမှတ်မိတော့ဘူး……


ဟော့….သြော်

ဒါ လူ့ဘဝပေ့ါ

တချို့တချို့က

တိမ်တိုက်တွေကို စည်းခတ်ဖို့

ကြိုးစားနေကြတယ်

တချို့တချို့က

အားတွေ မာန်တွေထုတ်ပြီး

ကိုယ့်ကိုယ်ကို ပူဖောင်းလုပ်ဘို့

ကြိုးစားနေကြတယ်

ရယ်စရာကောင်းပေမယ့်

ကျွန်တော်လည်း မထူးလို့

ပြုံးရုံသာ ပြုံးလိုက်တယ်။


ဟင်း……

ဖွဲဖွဲလေးရွာတတ်ရုံနဲ့များ

သူ့ကိုယ်သူ မိုးထင်နေသေး

တချို့တချို့ ပြောပါတယ်…..

ကြီးပွားချင်ရင်

နေရာတိုင်း နေရာတိုင်းမှာ

ပြုံးပြုံးလေး နေတက်ရတယ်

အဆင်ပြေချင်ရင်

နေရတိုင်း နေရတိုင်းမှာ

အလိုကျသည် ဖြစ်စေ

အလိုမကျသည် ဖြစ်စေ

အလိုက်အထိုက်လုပ်တက်ရတယ

မှားသည်ဖြစ်စေ

မှန်သည်ဖြစ်စေ

ချော်လဲရောထိုင် လုပ်တက်ရတယ်

နေရာတကာ

အမှန်တရားဆိုတဲ့

ပေတံကြီးနဲ့

သွားသွားတိုင်းမိနေရင်

အက်စစ်လေချဉ်တောင်

ပုံမှန်တက်လာဖို့

ခက်သွားမယ်။


ဒါပေါ့..ဒါပေါ့…

လူ့ဘ၀ဆိုတာ…

စေ့စေ့တွေးကြည့်တော့

ရပိုင်ခွင့်ကလည်း

အတော်နည်းတာကလား

ဟစ်တလာ လူဆိုးလုပ်သွားတာလည်း

အပြစ်မဆိုသာပါဘူး..

သေမထူး နေမထူးပဲကိုး။


လွင်မျိုးသစ်


Myanmar Student Monks Organization in Thailand. Powered by Blogger.