Thursday, December 22, 2011

              ဗုဒ္ဓမြတ်စွယ်တော်အား ဓာတ်ခွဲကြည့်ခြင်း



ဗုဒ္ဓပွင့်ပေါ်ခဲ့တာက (BC 623)ဆိုတော့၊ ဗုဒ္ဓက ခရစ်တော်ထက် ၆၂၃ နှစ် ပိုစောခဲ့သလို၊ မိုဟာမက် ပေါ်ခဲ့တာက(AD 570)ဆိုတော့ ဗုဒ္ဓ က မိုဟာမက် ထက်လည်း နှစ်ပေါင်း (၁၁၉၃)နှစ် ပိုစောခဲ့တော့ ၊ ယခု တရုတ်ပြည်မှာ ရှိနေတဲ့ ဗုဒ္ဓရဲ့စွယ်တော်(သွား) ရဲ့ သက်တမ်းဟာ နှစ်ပေါင်း(၂၆၃၃) နှစ်ရှိနေပါပြီ။ အဲဒီလောက် သက်တမ်းရှိပြီဖြစ်တဲ့ သွားအပေါ်မှာ သံသယမကင်းဖြစ်နေတဲ့ အနောက်တိုင်း သိပ္ပံပညာရှင်တို့ကအဲဒီ့ သွားကို Genetic Engineering နည်းနဲ့ စမ်းသပ် စစ်ဆေးလိုပါတယ်လို့ အကြိမ်ကြိမ်တောင်းဆိုလို့ တရုတ်အစိုးရက ခွင့်ပြုလိုက်တော့ သိပ္ပံပညာရှင်တို့စမ်းသပ်တွေ.ရှိချက်တွေကတော့

(၁)ဒီသွားဟာ လွန်ခဲ့တဲ့နှစ်ပေါင်း(၂၆၀၀)ခန့်ကသွားဆိုတာ မှန်ကန်ပါတယ်တဲ့

(၂)လူသားတဦးရဲ့သွားဆိုတာလဲ မှန်ကန်ပါတယ်တဲ့

(၃)၎င်းသွားထဲမှာပါတဲ့ DNA(Deoxyribo Nucleic Acid) ဟာ သာမန်လူသားတဦးရဲ့ DNA နဲ့မတူဘဲ Supreme Lord(အမြင့်မြတ်ဆုံးအရှင်သခင်) ရဲ့ DNA အဖြစ် ကောက်ချက်ချပါတယ်တဲ့ အဲဒီသိပ္ပံတွေ.ရှိချက်ထွက်လာစဉ်မှာဘဲ အနောက်အုပ်စု အစိုးရတွေက သူတိုရဲ့ သိပ္ပံပညာရှင်တွေကို စမ်းသပ်မှုကို ချက်ချင်းရပ်လိုက်ဖို့အမိန့်ထုတ်လိုက်ပါတယ်တဲ့။

ဘာကြောင့်လဲဆိုတော့ဗုဒ္ဓဘာသာကမ္ဘာကျော်သွားမှာကိုမဖြစ်စေချင်လို.ပါတဲ့။ အနောက်အုပ်စု/ အမေရိကန် နှင့် တရုတ် တို့ ပါဝါ ပြိုင်နေချိန်လဲ ဖြစ်နေတယ်လေ။

သိပ္ပံပညာတိုးတက်မှုဟာ ဒီနေရာမှာကျတော့ ဗုဒ္ဓဘာသာအတွက် ကောင်းမွန်နေပါတယ် သူငယ်ချင်းတို့ ရေ...........

မှတ်ချက်။ ။ myanmarexpress.net မှ ဖော်ပြပါသည်။    ကုသိုလ်ယူနိုင်ကြပါစေ.......    

Wednesday, December 7, 2011

MCU တက္ကသိုလ်မှသန့်ရှင်းရေးလုပ်အားပေးအကူအညီတောင်း
ထိုင်းနိုင်ငံရှိ Mahachulalongkornrajavidyalaya University တက္ကသိုလ်ကြီးတွင် အဆင်ြ့မင့် ပညာရပ်များကိုသင်ကြားနေသော  တက္ကသိုလ်ကျောင်းသားရဟန်းတော်များကို  ရေကြီးထားသော တက္ကသိုလ်၏နေရာများကို သန့်ရှင်းရေးပြုလုပ်မည်ဖြစ်သည့်အတွက်
မြန်မာကျောင်းသားရဟန်းတော်များကိုလဲ လာရောက်ကူညီပေးပါရန် တက္ကသိုလ်မှ ဖုန်းဆက်ပြီးပြောကြားပါသည်။ ဝပ်တလုံးကျောင်းသို့ကားကြိုလွှတ်မည်ဟု တက္ကသိုလ်က ယနေ့  နေ့လည် (3.30)ခန့်တွင်ဖုန်းဆက်ကာအကူအညီတောင်းပါသည်။(8-12-2011) နေ့နံက်(၆)နာရီခန့်တွင် တက္ကသိုလ်မှဝပ်တလုံးကျောင်းသို့ ကျောင်းကားအကြိုလွှတ်ပါမည်။
ဘန်ကောက်မြို့နှင့်အနီးတ၀ိုက်တွင် နေထိုင်နေသော ကျောင်းသားရဟန်းတော်များအနေဖြင့် လိုက်ပါ၍ သန့်ရှင်းရေးပြုလုပ်ပေးကြပါရန် M,S,M,O အသင်းကြီးမှအသိပေးတင်ပြလိုက်ရပါသည်။

Thursday, December 1, 2011

 Mahachulalongkornrajavidyalaya University နှင့် Mahamakut Buddhist University တက္ကသိုလ်များ၏ အတန်းလိုက်ကျောင်းဖွင့်ရက်
ထိုင်းနိုင်ငံတက္ကသိုလ်အသီးသီးတွင်ပညာသင်ကြားနေကြသော မြန်မာကျောင်းသားရဟန်းတော်များသိစေရန်
ထိုင်းနိုင်ငံရှိတက္ကသိုလ်ကြီးများမှ အတန်းအသီးသီးကို ကျောင်းဖွင့်ရက်ကိုအတိအလင်းကြေငြာလိုက်ပါသည်။
Mahachulalongkornrajavidyalaya University တက္ကသိုလ်ကြီးမှ (M.A)အတန်းကို ဒီဇင်ဘာလ (6,12,2011) နေ့တွင်စတင်ဖွင့်လှစ်ပါမည်။ ။(B.A ) အတန်းကိုတော့ ဒီဇင်ဘာ လ (13,12,2011) နေ့တွင်စတင်ဖွင့်ပါမည်။ Mahamakut Buddhist University တက္ကသိုလ်ကြီး၌ ( B.A ) အတန်းများကို ဒီဇင်ဘာလ ( 9,12,2011 ) နေ့တွင်စတင်ဖွင့်မည်ဟူတက္ကသိုလ်ကြီးများ၏ ခိုင်မာသောသတင်းမှ အဝေးရောက်မြန်မာကျောင်းသားရဟန်းတော်များကိုM,S,M,O အသင်းကြီးမှအသိပေးကြေငြာအပ်ပါသည်။

Tuesday, November 29, 2011

Mahamakut Buddhist University ကြီး၏ရေကြီးသတင်း


ထိုင်းနိုင်ငံရှိ  Mahamakut Buddhist University တွင်ရေများကျန်ရှိနေကြောင်းသိရှိရပါသည်။
 Mahamakut Buddhist University ရှိ (B.A)(M.A) အတန်းတွင်ပညာသင်ကြားနေသောကျောင်းသားများအတွက် ကျောင်းဖွင့်ရက်ကိုစုံစမ်းကြည့်ရာ (၁၂)လပိုင်းအတွင်းကျောင်းဖွင့်ရက်ကို အတိကျသတင်းထုတ်ပြန်ပေးမည်ဟုသိရပါသည်။ 
 Mahamakut Buddhist University ကြီးမှာ ယ္ခုအချိန်ထိရေများကျန်ရှိနေသေးသည့်အတွက် တက္ကသိုလ်သို့သွားရာကျောင်းလမ်းမကြီးဖြစ်သည့် salaya လမ်းနဲ့ ဖိကစင်လမ်းမတစ်လျှောက်လုံးတွင် ရေများစွာရှိသေးသည်ဟုသတင်းရရှိပြီ
Mahamakut Buddhist University၏ရေကြီးမှုဓါတ်ပုံများနဲ့အတူ 
Mahamakut Buddhist University တွင်ပညာသင်ကြားနေသောမြန်မာကျောင်းသားရဟန်းတော်များကို M,S,M,O အဖွဲ့ကြီးမှအသိပေးတင်ပြပေးလိုက်ရပါသည်။





 ภาพจากอาคารพิพิธภัณฑเจดีย์วิชาการ ฯ (ความสูง ๘๐ เมตร)



ภาพน้ำท่วมบริเวณ มมร ๑๘๐ ไร่ ถ่ายภาพเมื่อ ๒๐ พ.ย. ๒๕๕๔








Mahamakut Buddhist Universityကြီး၏ရေကြီးဓါတ်ပုံများ

Monday, November 28, 2011

      
  မဟာချုလာလောင်ကွန်တက္ကသိုလ်ကျောင်းဖွင့်ရက်  
 Mahachulalongkornrajavidyalaya University ရှိ(B.A)/(M.A)အတန်းသီးသီးတွင် ပညာသင်ကြားနေသော အဝေးရောက်မြန်မာကျောင်းသားရဟန်းတော်များသိကြစေရန်
 Mahachulalongkornrajavidyalaya University  တက္ကသိုလ်ကြီး၏ ကျောင်းဖွင့်ရက်မှာ
 ဒီဇင်ဘာလ(13,12,2011)နေ့တွင်စတင်ဖွင့်လှစ်မည်ဖြစ်ပါသည်။ နိုင်ငံသီးသီးသို့ရောက်ရှိနေ
ကြသော မြန်မာကျောင်းသားရဟန်းတော်များအား ထိုင်းနိုင်ငံရောက် M,S,M,O,အဖွဲ့ကြီးမှ 
အသိပေးကြေငြာအပ်ပါသည်။


  

Monday, November 21, 2011

 ဘဝဆက်တိုင်း ပညာဂုဏ်ရည်မှန်း
 20,11,2011, တနင်္ဂနွေနေ့ မြန်မာကျောင်းသားရဟန်းတော်များအတွက် M.S.M.Oအသင်းကြီး၏ ဥက္ကဋ္ဌဟောင်းနာယကဆရာတော်ဦးဇောတိက (M.A) ကိုအကြောင်းပြု၍ပညာရေးအလှူတော်ငွေ (1950) ဘတ်တိတိကို K.DD စက်ရုံရှိ မြန်မာအလုပ်သမားများမိသားစုတို့သည် ဘဝဆက်တိုင်းဆက်တိုင်း
ပညာဥာဏ်မြင့်မားစေရန်ရည်စူး၍ ဆက်ကပ်လှူဒါန်ခဲ့ပါသည်။ ၄င်း (1950) ဘတ်ငွေကိုဆရာတော်ဦးဇောတိကမှ လက်ရှိဥက္ကဋ္ဌ ဆရာတော်ဦးဣန္ဒောဘာသ (M.A)ထံသို့လွှဲပြောင်းပေးအပ်ခဲ့ကြောင်းသတင်းရရှိပါသည်။ပညာရေးရန်ပုံငွေကုသိုလ်ပြုလုပ်သည့် K.D.Dစက်ရုံရှိမြန်မာမိသားစုအားလုံးကိုM.S.M.Oအသင်းကြီးမှအထူးကျေးဇူးတင်ကြောင်းတင်ပြရင်း၎င်း
ကုသိုလ်ထူးကို  ၃၁ ဘုံသားအားလုံး သာဓုသာဓုသာဓု........ခေါ်ဆိုနိုင်ကြပါစေသောဝ်။
                       ရုံးထိုင်ကွန်ပျူတာတလုံးဝယ်ယူပြီးစီးကြောင်း
ထိုင်းနိုင်ငံရောက်မြန်မာကျောင်းသားရဟန်းတော်များအဖွဲ့ M.S.M.O ၏ ကျောင်းသားရုံးခန်းကြီးတွင် ရုံးထိုင်ဆရာတော်များအတွက် ကွန်ပျုတာတလုံးကို အတွင်းရေးမှုးဆရာတော် ဦးသြဘာသ၊ကပ္ပိယမောင်ရာဇာ၊မောင်ထွေးတို့နှင့်အတူ(20-11-2011) ခုနှစ် တနင်္ဂနွေနေ့တွင် Pantip plaza သို့သွားရောက်ဝယ်ယူခဲ့ပါသည်။ ၄င်းဝယ်ယူလာသော ကွန်ပျူတာအသစ်မှာ သင်တန်းသားများအတွက်မဟုတ်
ကျောင်းသားရုံးခန်း အလှည့်ကျဆရာတော်များရုံးခန်းတွင်အသုံးပြုရန်အတွက် ရည်ရွယ်၍ဝယ်ယူခြင်းဖြစ်သည်ဟု ဥက္ကဋ္ဌဆရာတော် ဦးဣန္ဒောဘာသ၊ အတွင်းရေးမှုးဆရာတော် ဦးသြဘာသတို့မှ ပြန်ကြားရေးသို့ပြောကြားခဲ့ပါသည်။ M,S,M,O,ရုံးခန်းကြီးတွင် ယခင်ကော်မတီဟောင်းလက်ထက်၌ သင်တန်းသားများအတွက် ကွန်ပျူတာ(5)လုံးရှိခဲ့ပြီး၊ လက်ရှိကော်မတီသစ်လက်ထက်တွင်သင်တန်းသားများအတွက် ကွန်ပျူတာအလုံးရေ(၁၀)လုံးနှင့် ရုံးထိုင်ဆရာတော်များအသုံးပြုရန်အတွက် Samsumg အမှတ်တံဆိပ်Desktopကွန်ပျူတာတလုံး  ၀ယ်ယူခဲ့ပါသည်။ ရုံးထိုင်ကွန်ပျူတာဝယ်ယူရန် ယခင်ကတည်းကအစီစဉ်ရှိခဲ့သော်လည်း အကြောင်းအမျိူးမျိူးကြောင့် အထမြောက်အောင်မြင်ခြင်းမရှိပေ။ ယခုအခါ M,S,M,O သင်တန်းကျောင်းတွင်သင်တန်းသား/သူများအတွက်ကွန်ပျူတာ(15)လုံးနှင့် ရုံးထိုင်ဆရာတော်များအသုံးပြုရန်ကွန်ပျူတာ(1)လုံးစုစုပေါင်း (16)လုံးရှိပြီဖြစ်ကြောင်းတင်ပြရင်း..........  အောက်တွင်ဝယ်ယူလာသော ကွန်ပျူတာအမျိုးအစားကို ပုံနှင့်တကွ ဖော်ပြလိုက်ပါသည်။


Saturday, November 19, 2011

  ရွှေကျင်သာသနာပိုင်
ဆရာတော် အဘိဓဇမဟာရဋ္ဌဂုရု အဘိဓဇ မဂ္ဂမဟာသဒ္ဓမ္မဇောတိက ဘဒ္ဒန္တအဂ္ဃိယအား(Ph.D)ဒေါက်တာဘွဲ့ဆပ်ကပ်
အချိန်နှင့်အမျှခေတ်မီတိုးတက်နေသော ယနေ့ကမ္ဘာကြီးတွင် မြန်မာပြည်ဖွား ရဟန်းတော်များဟာ ပြည်ပနိုင်ငံအသီးသီးမှာ ခေတ်နဲ့အညီသာသနာပြုနိုင်ရန်အတွက် အဆင့်မြင့်ပညာရပ်များကို သင်ကြားနေကြတယ်ဆိုတာအနာဂတ် မြန်မာပြည်အတွက် အားတက်စရာပါ။ ယ္ခုတင်ပြရမည့် အကြောင်းရာကတော့ နိုင်ငံအသီးသီးမှာပညာသင်ကြားနေကြသော ရဟန်းတော်များ၊ မြန်မာပြည်တွင်းမှနိုင်ငံခြားသို့ပညာတော်သင်သွားမည့် ရဟန်းတော်များအတွက် ထိုင်းနိုင်ငံအတွင်းရှိ မြန်မာကျောင်းသားရဟန်းတော်များ အများဆုံးပညာသင်ကြားနေသည့် Mahachulalongkornrajavidyalaya University (မဟာချူလာလောင်ကွန်တက္ကသိုလ်) ဆိုတာသံဃာပိုင်းမှာတော်တော်များများသိကြပါသည်။ အခုဆိုရင် Mahachulalongkornrajavidyalaya University တက္ကသိုလ်ကြီးဟာ မြန်မာနိုင်ငံမှာရှိတဲ့ မန္တလေး မဟာဝိသုဒ္ဓါရုံကျောင်းတိုက်ကြီးရှိ လက်ရှိရွှေကျင်သာသနာပိုင်ဆရာတော် "အဘိဓဇမဟာရဋ္ဌဂုရု၊ အဘိဓဇမဂ္ဂမဟာသဒ္ဓမ္မဇောတိက" ဘဒ္ဒန္တအဂ္ဃိယ ၀ါဆိုကျောင်း ဆရာတော်ဘုရားကြီးအား (Ph.D) ဒေါက်တာဘွဲ့ကို (23.11.2011) ဗုဒ္ဓဟူးနေ့ နံနက်( ၉) နာရီတွင် မန္တလေးမြို့၊မဟာအောင်မြေမြို့နယ်ရှိ မဟာဝိသုဒ္ဓါရုံကျောင်းတိုက်ကြီးထဲတွင် စည်ကားသိုက်မြိုက်စွာ ကျင်းပပြုလုပ်သွားမည်ဟသိရပါသည်။ယင်းဘွဲ့တံဆိပ်ဆပ်ကပ်ပွဲသို့ မဟာချုလာလောင်ကွန်တက္ကသိုလ်မှ တာဝန်ရှိပုဂ္ဂိုလ်များ နှင့်ရဟန်းတော်များဟာ ထိုင်းနိုင်ငံမှ (21.11.2011) တနင်္လာနေ့ နံနက် (6)နာရီခန့်တွင် Thai Airway လေယာဉ်ခရီးစဉ်ဖြင့် ထွက်ခွာသွားမည်ဟု ထိုင်းနိုင်ငံရှိ Mahachulalongkornrajavidyalaya University တွင်အဘိဓမ္မာဘာသာရပ်များကို အနှစ်(၂၀)ကျော်ခန့် ထိုင်းဘာသာဖြင့် ပို့ချနေသောဆရာတော်ဦးကောဏ္ဍည(မဟာသဒ္ဓမ္မဇောတိကဓဇ)မှ ပြန်ကြားရေး ဆရာတော်အရှင်ပညာစာရသို့မိန့်ကြားပါသည်။ယခုကဲ့သို့ (Ph.D)ဒေါက်တာဘွဲ့မျိုးကို ယခင်ကလည်း မြန်မာပြည်မှတိပိဋကဆရာတော်နှစ်ပါးဖြစ်သော တိပိဋကမဟာဂန္ဓာရုံဆရာတော်ဦးသုမင်္ဂလနှင့်M,S,M,O အသင်းကြီး၏ သြ၀ါဒါစရိယဆရာတော်ဖြစ်တော်မူသော မြင်းခြံဆရာတော် ဦးဂန္ဓမာလာတို့အား ဆပ်ကပ်ခဲ့ဖူးပါသည်။

Monday, November 14, 2011

M.S.M.O ရုံးခန်းတွင်သီတင်းသုံးနေထိုင်သော သံဃာတော်များလိုက်နာ
                                ရန်စည်းကမ်းချက်များ
၁။ အရေးကြီးကိစ္စမရှိပဲအပြင်မထွက်ရ။
၂။ မူးယစ်ဆေးဝါးနှင့်လောင်းကစားခြင်းမပြုလုပ်ရ။
၃။ အကြည်ညိုပျက်စေသောအပြုအမူအပြောအဆိုများမပြုလုပ်ရ။
၎။ ည (၁၀)နာရီထိုးပြီးနောက်ပတ်ဝန်းကျင်ကို ထိခိုက်စေသော ကွန်ပျူတာ၊တယ်လီဖုန်းအသံများကိုဘေးလူမကြားစေရ။
၅။ ကွမ်း၊ဆေးလိပ်များကို စည်းကမ်းမဲ့စွန့်ပစ်ခြင်းမပြုလုပ်ရ။
၆။ ရုံးခန်းနှင့်ရုံးခန်းပတ်ဝန်းကျင်တွင်ကို မာတုဂါမ နှင့်ယုံမှားသံသယဖြစ်ဖွယ် အပြုမူအပြောဆိုမျိုး မပြုလုပ်ရ။
၇။ရုံးခန်းတာဝန်ခံပုဂ္ဂိုလ်၏ ခွင့်ပြုချက်ရမှသီတင်းသုံးနေထိုင်ခွင့်ပြုမည်။
၈။ ရုံးခန်းတာဝန်ခံပုဂ္ဂိုလ်၏ အခါအားလျော်စွာထုတ်ပြန်သော စည်းကမ်းချက်များကို လိုက်နာရမည်။
၉။ ရုံးခန်းနောက်ကျောဘက်တွင် ကွန်ပျူတာ ၊ တယ်လီဖုန်းများ အသုံးမပြုရ။
၁၀။ သီတင်းသုံးဖော်အချင်းချင်းခိုက်ရန်ဖြစ်ပွားခြင်းမပြုလုပ်ရ။
မှတ်ချက် ။     ။ အထက်ပါစည်းကမ်းချက်များကို လိုက်နာနိုင်မှသာလျှင် ရုံးခန်းတွင်သီတင်းသုံးနေထိုင်ခွင့်ပြုမည်ဖြစ်ပါသည်။
                                                                                                               
                                                                         ပုံ
                                                                      M.S.M.O
                                   
       ၀ပ်တလုံး ရေဘေးသင့် မြန်မာသံဃာတော်များ                                 M.S.M.O  ရုံးခန်းတွင်သီတင်းသုံးရန်ခွင့်ပြုချက်ရရှိ
ထိုင်းနိုင်ငံဘန်ကောက်မြို့မြန်မာသံဃာတော်အများစုသီတင်းသုံးရာဝပ်တလုံးကျောင်းတိုက်သို့ရေ များဝင်ရောက်လာသည့်အတွက် သံဃာတော်အချို့သည် မြန်မာကျောင်းသားရဟန်းတော်များအဖွဲ့ပိုင် ဖလန်ဆောင်(၆၃)လမ်းရှိ ပညာဒါနစာသင်ကျောင်းသို့ ကြွရောက်သီတင်းသုံးလျှက်ရှိပါသည်။ ယင်းသို့ ခေတ္တသီတင်းသုံးရာတွင်ကိုယ်စိတ်နှစ်ဖြာချမ်းသာစွာဖြင့် သီတင်းသုံးနေထိုင်နိုင်ရန်အတွက် MSMOအသင်းကြီး၏ဥက္ကဌဆရာတော်အရှင်က္ကုန္ဒောဘာသ၊ အတွင်းရေးမှူးဆရာတော်အရှင်သြဘာသ၊ပညာရေးကော်မတီဆရာတော်ဦးတေဇ၊စကားပြန်အဖြစ်ကိုအောင်သူရှိန်နှင့်
ဇနီး မမိုးကြည် တို့မှမြို့နယ်သံဃနာယကဆရာတော်သီတင်းသုံးရာWat Lao ကျောင်းတိုက်သို့သွားရောက်လျှောက်ထားခဲ့ပါသည်။ ဆရာတော်ကြီးမှ "ရေဘေးအန္တရာယ်နှင့်ကြုံတွေ့နေသည့်ကာလတွင် သီတင်းသုံးနေထိုင်ခွင့်ရှိကြောင်း သို့သော် ပြဿနာမဖြစ်အောင်သီတင်းသုံး နေထိုင်ရန်လိုအပ်ကြောင်း"အစရှိသဖြင့်အနည်းငယ် သြ၀ါဒစကားမြွက်ကြားပြီး မြို့နယ်အတွင်းရေးမှုးဆရာတော်ကိုလည်းသွားရောက်အသိပေးလျှောက်ထားရန်အမိန့်ရှိပါသည်။ ဆရာတော်ထံမှ ပြန်ရောက်ပြီးနောက် နေ့လည်(၂း၀၀)နာရီ ခန့်တွင် အတွင်းရေးမှူးဆရာတော်သီတင်းသုံးရာWat Samedan ကျောင်းတိုက်သို့ သွားရောက်ပြီး ရေဘေးသင့်မြန်မာသံဃာတော်များ သီတင်းသုံးခွင့် လျှောက်ထားခဲ့ပါသည်။ ဆရာတော်မှလည်း ဥက္ကဌဆရာတော်နည်းတူ သြ၀ါဒစကားပြောကြားပြီး ခွင့်ပြုခဲ့ပါသည်။ ၄င်းကိစ္စရပ်များကိုလိုက်လံကာ  အလုပ်ပျက်ခံ၍အကျိုးဆောင်ပေးခဲ့သော ကိုအောင်သူရှိန် နှင့် ဇနီး မမိုးကြည်တို့အား M.S.M.O ကျောင်းသားအဖွဲ့ကြီးမှ အထူးပဲကျေးဇူးတင်ရှိကြောင်းပြောကြားရင်းတင်ပြလိုက်ရပါသည်။
 မြို့နယ်သံဃနာယကဥက္ကဋ္ဌWat Laoဆရာတော်ထံလျှောက်ထားနေစဉ်


Friday, November 11, 2011

                         ၂၀၁၁ တန်ဆောင်တိုင် ဦးဘဂျမ်းလမ်းကာတွန်းပြပွဲ

ရန်ကုန်မြို့၁၃လမ်းမှာ ခင်းကျင်းထားတဲ့ ဦးဘဂျမ်း၏ကာတွန်းတချို့ကို ရပ်ဝေးနေမိတ်ဆွေများအတွက် facebook ကနေ ဝေမျှလိုက်ပါတယ်။








                         ရဲရင့်သောပညာရှင်များအလိုရှိသည်

နိုင်ငံတခုမှာ တရားမဲ့မှုတွေ ထူထပ်သိပ်သည်းနေရင် အဲတာတွေကို တုံ့ပြန်ဖို့ တော်လှန်ရေးတွေ ဖြစ်တတ်ပါတယ်။ အနည်းဆုံးတော့ အဲသလို မတရားတာတွေကို ဆန့်ကျင်တဲ့ လူတွေ အစုကလေးတွေ ပေါ်လာတတ်ပါတယ်။ ပြောရမယ် ဆိုရင် နိုင်ငံရေးအရ တက်ကြွလှုပ်ရှားသူများလို့ သူတို့ကို ခေါ်နိုင်ပါတယ်။ သူတို့ဟာ ဘဝကို အနစ်နာခံပြီး ဆောင်ရွက်နေသူ တွေလည်း ဖြစ်ပါတယ်။ ဒါကြောင့် အခုဆိုရင် မြန်မာပြည်မှာ နိုင်ငံရေး အကျဉ်းသား ၂ဝဝဝ ကျော်ရှိနေတာ အားလုံးလဲ သိထားပြီးသားပါ။

အခုပြောမှာက သူတို့အကြောင်း မဟုတ်ပါဘူး။ ပညာရှင် (သို့) ကျွမ်းကျင်သူများ အကြောင်း ဖြစ်ပါတယ်။ ပညာရှင်၊ ကျွမ်းကျင်သူ ဆိုတာ ဘာကိုဆိုလိုပါသလဲ။ လိုရင်းပြောရရင် အထူးသဖြင့် သက်ဆိုင်ရာနယ်ပယ်အလိုက် သက်ဆိုင်ရာ ဘာသာရပ်တွေကို နှစ်ရှည်လများ စောက်ချပြီး အထူးပြုလေ့လာလိုက်စားတဲ့ လူပုဂ္ဂိုလ်မျိုးကို ကျွမ်းကျင်သူ (သို့မဟုတ်) ပညာရှင်လို့ သတ်မှတ်ကြပါတယ်။ သို့သော်လည်း ဟိုစပ်စပ်ဒီစပ်စပ် အကုန်လုံးကို သိသလိုမျိုး၊ တတ်သလိုမျိုး ပြောဆိုကျင့်ကြံနေတဲ့ လူမျိုးတွေကိုတော့ ပညာရှင် စစ်စစ်မှန်မှန် ဖြစ်တယ်လို့ အများက မသတ်မှတ်ကြပါဖူး။ တချို့ကတော့ ပညာရှင်ဆိုတာ တက္ကသိုလ်ကြီးတွေကနေ ဘွဲ့တွေ တသီတတန်းကြီး ရရှိထားမှ ပညာရှင် ဘောင်ဝင်တယ်လို့ သတ်မှတ် ပါတယ်။ ဒီအယူအဆဟာ ထိုက်သင့်သလောက်တော့ မှန်ပါတယ်။ ဒါပေမယ့် တက္ကသိုလ် တွေကနေ ဘွဲ့တွေ ဒီဂရီတွေ တသီကြီး ရထားပေမယ့် သက်ဆိုင်ရာနယ်ပယ်အလိုက်၊ ပညာရပ်အလိုက် စိုက်လိုက်မတ်တပ် ဆက်လက်လေ့လာ ဆည်းပူးခြင်း၊ သုတေသနပြုလုပ်ခြင်း စတာတွေကို ဆက်မလုပ်တော့ဖူးဆိုရင် ကျွမ်းကျင်သူ ပညာရှင်လို့ သတ်မှတ်ဖို့ ခက်ခဲပြန် ပါတယ်။ အဲတာမျိုးကိုတော့ သံချေး တက်နေတဲ့ ပညာရှင်ရယ်လို့လဲ တင်စားကြပါတယ်။ နိုင်ငံတကာမှာတော့ ပညာရှင် ဆိုတာ အနည်းဆုံး သုံး-လေးနှစ်တခါ ဆိုသလို သူတို့ရဲ့ ရှာဖွေတွေ့ရှိချက် လေ့လာချက်တွေကို ပညာရှင် အဆင့်အတန်းနဲ့ အညီ စာအုပ်တအုပ် အဖြစ် ထုတ်ဝေကြပါတယ်။ အနည်းဆုံးတော့ သုတေသနလေ့လာချက် စာတမ်းရှည် တခုလောက်တော့ မထုတ်မဖြစ် ထုတ်ကြရပါတယ်။ ဘာမှမထုတ်ဘဲ ရတဲ့ဘွဲ့ကို ဒီအတိုင်းပိုက်ပြီး ဟိုအစည်းအဝေးမှာ ဒီကွန်ဖရင့်မှာ အပြောသက်သက်နဲ့ နေလာတာ ကြာလာရင် သံချေးတက်ကုန်ပြီလို့ ပညာရှင်လောကမှာ ဝေဖန်ခံရပါတယ်။

နောက်တချက်ကတော့ နိုင်ငံတကာ အသိုင်းအဝိုင်းမှာ ပညာရှင်ဆိုတာ ဘက်မလိုက်ရဖူးလို့ ဆိုထားပါတယ်။ တွေ့တာကို တွေ့တဲ့အတိုင်း၊ ရှိတာကိုရှိတဲ့အတိုင်း တင်ပြရမယ်လို့လည်း သတ်မှတ်ကြပါတယ်။ နောက်တချက်က ပညာရှင်ဆိုတာ အနာဂတ်ကို မှန်အောင်ဟောနိုင်တဲ့ ဗေဒင်ဆရာ မဟုတ်ဖူး ဆိုတာကလည်း သတိထားစရာ ဖြစ်ပါတယ်။ ကျွမ်းကျင်သူ ပညာရှင်တွေဟာ သူတို့ တတ်ကျွမ်းတဲ့ ပညာရပ်ကို အသုံးပြုပြီး လူသားတွေကို တတ်နိုင်တဲ့ဖက်က ကူညီလမ်းပြပေးဖို့ လိုအပ်ပါတယ်။ လူသားတို့ကို ကြေပြုန်းစေမယ့် ကိစ္စမျိုး၊ လူသားတွေအတွက် အကျိုးမဲ့မယ့် ကိစ္စမျိုးကို ရှောင်ရှားဖို့လည်း လိုအပ်ပါတယ်။ ဆိုလိုတာကတော့ ကျွမ်းကျင်သူ ပညာရှင်တွေဟာ လူသားတို့ အတွက် ရေရှည်မှာ အကျိုးယုတ်စေတဲ့ ကိစ္စရပ်များအတွက် အရှိကိုအရှိအတိုင်း တင်ပြဖို့ တာဝန်ရှိပါတယ်။ ဘက်မလိုက်သင့်ပါဖူး။ ဥပမာ တင်ပြရမယ်ဆိုရင် ပညာရှင်တွေ၊ ကျွမ်းကျင်သူတွေဟာ လူတွေ၊ နိုင်ငံသားတွေအတွက် ရေရှည်မှာထိခိုက်စေမယ့် ကိစ္စရပ်တွေကို ကြိုတင် သိထားရဲ့သားနဲ့ အကျိုးစီးပွား တခုခုကိုငဲ့ပြီး အုပ်ချုပ်သူတွေဖက်က၊ စီးပွားရေးကုမ္ပဏီကြီးတွေဖက်က ဘက်လိုက်ပြီး တင်ပြ တာမျိုးကို ဆိုလိုတာ ဖြစ်ပါတယ်။

ကျနော်တို့ မြန်မာနိုင်ငံသမိုင်းကို ပြန်ကြည့်မယ်ဆိုရင် ပဒေသရာဇ်ခေတ်က စာပေ၊ ဂီတနဲ့ သမိုင်း ပညာရှိအများစုဟာ အကြီး အကျယ် ဘက်လိုက် ခဲ့တာကို တွေ့ရပါတယ်။ ဘယ်သူ့ဖက်ကို လိုက်တာလဲဆိုတော့ အုပ်ချုပ်တဲ့ ရှင်ဘုရင်တွေအတွက် ဘက်လိုက် ခဲ့ကြတာ ဖြစ်ပါတယ်။ ဘုရင်တွေရဲ့ ဘုန်းလက်ရုန်းနဲ့ တန်ခိုးသြဇာကြီးပုံ၊ အာဏာစက် ကျယ်ပြန့်ပုံ၊ တရားသော မင်းဖြစ်ပုံ စတာတွေကိုသာ ရေးသားစပ်ဆို မှတ်တမ်းတင်ကြပါတယ်။ ပြောရရင်တော့ ဘုန်းတော်ဘွဲ့တွေက များနေပါတယ်။ ဒါ့အပြင် အုပ်ချုပ်သူ ဘုရင်ဟာ ဗုဒ္ဓသာသနာတော်ကို ရိုသေကိုင်းရှိုင်းပြီး ဘာသာနဲ့ သာသနာ ပြန်ပွားရေးအတွက် ကြိုးပမ်းပုံတွေလည်း အများအပြား ပါဝင်နေပါတယ်။ ဘယ်ဘုရင်လက်ထက်မှာ အုပ်ချုပ်တဲ့ စနစ် မကောင်းလို့၊ ဘုရင်ဟာ အမျက်မာန်စောင် ကြီးမားလို့၊ အခွန်တွေ အလွန်အကျွံကောက်လို့ တိုင်းသူပြည်သားတွေ ဘယ်လို ဒုက္ခရောက်ကြရတယ် ဆိုတဲ့ သမိုင်းမှတ်တမ်းမျိုးကို အဲဒီခေတ်က ပညာရှင်တွေက ရေးလေ့မရှိတဲ့အတွက် ရှာလို့တောင် မလွယ်ကူပါဖူး။ နောက်တချက်ကတော့ ဘုရင်တွေ လိုက်နာအပ်တဲ့ မင်းကျင့်တရား ဆယ်ပါးဆိုတာ ကျနော်တို့ ယဉ်ကျေးမှုမှာ ရှိခဲ့ပါတယ်။ ဒါပေမယ့် လက်တွေ့မှာတော့ ဘယ်ဘုရင်တွေဟာ မင်းကျင့်တရားဆယ်ပါးကို မလိုက်နာဖူး၊ ပြည်သူကို နှိပ်စက်တယ် ဆိုတာမျိုး တိတိလင်းလင်း မှတ်တမ်းတင် ရေးသားထားတဲ့ အထောက်အထားမျိုးလည်း မရှိသလောက်ပါ။ ပဒေသရာဇ်ခေတ် တလျှောက်လုံးမှာ ရဲဝံ့တဲ့၊ အမှန်ကိုအမှန်အတိုင်း တင်ပြရေးသားတဲ့ ပညာရှိမျိုး အနည်းအကျဉ်း လောက်တော့ ပေါ်ထွန်းခဲ့ဖူးပါတယ်။

ဥပမာ တဦးလောက်ကို ထောက်ပြရမယ်ဆိုရင် ယောအတွင်းဝန် ဦးဘိုးလှိုင် လိုပုဂ္ဂိုလ်မျိုး။ ရာဇဓမ္မသင်္ဂ္ဂဟကျမ်းကို ရေးသားပြုစုခဲ့သူ ဖြစ်ပါတယ်။ ပြောမယ်ဆိုရင် အဲသည့်ကျမ်းဟာ ရှေးဦးအကြို ဖွဲ့စည်းပုံ အခြေခံ ဥပဒေလို့တောင် ဆိုနိုင်ပါတယ်။ အနောက်တိုင်းကလို စည်းမျဉ်းခံ ဘုရင်စနစ်ဆံတဲ့ တင်ပြမှုမျိုးလို့ ပြောလို့ရပါတယ်။ အဲသည့်အထဲမှာ ပါတဲ့တချက်က ဘုရင်ဟာ ကောက်ခံရရှိတဲ့ အခွန်တော်ငွေကို စိတ်ကြိုက်သုံးစွဲခွင့် မရှိဘဲ ဘုရင့်အတွက် လစာငွေ သတ်မှတ်ပေးထားခြင်း ဖြစ်ပါတယ်။ ဒါပေမယ့် အဲတာကို သီပေါမင်းရဲ့ မိဖုယားဖြစ်သူ စုဖုရားလတ်က “ငဒို့က ဘုရင်နဲ့ မိဖုယားတွေပဲ၊ ရေမြေ့ရှင်တွေပဲ၊ ငလှိုင်ပေးသလောက် လခနဲ့ နေရမှာလား” လို့ပြောပြီး ပယ်ချပါတယ်။ ဦးဘိုးလှိုင်ဟာ မြန်မာပြည် အပြင်ဖက်မှာ ဖြစ်နေတဲ့ ကမ္ဘာ့အခြေအနေကို ရိပ်စားမိတဲ့ သူဖြစ်ပါတယ်။ ခေတ်အခါအလိုက် ဖြစ်သင့်တာကို သက်ဦးဆိုင်ပိုင်အတိ ရဲရဲဝံ့ဝံ့ တင်ပြရဲသူလို့ ဆိုနိုင်ပါတယ်။ ဒါပေမယ့် ဘုရင့်အာဏာစက်က ရှေးကလို ကြီးမားနေဆဲ ဖြစ်တာက တကြောင်း၊ ဦးဘိုးလှိုင်ကို မကြည်ဖြူတဲ့ ပြိုင်ဖက်တွေဖြစ်တဲ့ အခြားသော နန်းတွင်းက ပညာရှိအမတ်များ ကလည်း မထောက်ခံတာက တကြောင်း စတာတွေကြောင့် ဦးဘိုးလှိုင်လို ပညာရှိမျိုးတွေရဲ့ ကြိုးပမ်းမှုတွေဟာ အကျိုးသက်ရောက်မှု နည်းခဲ့ရပါတယ်။

ကိုင်း ရှေးတုန်းက အကြောင်းတွေ ပြောအပြီးမှာ အခု လက်ရှိ မြန်မာနိုင်ငံရဲ့ အခြေအနေကို ကြည့်ရအောင်ပါ။ ပြီးခဲ့တဲ့ အနှစ် နှစ်ဆယ်ကျော် ကာလအတွင်းမှာ စစ်အစိုးရက ဈေးကွက်စီးပွားရေးကို ဖော်ဆောင်နေပြီလို့ ပြောခဲ့ပါတယ်။ အခုလက်ရှိ အစိုးရသစ်ကလည်း ဈေးကွက်စီးပွားရေးကို ဆက်လက် အကောင်အထည် ဖော်နေတယ်လို့ ဆိုပါတယ်။ သို့သော်လည်း ဗိုလ်ချုပ်များနဲ့ သူတို့ရဲ့ စီးပွားဖက်တွေ တိုင်းပြည်ရဲ့ သယံဇာတတွေကို အဆင်အခြင်မဲ့ ထုတ်ယူရောင်းခြနေတာ တတိုင်းပြည်လုံး အသိပါ။ အဲတာကို အဲသလို မလုပ်သင့်ဖူးလို့ ချက်ကျလက်ကျ အကြံပေး ဝေဖန်ထောက်ပြတဲ့ မြန်မာ ပညာရှင်တွေ ကျွမ်းကျင်သူတွေ မရှိသလောက် ရှားပါးခဲ့ပါတယ်။ တချို့ ပညာရှင် ဆိုသူများကတော့ ဗိုလ်ချုပ်တွေနဲ့ အလွမ်းသင့်အောင်နေ နောင်မှာ အခွင့်သာရင် တဖြည်းဖြည်းခြင်း ပြောင်းယူတာပေါ့ဆိုတဲ့ လမ်းစဉ်ကို လိုက်ကြပါတယ်။

တချို့ ခါတော်မီပညာရှင် ဆိုသူများကတော့ အနာဂတ် စီးပွားရေး ပေါ်လစီဆိုတဲ့ ကိစ္စတွေမှာလည်းပါ၊ ဆင်းရဲမွဲတွေမှု လျှော့ချရေးဆိုတဲ့ ကိစ္စတွေမှာလည်းပါ၊ နိုင်ငံရေး ပဋိပက္ခ ဖြေရှင်းရေးဆိုတဲ့ ကိစ္စတွေမှာလည်း မလွတ်၊ လယ်ယာစိုက်ပျိုးရေး ပြန်လည် မြှင့်တင်ရေးဆိုတဲ့ ကိစ္စတွေမှာလည်း ဝင်ဆရာလုပ်ကြ၊ အဲတာအပြင် ဖွဲ့စည်းပုံအခြေခံ ဥပဒေကိစ္စတွေ၊ ဖွံ့ဖြိုးရေး ဆိုင်ရာ ကိစ္စအရပ်ရပ်တွေ၊ အမျိုးသားပြန်လည် ရင်ကြားစေ့ရေး ဆိုတဲ့ကိစ္စတွေ အစရှိတဲ့ ကိစ္စများ အားလုံးမှာလည်း ဝင်ပါ ကြပါတယ်။ အမှန်တကယ် ဖြစ်သင့်တာက ကိစ္စရပ်တိုင်း နေရာတိုင်းမှာ ဝင်ပါနေမယ့်အစား မိမိကျွမ်းကျင်တဲ့ နယ်ပယ်၊ မိမိဘဝ တလျှောက်လုံး ဆည်းပူးလေ့လာနေတဲ့ ပညာရပ်ဆိုင်ရာ နယ်ပယ်တွေမှာ လက်တွေ့ကြကြ ပါဝင်ပူးပေါင်း ဆောင်ရွက်မှ တိုင်းပြည်အတွက် ပိုပြီး အကျိုး ရှိမယ်လို့ ထောက်ပြ လိုပါတယ်။

တဆက်ထဲမှာလည်း မြန်မာပညာရှင် ဆိုသူများအနေနဲ့ ရဲရဲရင့်ရင့် ထောက်ပြဝေဖန်သင့်တဲ့ ကိစ္စများလည်း ရှိနေပါသေး တယ်။ အဲတာ တွေကတော့ ဧရာဝတီမြစ်ဆုံကို ဆည်ပိတ်ဆောက်တဲ့ ကိစ္စတွေ၊ ထားဝယ်ရေနက်ဆိပ်ကမ်းနဲ့ အကြီးစား စက်မှုဇုံ လုပ်ငန်းတွေ တည်ဆောက်မယ် ဆိုတဲ့ ကိစ္စတွေ ဖြစ်ပါတယ်။ ဒီကိစ္စမျိုးတွေရဲ့ အကျိုးဆက်ကြောင့် တိုင်းပြည်မှာ ရေရှည် အတွက် ဖြစ်ပေါ်လာမယ့် ဆိုးကျိုးတွေ ဒါတွေကို ထောက်ပြဝေဖန် အကြံပြုဖို့ လိုပါတယ်။ အဲသလိုပဲ လယ်သမား တွေရဲ့ လယ်မြေယာမြေတွေကို စစ်တပ်နဲ့ စီးပွားရေးကုမ္ပဏီတွေ ပေါင်းပြီး ခွတုတ်နေတာ၊ သိမ်းယူနေတာကိုလည်း ရပ်တန့်ဖို့လိုကြောင်း လယ်မြေတွေကို လယ်သမားတွေကို ပြန်ပေးသင့်ကြောင်း ထောက်ပြသင့်ပါတယ်။ အစိုးရသစ်က လယ်ယာစိုက်ပျိုးရေးကို ပြန်လည်ဦးမော့ လာအောင် ဆောင်ရွက်မယ်လို့ ပြောခဲ့တာ အားလုံးလည်း မှတ်မိကြမှာပါ။ လယ်ယာစိုက်ပျိုးရေး ပြန်လည်ဦးမော့ လာဖို့ ဆိုတာက လယ်သမားတွေကို အကူအညီမပေးဘဲ၊ အကာအကွယ် မပေးဘဲ မဖြစ်နိုင်ပါ။ တကယ်တန်း စစ်စစ်မှန်မှန် လယ်လုပ်နေတဲ့ လယ်သမားတွေသာ လယ်ယာစိုက်ပျိုးရေး ပြန်ပြီးဦးမော့လာ အောင် ဆောင်ရွက်ပေးနိုင်တဲ့ သူတွေဖြစ်ပါတယ်။ စီးပွားရေး ကုမ္ပဏီတွေ စစ်ဗိုလ်တွေကြောင့် မြန်မာ့လယ်ယာ စိုက်ပျိုးရေး ဦးမော့လာစရာ အကြောင်းမရှိပါ။

နောက်တချက်ကတော့ မြန်မာနိုင်ငံဟာ နိုင်ငံတကာ ဈေးကွက်မှာ အခုထက်ပိုပြီး တိုးတက်ဖွံ့ဖြိုးလာအောင်၊ နိုင်ငံတကာ ကလည်း အပြန်အလှန် လေးစားလာအောင် ခေတ်နဲ့ ဘယ်လိုမှ မဆီလျှော်တော့တဲ့ မကိုက်ညီတော့တဲ့ ဥပဒေတွေကို ဖျက်သိမ်းပြီး ခေတ်နဲ့ကိုက်ညီတဲ့ ဥပဒေများနဲ့ ပြန်လည်အစားထိုးဖို့ ပညာရှင်များ ကျွမ်းကျင်သူများဖက်က တညီတညာထဲ အစိုးရသစ်ကို တိုက်တွန်းဖို့ အကြံပေးဖို့လိုပါတယ်။ အဲသလိုမှမဟုတ်ဘဲ အခု အစိုးရသစ်လုပ်နေဟာ အရင်စစ်အစိုးရ လုပ်ခဲ့တာတွေထက် ပိုတော့ကောင်းလာတယ် ဆိုပြီး ထောက်ခံနေရုံ၊ အာသာဖြေနေရုံနဲ့တော့ မလုံလောက်ပါ။ ဆိုလိုတာက ပညာရှင်များအနေနဲ့ အစိုးရသစ်ကို နိုင်ငံရေးအရ တိုက်ခိုက်ဝေဖန်ဖို့ ဆိုလိုခြင်း မဟုတ်ပါ။ တိုင်းပြည်ရဲ့ စီးပွားရေး အမှန်တကယ် ဦးမော့လာဖို့ အတွက် မြန်မာပညာရှင်များ၊ ကျွမ်းကျင်သူများက ဘက်မလိုက်ဘဲ သက်ဆိုင်ရာ နယ်ပယ် အလိုက် အရှိကိုအရှိအတိုင်း ရဲရဲဝံ့ဝံ့ အကြံပြု ဝေဖန်ဖို့ လိုကြောင်း ပြောလိုတာ ဖြစ်ပါတယ်။ မြန်မာနိုင်ငံကြီး အကောင်းဖက် ကို ဦးတည်ပြောင်းလဲဖို့ နိုင်ငံရေး တက်ကြွလှုပ်ရှားသူများ ရဲရဲဝံ့ဝံ့ ဆောင်ရွက်ခဲ့ကြသလို၊ ဆက်လက် ဆောင်ရွက် နေကြဆဲ လည်း ဖြစ်ပါတယ်။ လတ်တလောမှာတော့ အစိုးရသစ်ကို တင်ပြရဲတဲ့ ပညာရှင်မျိုး တဦးစနှစ်ဦးစတော့ ရှိလာနေပါပြီ။ ဘယ်သူ့ဖက်မှ ဘက်မလိုက်ဖဲ တိုင်းပြည် အကျိုးအတွက် ရဲရဲကြီး အကြံပေး တင်ပြတာမျိုး လုပ်ကြဖို့ စစ်မှန်တဲ့ မြန်မာပညာရှင်များ ကျွမ်းကျင်သူများ အထူးလိုအပ် နေသေးကြောင်း ပြောလိုပါတယ်။

ဇော်မင်း
၁ ရက်၊ စက်တင်ဘာလ၊ ၂ဝ၁၁ ခုနှစ် 

http://fine-leaves.blogspot.com/2011/09/blog-post.html မှကူးယူဖော်ပြပါသည်။

Wednesday, November 9, 2011

ပညာရေးအလှူ စွမ်းတဲ့လူ
      ပညာဖြစ်ပုံ ၊ နည်းမျိုးစုံ ၊ ကုန်အောင် ၊ ဘယ်သို့ ဖြည့်သနည်း။
တတ်အောင်လည်းသင် ၊ တတ်ပြီးလျှင်လည်း ၊ ပင်ကိုယ်ဥာဏ်ဖြင့် ၊ ထပ်ကာဆင့်၍ ၊ အသင့်ပွားတိုး ၊ များအကျိုးသည်ပိုးဆောင်၍ ၊ ဖြည့်သတည်း။
ဟူသော  အရှင်ဇနကာဘိဝံသ ဆရာတော်ဘုရားကြီး၏
ဗုဒ္ဓဝင်အမေး အဖြေ စာအုပ်ထဲမှာ မှတ်သားဖူးပါတယ်။ ပြောချင်တာက ပညာတတ်အောင်သင်ရတဲ့
နေရာမှာ ရဟန်းတော်ဆိုရင်လဲငွေကြေးရှိမှ လိုရာပန်းတိုင်ကိုတက်လှမ်းနိုင်တာပါ ။ဒီအတွက် အလှူရှင်ဒကာမကြီး ဒေါ်ထွေးအေးကဖြည့်ဆည်းပေးလိုက်ပါပြီ။
တတ်တဲ့ပညာရပ်တွေနှင့် ဘာသာရေး သာသနာရေးတွေပြန့်ပွားအောင် ဥာဏ်မျက်စိတွေနဲ့ပါ ဘက်စုံရှုထောင့်ကနေ ထပ်ကာဆင့်ဆင့် သာသနာတော်ကို
စည်ပင်အောင် သာသနာပြုရတာကလဲ ဗုဒ္ဓ ဘာသာဝင်တိုင်းအသိပါပဲ။ အခုဆိုရင် ဒကာမကြီးဒေါ်ထွေးအေး (ဆူကူဝိတ်) ဟာ သာသနာတော်ပြန့်ပွားအောင်
မိမိတတ်နိုင်သည့်ငွေပဒေသာကို သာသနာပြုလိုက်တယ်ဆိုရင်လဲမှားမယ်မထင်ပါဘူး။
ယ္ခုအလှူရှင်ဒေါ်ထွေးအေးလှူလိုက်တာကလည်း  မြို့နယ် ရပ်ရွာ ဒေသတိုင်းမှာ ဒီလှူလိုက်တဲ့ငွေပဒေသာဖြင့် ပညာတွေတတ်အောင်သင်ကာ သာသနာပြု ကြမယ့်ရဟန်းတော်တွေ လို့အလှူရှင်စိတ်ထဲမှာကိန်းအောင်းနေလို့လဲ ဒီငွေ (11000) ဘတ်ငွေကို
ထိုင်းနိုင်ငံရောက်မြန်မာကျောင်းသားရဟန်းတော်များအတွက်( ၆.၁၁.၂၀၁၁ )ခုနှစ်တနင်္ဂနွေနေ့၌  M.S.M.O ကျောင်းသားများကိုယ်စား အရှင်သြသဓ (BA) ပထမနှစ် ထံသို့
ဆက်ကပ်လှူဒါန်းခဲ့ပါတယ်။ အရှင်သြသဓမှ တဆင့် M.S.M.O ၏ ပြန်ကြားရေးဆရာတော် ဦးပညာစာရထံသို့လွှဲပြောင်းပေးအပ်ခဲ့သည်ကိုတင်ပြရင်း.......
၎င်းကုသိုလ်ထူးကို ၃၁ ဘုံသားအားလုံး သာဓု သာဓု သာဓု ခေါ်ဆိုနိုင်ကြပါစေသောဝ်...........။
(၁၁၀၀၀)ဘတ်ငွေကိုပညာရေးအတွက်လှူဒါန်းနေသော ဒကာမကြီးဒေါ်ထွေးအေး (ဆူကူဝိတ်)

(၁၁၀၀၀)ဘတ်ငွေကိုပညာရေးအတွက်လှူဒါန်းနေသော ဒကာမကြီးဒေါ်ထွေးအေး (ဆူကူဝိတ်)


              အသိပေးကြေညာချက်အထူးသတင်း
ထိုင်းနိုင်ငံနေရာအသီးသီးတွင် နေထိုင်နေကြသည့် ရဟန်းတော်များနဲ့ ကျောင်းသားရဟန်းတော်များ ဒကာ
ဒကာမများသိကြစေရန် ထိုင်းနိုင်ငံရောက် ရဟန်းတော်များ လူပုဂ္ဂုလ်များ ယ္ခုအချိန်မှာရေဘေးသင့်နေတာ
တစ်နိုင်ငံလုံး တစ်ကမ္ဘာလုံးအသိပါပဲ အခုတင်ပြရမည်အကြောင့်ကတော့ မဟာချိုင်မြို့နယ်မှာ မြန်မာပြည်သား
အများဆုံးနေထိုင်သည့်ဒေသဆိုတာလဲ မြန်မာပြည်သားမှန်ရင်အသိပဲမဟုတ်ပါလော........
အခုကြားသိနေရသည်မှာ မဟာချိုင်မြို့နယ်တွေမှာ ရေဘေးသင့်နေသော ရဟန်းတော်များ 
ကျောင်းသားရဟန်းတော်များအတွက် အလှုခံနေတယ်ဆိုတာ သတင်းတွေပြန့်ပွားနေပါတယ် ဒီသတင်းတွေဟာအလှူခံပုဂ္ဂုလ်တွေရှိနေလို့လည်းဒီလိုသတင်းတွေထွက်ပေါ်နေတယ်ဆိုတာ သေချာနေပါတယ်
အကယ်၍သာ ဒီလုပ်ရပ်တွေမှန်နေတယ်ဆိုရင် ရဟန်းတော်တွေကလုပ်ခဲ့ရင်လဲမကောင်းပါဘူး...
ဒကာ ဒကာမတွေဘက်ကလုပ်ခဲ့ရင်လဲမကောင်းပါဘူး တကယ်လို့အလှူခံခိုင်းတဲ့ ပုဂ္ဂိုလ်ရှိခဲ့ရင်လည်း
ကိုယ်အလှူခံပေးတဲ့ ရဟန်းတော်ဘွဲ့အမည်ကို ထုပ်ဖော်ပြီးမှ အလှူခံပေးသင့်ပါတယ်သံဃာတော်တွေအားလုံးကျောင်းသားရဟန်းတော်တွေအားလုံးကို
အလွဲသုံးစားမလုပ်သင့်ပါဘူး ဘာသာရေးအရ သာသနာရေးအရပါ မကောင်းပါဘူး
 တကယ်လို့အဲဒီလိုလုပ်ရပ်တွေရှိလာရင်လည်း အလှူခံတဲ့သူကိုသေချာမေးပြီး အကြောင်းကြားနိုင်သည့်ဖုန်းနံပတ်များကို အမြန်ဆုံးအကြောင်းကြားပေးကြပါရန် အထူးတင်ပြလိုက်ရပါတယ်၊
M.S.M.O ကျောင်းသား ဥက္ကဋ္ဌဆရာတော်ဦးဣန္ဒောဘာသ ဖုန်း 0875009576 အတွင်းရေးမှုးဆရာတော်
ဦးသြဘာသ ဖုန်း 0827658279  ပြန်ကြားရေးဆရာတော် ဦးပညာစာရ ဖုန်း 0824465482 ၄င်းဖုန်းများအမြန်ဆုံးဆက်သွယ်ပေးကြပါရန်အထူးပဲတင်ပြပေးလိုက်ရပါသည်........။

Monday, November 7, 2011

 လာဘ်ကိုမမက်တရားဖက်
လာဘ်ရကြောင်းအကျင့်ဟာ
နိဗ္ဗာန်ရောက်ကြောင်း အကျင့်နဲ့
တခြားစီဖြစ်သလို
နိဗ္ဗာန်ရောက်ကြောင်းအကျင့်ဟာလည်း
လာဘ်ရကြောင်းအကျင့်နဲ့
တခြားစီဖြစ်ပါတယ်
ဘုရားစကား နားထာင်သူ
ဘုရားတပည့်အစစ်
ရဟန်းကောင်းမှန်ရင်
အဲဒီလိုအကျင့်နှစ်မျိုးရဲ့
သီးခြာစီ မတူညီကြပုံကို
ကွဲကွဲ ပြားပြား ခွဲခြားသိပြီးတော့
လာဘ် လာဘ ပူဇော်သက္ကာရတွေကို
မနှစ်သက် မတောင့်တသင့်ပါဘူး
ဆိတ်ငြိမ်ရာမှာနေ စိတ်ငြိမ်အောင်လုပ်ပြီး
ရုပ်နာမ်ငြိမ်းရာ ရောက်ဖို့ပဲ
ကြိုးစားအားထုတ်သင့်ပါတယ်...........။
          မှတ်ချက် ။     ။ ဆရာတော်အရှင်ဆန္ဒာဓိကရေးသားသော စိတ်အားဖြည့် ဓမ္မပဒ စာအုပ်မှကူးယူ
ဖော်ပြပေးလိုက်ရပါသည်။

CD နှင့် DVD ခွေများဝယ်မယ်ဆိုရင် သိထားသင့်သောအချက်များ

ရေးသားသူ : နေမင်းမောင် // အချိန် : 2:40 AM //




ကျွန်တော် ဒီနေ့တော့ သိထားသင့်တာလေး တစ်ခုကို ရေးပေးသွားပါမယ် .. အခုကျွန်တော် ရေးပေးမဲ့ အကြောင်း အရာလေးကတော့ ကွန်ပျုတာသမားတိုင်း အကျွမ်းတ၀င်အသုံးပြုနေပြီး အမှုမဲ့အမှတ်မဲ့ ထားတဲ့ အကြောင်းအရာ လို့ပြောရင်လည်း မမှားပါဘူး .. ကျွန်တော် အခုရေးပေးသွားမဲ့ အကြောင်းအရာကတော့ CD-RCD-RWCD+R CD+RWDVD-RDVD+RDVD-RW နဲ့ DVD+RW တို့ရဲ့ ကွာခြားချက်လေးတွေပဲ ဖြစ်ပါတယ် .. ဘာလို့ ကျွန်တော် ဒီအကြောင်းအရာကို ရေးပေးရလည်း ဆိုတော့ ကျွန်တော်တို့ ပါတ်ဝန်းကျင်မှာ အများစုက CDDVD ခွေတွေကို ၀ယ်ပြီးတော့ အသုံးပြုနေကြပေမယ့်လည်း  ဒီကွာခြားချက်တွေကို သတိမထားမိကြပါဘူး .. ဒါကြောင့် ဘာတွေဖြစ်လည်းဆိုတော့ အခွေတော့ ၀ယ်လာတယ် ဒါပေမယ့် အခွေက ၀ယ်ပြီးတော့မှ ကိုယ်သုံးချင်တဲ့ ပုံစံနဲ့ မကိုက်ညီတာမျိုး တွေကြုံကြရပါတယ် .. ကျွန်တော် အခုရေးပေးမဲ့ အကြောင်းအရာက တစ်ချို့သူတွေအတွက် အသုံးမ၀င် ဘူးဆိုရင်တောင် ဗဟုသုတ တစ်ခုအနေနဲ့ သိသွားမယ်ဆိုရင် ကျေနပ်ပါတယ် .. 

CD and DVD
အရင်ဆုံး ကျွန်တော် တစ်ခုချင်းမရှင်းပြမှီ CD နဲ့ DVD ဘာကွာခြားလည်း ဆိုတာကို အရင်ဆုံး ရှင်းပြချင်ပါတယ် ..CD နဲ့ DVD ခွေတွေကိုတော့ ကျွန်တော်တို့ ပါတ်ဝန်းကျင်မှာ အလွယ်တကူ အသုံးပြုနေကြတာ ဖြစ်တဲ့အတွက် အားလုံးပဲ သိကြမှာပါ ..  CD ( Compact Disk ) နဲ့  DVD ( Digital Versatile Disc ) တို့ဟာ Laser Light ကိုအသုံးပြုပြီး မိမိတို့ သိမ်းချင်တဲ့ Data တွေကို သိမ်းဆည်းပေးနိုင်ဖို့ အသုံးပြု နိုင်မှာဖြစ်ပါတယ် .. ကျွန်တော်တို့ ပြင်ပနယ်ပါယ်မှာတော့ CD Disc နဲ့ DVD Disc တွေကို Movie တွေ သီချင်းခွေတွေ စတဲ့ဖျော်ဖြေမှု နယ်ပါယ်တွေအတွက် အဓိကထား အသုံးပြုကြတာ တွေ့ရမှာဖြစ်ပါတယ် .. 
ဒါပေမယ့် ကျွန်တော်တို့ ကွန်ပျူတာ သမားတွေကတော့ CD Disc တွေ DVD Disc တွေကို အချက်အလက်တွေ သိမ်းဆည်းဖို့ Windows Installation တွေလုပ်ဆောင် တဲ့အခါမှာ အထောက်အကူပြုဖို့ အသုံးပြုနေကြတာ ဖြစ်ပါတယ် ..CD Disc နဲ့ DVD Disc တွေဟာ ရုတ်တရက် ကြည့်မယ်ဆိုရင် အတူတူပဲလို့ ထင်ရပေမယ့် သူတို့မှာ ကွဲပြားချက် လေးတွေတော့ ရှိနေပါတယ်.. သိသာတဲ့ ကွဲပြားချက် တစ်ခုကတော့ ( Data Storage Capacity ) လို့ခေါ်တဲ့ အချက်အလက်တွေကို သိမ်းဆည်းနိုင်စွမ်းပဲ ဖြစ်ပါတယ် .. CD Disc များဟာ အများဆုံး ဗီဒီယို မိနစ် ၈၀ စာ ( DATA Storage 750 MB  ) သာသိမ်းဆည်းနိုင်တဲ့ အချိန်မှာ DVD Disc တွေကတော့ ဗီဒီယို နှစ်နာရီစာ ( Data Storage 4.37 GB )  သိမ်းဆည်းပေးနိုင်မှာဖြစ်ပါတယ် .. ကျွန်တော်တို့က CDDVD ခွေတွေကို ၀ယ်ချင်တယ်ဆိုရင် သိပ်ခက်ခက်ခဲခဲ ခွဲခြားနေစရာ မလိုပဲ Cover မှာရေးထားတဲ့ DVD ( သို့မဟုတ် ) CD ဆိုတာလေးကို ကြည့်ပြီး အလွယ်တကူ ခွဲခြားပေးနိုင်မှာ ဖြစ်ပါတယ် .. 
CD ခွေတစ်ခွေဝယ်မယ်ဆိုရင် အခွေအများစုရဲ့ Cover မှာ CD-R700 MB80 MIN52x SPEED ဆိုပြီး ရေးထားတာကို အလွယ်တကူကြည့်ပြီး သိနိုင်မှာဖြစ်ပါတယ် .. တစ်ချို့အခွေတွေမှာဆိုရင် CD လို့မပါပေမယ့် .. အပေါ်မှာ ရှင်းပြခဲ့သလို 700 MB ဆိုတာ CD ခွေတစ်ခွေရဲ့ အများဆုံး Data Storage ဆိုတာကို သိထားမယ်ဆိုရင် အလွယ်တကူ CD ခွေမှန်းသိနိုင်မှာ ဖြစ်ပါတယ် ..
အပေါ်မှာ CD ခွေဝယ်တုန်းက ကြည့်သလိုပါပဲ DVD ခွေဝယ်ချင်တယ်ဆိုရင်လည်း အခွေ Cover ကိုကြည့်လိုက်ပါ .. DVD + R ၊  4.7 GB လို့ရေးထားတာတယ် ဆိုရင် ဒါဟာ DVD ခွေပါလား ဆိုတာ အလွယ်တကူ သိနိုင်မှာ ဖြစ်ပါတယ် .. 
CD-R ၊ CD-RW  and  DVD-R ၊ DVD-RW
ကဲကျွန်တော် အပေါ်မှာ CD နဲ့ DVD ကွာခြား ချက်လေးနဲ့ ဘယ်လို ခွဲခြားသိုနိုင်မလည်း ဆိုတာကို ဖော်ပြပြီးခဲ့ပြီ ဆိုတော့ ဆက်ပြီးတော့ အခွေတွေ ကိုကြည့်လိုက်တဲ့ အခါမှာ CD-RCD-RW နဲ့ DVD-RDVD-RW ဆိုပြီး ပါလာတဲ့အခါမှာ R နဲ့ RW တို့ရဲ့ ကွာခြားချက်လေးတွေကို ရေးပေးသွားမှာ ဖြစ်ပါတယ် .. ကျွန်တော်တို့ အများစုက DVD CD ခွေတွေကို ၀ယ်လိုက်တယ် .. ဒါပေမယ့် အခွေတွေကို ၀ယ်တဲ့အခါမှာ မိမိတို့ဝယ်တဲ့ အခွေက R ( Readable ) ဆိုတာဘာကိုပြောချင်တာ RW ( Rewriteable )  ဆိုတာဘာကို ပြောချင်တာလည်း ဘယ်လို အခွေမျိုးကို ဘာအတွက်ရွေးချယ်ပြီး ၀ယ်သင့် လည်းဆိုတာကို မသိကြပါဘူး .. R ဆိုတာက Readabe ကိုပြောတာဖြစ်ပြီး မိမိတို့ဝယ်လိုက်တဲ့ အခွေပေါ်မှာ ပါတဲ့ Data တွေကို ဖတ်ပဲဖတ်နိုင်တယ်လို့ ပြောချင်တာဖြစ်ပါတယ် .. W ဆိုတာကတော့ Writeable ကိုပြောတာဖြစ်ပြီး မိမိတို့ ၀ယ်လိုက်တဲ့အခွေဟာ ပြန်ပြီးတော့ ရေးသားမှုကိုလည်း ပြုလုပ်နိုင်တယ်လို့ ပြောချင်တာဖြစ်ပါတယ် .. 
 
ဒါဆိုရင် CD-R ၊ DVD-R ဆိုတာ Disc ပေါ်မှာ Data တွေကို တစ်ကြိမ်သာ ရေးသွင်းနိုင်မှာဖြစ်ပြီး အဲ့ဒီရေးသားထားတဲ့ အကြောင်းအရာတွေကို ( Readable ) ဖတ်ပဲဖတ်နိုင်တော့မှာ ဖြစ်ပြီး နောက်ထပ် Data  အသစ်တွေကို ထပ်မံထည့်သွင်းခြင်းတွေကို လုံးဝ ပြုလုပ်လို့ ရတော့ မှာမဟုတ်ပါဘူး .. ဒါကြောင့် CD-RDVD-R ဆိုတာ ( Readable ) ဖတ်တာတစ်ခုထဲကိုပဲ ပြုလုပ်နိုင်မှာဖြစ်ပါတယ် ..
 
CD-RWDVD-RW ဆိုတာကတော့ Disc ထဲမှာ မိမိတို့က Data တွေကို ပထမတစ်ကြိမ် ရေးသွင်းထားပါမယ် .. ဒါပေမယ့် အရင်ထည့်ပြီးသား Data တွေကို အသုံးမလို တော့တဲ့အတွက် နောက်ထပ် အသစ်တွေ ထပ်ပြီး သွင်းချင်တယ် ဆိုရင်လည်း ထပ်ပြီးတော့ ထည့်သွင်းလို့ ရမှာဖြစ်ပါတယ် ..  ဥပမာ .. ကျွန်တော်က သူငယ်ချင်းဆီက ဇာတ်ကား သုံးကားကို DVD-RW ခွေနဲ့ကူးလာပါတယ် .... နောက်တစ်နေ့မှာ ပထမကူးလာတဲ့ ဇာတ်ကား သုံးကားလုံးကို ကြည့်ပြီးလို့ နောက်ထပ် ဇတ်ကား အသစ် တွေကို ကူးချင်တယ်ဆိုရင် ပထမ ဇာတ်ကား သုံးကားကူးလာတဲ့ DVD-RW ခွေထဲမှာပဲ နောက်ထပ်ဇာတ်ကား အသစ်တွေကို အရင်ကူးထားတဲ့ ဇာတ်ကား သုံးကားကို ဖျက်ပြီး ကူးနိုင်မှာဖြစ်ပါတယ် .. ဒါကြောင့် RW ဆိုတာ အခွေတစ်ခွေထဲနဲ့ အကြိမ်ကြိမ်  Writeable ပြုနိုင်မှာ ဖြစ်ပါတယ် .. 
ဒီလောက်ဆိုရင်တော့ R နဲ့ RW တို့ရဲ့ ကွဲခြား ချက်လေးကို သိသွားပြီလို့ ထင်ပါတယ် .. ဒါကြောင့် ကျွန်တော်တို့ အခွေတွေ ၀ယ်တဲ့အခါမှာ CD-RDVD-R အခွေတွေဟာ CD-RWDVD-RW အခွေတွေထက် ပိုပြီး ဈေးကြီးတာကို တွေ့ရပါလိမ့်မယ် .. ဒါကြောင့် ကျွန်တော်တို့က အခွေတွေကို ၀ယ်မယ်ဆိုရင် မိမိတို့က တစ်ခါသုံးမှာလား ၊ ဒါမှမဟုတ် အခွေတစ်ခွေကိုပဲ ခဏခဏ ပြန်ပြီးသုံးချင်တာလား ဆိုတာကို ရွေးချယ်ပြီး ၀ယ်ယူနိုင်မှာဖြစ်ပါတယ် .. 

CD+R , CD+RW and DVD+R , DVD+RW
ကျွန်တော်အပေါ်မှာ R နဲ့ RW ရဲ့ ကွာခြားချက်ကို ရှင်းပြခဲ့ ပြီးသွားပြီဆိုတော့ အခုဆက်ပြီးတော့ ( minus ) နဲ့  ( Plus ) ကွာခြားချက်ကို ဆက်ပြီးရှင်းပြပေးသွားပါမယ် .. Minus Disc တွေဟာ Plus Disc တွေထက် ပိုပြီးတော့ ဈေးသက်သာပါတယ်.. -R , -RW Format အခွေတွေဟာဆိုရင် Multiple Layer လို့ခေါ်တဲ့ Layer တစ်ခုထဲမှာသာ ရေးသားနိုင်မှာ ဖြစ်ပြီး လုပ်ငန်းတွေမှာ အသုံးပြုဖို့အတွက် သတ်မှတ်ချက် ပြည့်ဝမှာမဟုတ်ပါဘူး .. +R , +RW  Format အခွေတွေကတော့ DVD Format တော်တော်များများနဲ့ တွဲဖက်အသုံးပြု နိုင်မှာဖြစ်သလို စွမ်းဆောင်ရည်လည်း နည်းနည်းပိုလာမှာဖြစ်ပါတယ် .. ပြီးရင် Disc Storage လည်းနည်းနည်းပိုများပါတယ် .. လုပ်ငန်းပိုင်းဆိုင်ရာ တွေအတွက် အသုံးပြုဖို့ ဆိုရင်တော့ Plus Format တွေကိုသာ ရွေးချယ်ပြီး အသုံးပြု စေချင်ပါတယ် .. 
နောက်ဆုံးတစ်ချက် အနေနဲ့ကတော့ အခွေတွေတင်မှမဟုတ်ပါဘူး .. မိမိတို့စက်မှာ တင်ဆင်ထားတဲ့ Optical Drive တွေဟာ VCD Drive လား ၊ DVD Drive လား ၊ DVD Drive ဆိုရင်တောင် ရိုးရိုး DVD ROM လား DVD RW လားဆိုတာလည်း သိဖို့လိုပါတယ် .. မိမိတို့ကအသုံးပြုနေတဲ့ OPtical Drive က DVD Rom တပ်ဆင်ထားပြီး DVD RW ခွေကိုထည့်ပြီး အသုံးပြုမယ်ဆိုရင်တော့ Read only ပဲရမှာဖြစ်ပါတယ် .. မိမိတို့ စက်မှာ တပ်ဆင်ထားတဲ့ Optical Drive က DVD RW Rom ဖြစ်မှသာလျှင် Readable ရော Writeable ရောနှစ်မျိုးလုံးအသုံးပြုလို့ရမှာဖြစ်ပါတယ် .. ဒါကြောင့် မိမိတို့က DVD Rom ပဲတပ်ဆင်ထားတယ် ဆိုရင် RW ခွေဝယ်လာပေမယ့် Writeable လုပ်လို့ရမှာ မဟုတ်ဘူးဆိုတာကိုတော့ သိထား စေချင်ပါတယ် .. 
ဒီလောက်ဆိုရင်တော့  အားလုံးပဲ CD , DVD ခွေတွေဝယ်တော့ မယ်ဆိုရင် မိမိတို့အတွက် လိုအပ်တာကို အလွယ်အကူ ရွေးချယ် ၀ယ်ယူနိုင်သွားလိမ့်မယ်လို့ ထင်ပါတယ် ...
 မှတ်ချက် ။  ။ နေမင်းမောင် လင့်မှ ကူးယူဖော်ပြရပါသည် ကိုနေမင်းမောင်ကိုလဲ ဒီလိုနည်းပညာလေးတွေ
တင်ပေးသည့်အတွက်အထူးပဲကျေးဇူးတင်ရှိပါသည်။
                                         မဟာချိုင် ရေကြီးမှု သတိပေးချက်
Posted: 06 Nov 2011 10:00 AM PST

ဖေ့စ်ဘုတ်ပေါ်မှာ မျှဝေထားတဲ့ အရေးပေါ် သတိပေးချက်ပါ။ မဟာချိုင်ရောက် မြန်မာတွေ သတိထားနိုင်ဖို့ လက်တို့ပေးဖို့ သတင်းပါ။

(မဟာချိုင် ရေကြီးမှုနဲ့ ပတ်သက်ပြီး ဖေ့စ်ဘုတ်မှာ နောက်ဆက်တွဲ တွေ့ရတာတွေကို ထပ်တင်ပေးလိုက်ပါတယ်။)

မဟာချိုင်ဒေသ ရေကြီးလျှင် ကာကွယ်ရေး စီမံချက်

မဟာချိုင်းဒေသကို စက်မှုဇုံအထူးဒေသ အဖြစ်ထိုင်းအစိုးရမှ ကာကွယ်နေဆဲဖြစ်ပါသည်။ သဘာဝကို အံတုနေရသော လုပ်ငန်းဖြစ်သည့် အားလျှော်စွာ မမျှော်လင့်သော အခြေအနေတရပ်သို အချိန်မရွေး ရောက်နိူင်ပါသည်။

တနေ့ တခြား ရေကြီးလာနေသော မဟာချိုင်ဝန်းကျင်ဒေသ နေထိုင်ကြသော မြန်မာပြည်မှ လာရောက် အလုပ်လုပ်နေကြသော မြန်မာပြည်သားများ ကြိုတင်ပြင်ဆင်ရန် နှင့် သိထားစေရန်။

မိမိတို့ ကိုင်ဆောင်ထားသည့် နေထိုင်ခွင့်ကဒ်ပြား။

ဆေးရုံလက်မှတ်ကဒ်ပြား။

မြန်မာပတ်စပို့ ။

ကလေးမွေးစာရင်း။

စသည့် ...

၁ - အရေးကြီးသည့် စာရွတ်စာတမ်းများကို ပလပ်စတစ်ထူထူ အိပ်ထဲတွင် မီးအပူပေးပြီး အသေပိတ်ထားပါ။ ထိုအထောက်အထားများပါသည့် ပလပ်စတစ်အိပ်ကို မိမိကိုယ်နှင့် သွားလေရာ မပျောက်အောင် တပါတည်း ကြိုးချည်သယ်ဆောင်သွားပါ။

၂ - အဖုံးပိတ်နိုင်သော ပလပ်စတစ် ရေပုံးထဲတွင် သကြားနှင့် ဆား ရောထားသော လက်ဖြစ် ဂလူးကို့  ကီလိုဝက်တထုတ်။ သောက်ရေသန့်  ၂ လီတာမှ ၄ လီတာ။ ဆန် ၅ ကီလို။ ဆီ ၂၅ ကျပ်သား။ အဝတ်ပါး၂ စုံ။ အိုးငယ် တလုံး။ မီးသွေး( ဓါတ်ငွေ့ မီးဖိုငယ်) တိ်ု့ ကို အဆင်သင့်ပြင်ထားပါ။

၃- ရုက်တရက်ရေလွမ်းမိုးမှုဖြစ်လာလျှင် နီးစပ်ရာ စာသင်ကျောင်းများ။ ဘုန်ကြီးကျောင်းများ။ ရဲကင်း အဆောက်အဦးများသို့ သွားရောက်နေထိုင်ကြပါ။

အထူးသတိပြုရန်မှာ ...

လူနေအဆောက်အဦးများ စက်ရုံ ခေါင်မိုးများတွင် နေထိုင်ခြင်း မပြုပါစေနှင့်။ ဖြစ်ပေါ်လာသော နောက်ဆက်တွဲ ပြဿနာများကို တရားဥပဒေအရ အရေးယူခံရဖွယ်ရှိသည်။

၎- မိမိ ထွက်ခွာလာခဲ့သော အိမ်များ အခန်းများမှ လျှက်စစ်မီးကိုသေချာစွာ ပိတ်ခဲ့ပါ။ မိမိအခန်းမှ မထွက်ခွာခင် နောက်ဆုံးအချိန်အထိ သေသေချာချာ စစ်ဆေးပြီးမှ ထွက်ခွာကြပါ။ စိတ်ကို တည်ငြိမ်အောင်ထားပါ။ စိတ်ကို ပြာယာမခပ်မိအောင် သတိထားပါ။ ကူညီကြပါ။

၅- မဟာချိုင်ဒေသကြီးတခုလုံး ကားဆိုင်ကယ် အသွားအလာ ပြတ်လောက်အောင် ရေအောက်သို့  မြုတ်ခဲ့လျှင် လူအများစုဝေးရာဒေသကို မဟာချိုင်အနောက်ဖက် ရနောင်းသို့ သွားသည့် အဝေးပြေး ကားလမ်းမကြီးဖြစ်သည်။ ထိုလမ်းကြီးတလျှောက်တွင် သက်ဆိုင်ရာ အဖွဲ့ အစည်းများနှင့် ထိုင်းအာဏာပိုင်များက ယာယီရုံးများ ဖွင့်လှစ်ပြီး ကူညီဆောင်ရွတ်မည်ဖြစ်သည်။

ယာယီဆက်သွယ်ရန်
ဦးမြင့်အောင် ၆၆ ၈ ၆၈၂၀၉၂၉၄
International Care
မဟာချိုင်

Source by :http://www.irrawaddyblog.com ၏လင့်မှကူးယူဖော်ပြပါသည်။

ရေဘေးသင့် မြန်မာ အလုပ်သမားများ အတွက် နေထိုင်ခွင့် စာရွက်များ လုပ်ပေးနေ

Posted: 06 Nov 2011 11:00 PM PST
ထိုင်းအလုပ်သမား ၀န်ကြီးဌာန ဒုဝန်ကြီး ဖဒွန်ချိုင် စစုမ်စပ်နှင့် မြန်မာသံရုံးမှ သံမှူး ဦးနိုင်ထွန်းတို့ ဦးဆောင်ပြီး ရေဘေးသင့် ရွှေ့ပြောင်း မြန်မာ အလုပ်သမားများအတွက် ယာယီ နေထိုင်ခွင့် စာရွက်စာတမ်းများကို ကယ်ဆယ်ရေး စခန်းထဲတွင် လုပ်ပေးနေသည်ဟု သိရသည်။

ထိုင်းနိုင်ငံ၊ ဘန်ကောက်မြို့တောင်ဘက် ကီလိုမီတာ (၁၀၀)ခန့် အကွာတွင် ရှိသော Watrakhing Phraarramluang ၀တ်ရိတ်ခင် ဘုန်းတော်ကြီးကျောင်း အတွင်း ဖွင့်လှစ်ထားသော ယာယီကယ်ဆယ်ရေး စခန်းတွင် လာရောက် ခိုလှုံနေသည့် ရေဘေးသင့် မြန်မာရွှေ့ပြောင်း အလုပ်သမားများကို ထိုင်းရဲနှင့် လူဝင်မှု ကြီးကြပ်ရေး (လ၀က) အဖွဲ့များက ဖမ်းဆီးခြင်း မပြုနိုင်ရန် ထိုင်းအလုပ်သမား ၀န်ကြီးဌာနနှင့် မြန်မာသံရုံးတို့က စီစဉ်ပေးကြခြင်း ဖြစ်သည်။

မြန်မာသံမှူး ဦးနိုင်ထွန်းက “ရေဘေးကြောင့် ယာယီပတ်စ်ပို့ ပျောက်ဆုံးတာတွေ၊ နေထိုင်ခွင့် စာရွက် စာတမ်းနဲ့ ဘတ်ရှိသူတွေကို ဒီကယ်ဆယ်ရေး စခန်းထဲမှာပဲ ယာယီပတ်စ်ပို့ လုပ်ပေးမယ်။ တပြိုင်တည်းမှာပဲ ထိုင်းအစိုးရက work permit ပါ လုပ်ပေးမယ်။ ဘာစာရွက် စာတမ်းမှ မရှိတဲ့ အလုပ်သမားတွေကိုတော့ ယာယီ ခရီးသွားလာခွင့် လုပ်ပေး ထားတယ်’’ဟု ပြောသည်။

အဆိုပါ ကယ်ဆယ်ရေး စခန်းတွင် ထိုင်းနိုင်ငံ အတွင်းရှိ ရေဘေးသင့် နေရာဒေသ ပေါင်းစုံမှ မြန်မာ အလုပ်သမားပေါင်း (၃၆၄)ယောက် ရှိသည်ဟု သိရသည်။


ထိုင်းအလုပ်သမား ဒုဝန်ကြီး ဖဒွန်ချိုင် စစုမ်စပ်က “ဒီစခန်း အထဲကို ဘယ်နေရာကမဆို လာနိုင်ပါတယ်။ ကောင်းကောင်း မွန်မွန် ကျွေးမွေး စောင့်ရှောက် ထားပါတယ်။ ဆေးခန်းလည်း ဖွင့်လှစ် ထားပါတယ်။ မြန်မာအစိုးရနဲ့ ပူးပေါင်းပြီးတော့ အလုပ်သမားတွေအတွက် အကောင်းဆုံး ဖြစ်အောင် စီစဉ်ပေးနေပါတယ်”ဟု ပြောသည်။

စခန်းတွင်း လာရောက် ခိုလှုံနေသည့် မြန်မာ အလုပ်သမားများ ကလည်း နားခိုနေသည့် ဘုန်းတော်ကြီးကျောင်း ခြံဝင်းနှင့် ၎င်းရပ်ကွက် အတွင်းရှိ အနိမ့်ပိုင်း နေရာများတွင် သဲအိတ်များဖြင့် တမံဆည် ဖို့ခြင်းများကို နေ့စဉ် လုပ်အားပေးလျှက် ရှိကြသည်။

Source by :http://www.ghre.org/ ၏ဆိုက်မှကူးယူဖော်ပြရပါသည်။

Saturday, November 5, 2011

တို့အားမာန်


မျှော်မှန်း.....ရော်ရမ်း လှမ်းလှတဲ့ပန်းတိုင်ဆီ..
လှိုင်းထန် လှေကလူး သူရူးတွေလို့ပဲပြောချင်ပြော
တို့ကတော့ လှော်ခတ်နေမှာပဲ.....။
                           ဖိုးနေ(ကလေး)
ထင်ပေါ်ချင်ရဟန်းမိုက်
တရားသဘောမသိတဲ့ ရဟန်းမိုက်ပုဂ္ဂိုလ်ဟာ
ကိုယ့်မှာတကယ်မရှိတဲ့ ဂုဏ်ပုဒ်ဂုဏ်ဒြပ်တွေနဲ့
သူတစ်ပါးချီးမွမ်းတာမျိုး ရဟန်းပရိတ်သတ်က
သူ့ကိုခြံရံဝန်းခပြီး ခေါင်းဆောင်တင်တာမျိုးကို
လိုလား နှစ်သက်တတ်သလို  သံဃာပိုင်
ကျောင်းအိပ်ရာနေရာတွေကို
အစိုးတရ ချုပ်ကိုင်နိုင်တာမျိုး
မိဘဆွေမျိုးမဟုတ်တဲ့ သူစိမ်းဒကာ ဒကာမတွေက
သူ့ကိုပစ္စည်းလေးပါး
လှုဒါန်းပှုဇော် ကြတာမျိုးကိုလည်း
မက်မောတောင့်တ တတ်ပါတယ်
ပြီးတော့.... ဒီကျောင်းဒီတိုက်တာရဲ့
ပြုဖွယ်ကိစ္စအားလုံးဟာ ငါရဲ့အစွမ်းအစကြောင့်သာ
ပြီးစီးသွားရတာပဲလို့
လူဒကာ ဒကာမတွေကရော
နှစ်ဦးနှစ်ဘက်လုံးက
မှတ်ထင် ယူဆကြပါစေ......ကိစ္စကြီးငယ်
ပြုဖွယ်တစ်စုံတစ်ရာရှိတိုင်း
ငါ့ အလိုလိုက် ငါ့အကြိုက်ဆောင်ကြပါစေ.....
အဲဒီလိုလည်း ရဟန်းမိုက် ပုဂ္ဂိုလ်က
ကြံစည် တွေးတောတတ်ပါတယ်  တကယ်တော့
အဲဒီရဟန်းမိုက် ပုဂ္ဂိုလ်ရဲ့ သန္တာန်မှာ
အလိုကြီးမှု ရမ္မက်တဏှာတွေ
ထောင်လွှားမှု မာန်မာနတွေ  တိုးပွားစည်ပင်နေတာပါပဲ............။
                                                              (ဓမ္မပဒဂါထာ ၇၃ + ၇၄)

မှတ်ချက် ။         ။ ဆရာတော်အရှင်ဆန္ဒာဓိကရေးသားသော စိတ်အားဖြည့် ဓမ္မပဒ စာအုပ်မှ ကူးယူဖော်ပြပေးလိုက်ရပါသည်။ ဘာရည်ရွယ်ချက်ဖြင့်တင်ရသည်မဟုတ်ပါ မှတ်သားစရာလေးတွေကြောင့်သာ တင်ပြရချင်းဖြစ်ပါသည်။

Friday, November 4, 2011

နေအဝင်စောတဲ့ညနေခါးခါးတစ်ခုရဲ့နောက်မှာ
ညတွေမှာ လရောင် မဲ့သွားလောက်အောင်
ငါ့အတွက်တော့...
ညရောင်ဟာ မှောင် မှောင်နိုင်လွန်းတယ်
အဒီညတွေပေါ့
နာကျင်မှုတွေ
ခါးသီးမှုတွေ
အလွမ်းတွေ တနင့်တပိုးနဲ့ မျက်ရည်မိုးတွေ။
တကယ့်ကို သန်းခေါင်ယံတစ်ခုပါပဲ
အောက်တိုဘာကို လက်ပြနှုတ်ဆက်တဲ့နေ့က
သင်္ခါရမြစ်ထဲမှာ...
စိမ်းမြတဲ့တောင်တန်းကြီးတွေကိုချစ်တဲ့
စိမ်းမြတဲ့တောင်တန်းကြီးတွေက ချစ်တဲ့ ဒါင်ပန်း
အဲဒီတောင်တန်းကြီးတွေကို စွန့်ခွာသွားပြီဆိုတဲ့ အကြောင်း
ဂုတ်ထိပ်ချောင်းရေတွေကတောင် ခေါင်းမညိတ်ရက်ကြဘူး...တဲ့
မနွမ်းခင် ကြွေလွင့်ရတဲ့ ပန်းတစ်ပွင့်အတွက်
စိမ်းလန်းခွင့်ကို ရှာဖွေနေတဲ့
သစ်တစ်ပင်ရဲ့တန်ဖိုးကို ဒီလို ရက်စက်သင့်ပါသလား။
တကယ်ဆို
သူဟာ ဖြူစင်ရှင်းသန့်လွန်းတဲ့ အမြင့်ပျံချိုးငှက်ဖြူ
စမ်းတဝါးဝါး ခရီးသွားတို့တွက်
လင်းလက်တောက်ပလွန်းတဲ့ လမ်းပြကြယ်စင်
နေဝင်စောသွားတဲ့ ညနေခါးခါးတစ်ခုမှာတော့...
သူချစ်တဲ့ တောင်တန်းကြီးတွေက အရောင်ပြောင်းသွားပြီး
အဲဒီညကစ.....
ညတွေဟာ လရောင် မရှိကြတော့ဘူး ။    ။
                                                         လိုည်းနွေနှောင်း(၁၉၊၁၊၂၀၀၆)
မှတ်ချက်  ။    ။ ရှစ်စက္ကန့်ငြိမ် စာအုပ်မှ ကူးယူဖော်ပြပါသည်။
ဦးပန်းခင်း
တစ်ပွင့်ချွေလည်း  နှစ်ပွင့်ဝေမြဲ
တစ်ဖူးချွေလည်း  နှစ်ဖူးဝေမြဲ
ဖူးပွင့်ငုံဝေ ဘယ်လိုချွေလည်း
ကြွေပျက်မကုန်............
ပွင့်လန်းထုံသင်း တို့ ပန်းခင်းသည်...
ကမ္ဘာတည်သရွေ့မွှေးလိမ့်မည်။ ။............

                                    ညံဇံ (အလွမ်းစာ အလွမ်းကဗျာ ၅)
                                                          မှတ်ချက် ။         ။ရှစ်စက္ကန့် ငြိမ်  စွန့်လွှတ်သူတို့၏ရာဇဝင်
                                                                                   စာအုပ်မှ ဖော်ပြပေးလိုက်ပါသည်။
Myanmar Student Monks Organization in Thailand. Powered by Blogger.