Wednesday, June 22, 2011

ဖိတ်ခေါ်ပါရစေ

မြန်မာတိုင်းဖွား အားလုံးသော စာသင်သားရဟန်းတော်အရှင်မြတ်တို့ဘုရား …..
နေ့စဉ်နှင့်အမျှ ပြောင်းလဲတိုးတက်ဖြစ်ပေါ်နေသော ခေတ်စနစ်ကို မျက်ခြေမပြတ် အမီလိုက်နိုင်ဖို့အတွက် ဘာသာစကားတတ်ကျွမ်းဖို့ လိုအပ်ပါသည်ဘုရား။ 
ယနေ့ကမ္ဘာမှာ အင်္ဂလိပ်ဘာသာစကားကတော့ ရှေ့တန်း အရောက်ဆုံးဖြစ်နေပါသည်ဘုရား။ ဘွဲ့ရပညာတတ် မဟုတ်သော်လည်း ယနေ့ကမ္ဘာရဲ့ ဂလိုဘယ်လိုက်ဇေးရှင်းဖြစ်သော အင်္ဂလိပ်ဘာသာစကားကို အထိုက်အလျောက် ပြောဆိုနိုင်မှုစွမ်းရည် နားထောင်နိုင်မှု စွမ်းရည်များရှိအောင် သင်ယူလေ့ကျင့်ထားပါက ကမ္ဘာတလွှား အလွယ်တကူသွားလာနိုင်ပါလိမ့်မည်။ အရှင်မြတ်တို့သိတော်မူသည့်အတိုင်း အင်္ဂလိပ်ဘာသာ စကားသည် အဓိကဆက်သွယ်ရေး အဖြစ် နေရာတိုင်းမှာ အသုံးပြုနေရပါသည်။ နေရာတိုင်းမှာ မရှိမဖြစ်သုံးစွဲနေသော အင်္ဂလိပ်ဘာသာ စကားကို ယနေ့ကမ္ဘာ့လူသားတိုင်း သင်ယူလေ့လာနေကြပါသည်။ အင်္ဂလိပ်စာ မတတ်ကျွမ်းပါ က နေရာတိုင်းမှာ အောက်ကျနောက်ကျရှိလှပါသည်ဘုရား။ အင်္ဂလိပ်ဘာသာစကားကို ကျွမ်းကျင်စွာ အသုံးမချနိုင်ပါက တပည့်တော်တို့ အဓိကမျှော်မှန်းထားသည့် ဗုဒ္ဓသာသနာတိုးတက်ပြန့်ပွားရေးကိုလည်း ထိရောက်စွာ ပါဝင်ကူညီ လုပ်ဆောင်နိုင်စွမ်း ရှိမည်မဟုတ်ပါဘုရား။
ဒါကြောင့် ယနေ့ ကမ္ဘာ့ဘသာစကားဖြစ်သော အင်္ဂလိပ်ဘာသာစကားကို တပည့်တော်တို့အားလုံး တတ်ကျွမ်းသည်အထိ လေ့လာသင်ယူသင့်ပါသည်ဘုရား။ ထိုင်းနိုင်ငံတက္ကသိုလ်အသီးသီးမှာ တက်ရောက်နေကြသော မြန်မာကျောင်းသား ရဟန်းတော်များဟာလည်း အင်္ဂလိပ်စာတတ်မြောက်ဖို့ လိုအပ်ပါသည်ဘုရား။ ထိုင်းနိုင်ငံရောက် ကျောင်းသားရဟန်းတော်များအာလုံး မိမိတို့ရဲ့ အတန်းဆိုင်ရာ ဘာသာရပ်များကိုလည်း ကြိုးစားရင်း အနာဂတ်ရဲ့ဘာသာရပ် စိန်ခေါ်မှုကို အလွယ်တကူဖြေရှင်းနိုင်ရန် အင်္ဂလိပ်စာကို သင်ယူလေ့လာသင့်ပါသည်။ တပည့်တော်တို့အတွက် စိန်ခေါ်လျက်ရှိသော အင်္ဂလိပ်စာအရည်ချင်း နိမ့်ကျမှုကို ဖြေရှင်းဖို့ ကျောင်းသားရေးရာကော်မတီမှ ကျောင်းသားအားလုံးအတွက် အင်္ဂလိပ်စာ အရည်ချင်း မြှင့်တင်ရန်ဦးတည်ထားပါသည်ဘုရား။ အထက်ပါတပည့်တော်တို့ရဲ့ လိုအပ်ချက်များကို ဖြည့်ဆည်းပေးဖို့ အေဘက်(ABAC)တက္ကသိုလ်မှ ပါမောက္ခဆရာမကြီးဒေါ်ခင်မမ၊ ထိုင်းနိုင်ငံအစိုးရ သရက္ခန်တက္ကသိုလ်မှ ပါမောက္ခ ဆရာမကြီးဒေါက်တာဒေါ်သန်းသန်းဆွေ (ခ) ဒေါ်သစ္စာအလင်းတို့ကို ဖိတ်ခေါ်ထားပါသည်။ ၂၀၁၁ ဇွန်လ (၂၅)ရက် စနေနေ့ နေ့လည် (၁း၀၀)နာရီမှစတင်ကာ အပတ်စဉ်စနေနေ့တိုင်း ကျောင်းသားရဟန်းတော်များ သင်တန်းကျောင်း ဖလန်းဆောင်(၆၃)တွင် သင်ကြားပို့ချပေးသွားမည်ဖြစ်ပါသည်ဘုရား။
ဒါကြောင့် ကျောင်းသားရဟန်းတော်အရှင်မြတ်တို့ဘုရား ဇွန်လ(၂၅)ရက်နေ့မှ နေ့လည် (၁း၀၀)မှ စတင်ကာ အပတ်စဉ် စနေနေ့တိုင်း အင်္ဂလိပ်စာသင်တန်းသို့တက်ရောက်ကြပါရန် ရိုသေလေးစားစွာဖြင့် ဖိတ်ကြားလိုက်ပါသည် အရှင်ကောင်း အရှင်မြတ်တို့ဘုရား။။။။။။
မှတ်ချက်။ ကျောင်းသားရေးရာဗဟိုကော်မတီဝင်များနှင့် ပညာရေးကောမတီဝင်များ စံပြအဖြစ် မတက်မနေရပါဘုရား။

ရိုသေလေးစားစွာဖြင့်
ဥက္ကဋ္ဌ
မြန်မာကျောင်းသားရဟန်းတော်များအဖွဲ့
ထိုင်းနိုင်ငံ

1 comment:

  1. that is great job. it could be an initial process as a private Int'l school. join hands and work together with those who have been experienced at int'l school teaching method. i wish all of you could handle this humble work.

    ReplyDelete

Myanmar Student Monks Organization in Thailand. Powered by Blogger.