Sunday, July 24, 2011

ဆာရပူရီသို့...ကျေးဇူးတင်ဝမ်းမြောက်ခြင်း

ထိုင်းနိုင်ငံဆာရပူရီခရိုင်သို့ရောက်ရှိနေကြသော မြန်မာနိုင်ငံ၊ ပဲခူးတိုင်း၊ ကျောက်ကြီး
ဒေသမှမြန်မာဗုဒ္ဓဘာသာဝင်မိသားစုတို့က 12,13/7/2011နေ့များတွင် ၀ါဆိုသင်္ကန်းလှူဒါန်း
ပွဲနှင့်ညတရားပွဲများပြုလုပ်ခဲ့ပါသည်။ ထိုပွဲသို့ကျောင်းသားဥက္ကဌဆရာတော် ဦးဣန္ဒောဘာသ၊
ပညာရေးမှူးဆရာတော် ဦးတေဇဓမ္မ၊ ဘဏ္ဍာရေးမှူးဆရာတော် ဦးကောဝိဒတို့ကြွရောက်ခဲ့ပါသည်။ 
ထိုဝါဆိုသင်္ကန်းလှူဒါန်းပွဲနှင့်ညတရားပွဲသည် ကျောင်းသားစာသင်ကျောင်းတွင် လိုအပ်သည့် 
အရာများကိုဝယ်ယူအသုံးပြုနိုင်ရန်ပြုလုပ်ခြင်းဖြစ်သည်။ တရားပွဲကို ဆရာတော် ဦးတေဇဓမ္မမှ
ဟောကြားချီးမြှင့်ခဲ့ပါသည်။ တရားပွဲမှရရှိလာသော ဓမ္မပူဇာများကို ဓမ္မကထိကဆရာတော် ဦးတေဇဓမ္မမှ ကျောင်းသားဥက္ကဌဆရာတော်ထံသို့ဆက်ကပ်လှူဒါန်းခဲ့ပါသည်။ ကားအသွား 
အပြန်အတွက် ၄၀၀၀ ဘတ်ကို ဒေါ်အေးမှ လှူဒါန်းခဲ့ပါသည်။
ဆာရပူရီမှဝါဆိုသင်္ကန်းနှင့်ညတရားပွဲမှရရှိသောအလှူငွေစုစုပေါင်းမှာ "25000" ဘတ်တိတိ
ဖြစ်ပါသည်။
ညတရားပွဲချီးမြှင့်ဟောကြားပေးသော ဓမ္မကထိကဆရာတော် ဦးတေဇဓမ္မအားလည်းကောင်း၊
ကားခအသွားအပြန်လှူဒါန်းပေးသော ဒါယိကာမကြီး ဒေါ်အေးအားလည်းကောင်း၊ ကြွရောက်
ချီးမြှင့်ပေးသော ဥက္ကဌဆရာတော်နှင့်ဘဏ္ဍာရေးမှူးဆရာတော်တို့အားလည်းကောင်း၊ ၀ါဆို
သင်္ကန်းဆက်ကပ်လှူဒါန်းပွဲနှင့်ညတရားပွဲဖြစ်မြောက်အောင် ကြိုးစားဆောင်ရွက်ပေးကြသော
ဒါယကာ၊ဒါယိကာမ ညီအစ်ကိုမောင်နှမအပေါင်းသူတော်ကောင်းတို့အားလည်းကောင်း မြန်မာ
ကျောင်းသားရဟန်းတော်များအဖွဲ့မှ ကျေးဇူးတင်ရှိပါကြောင်း ၀မ်းမြောက်ဝမ်းသာမှတ်တမ်းတင်
အပ်ပါသည်။ 
ပုံ/ ထိုင်းနိုင်ငံရောက်မြန်မာကျောင်းသားရဟန်းတော်များအဖွဲ့

No comments:

Post a Comment

Myanmar Student Monks Organization in Thailand. Powered by Blogger.