Saturday, August 27, 2011

အစည်းအဝေး အောင်မြင်စွာ ပြီးဆုံးခြင်း

ထိုင်းနိုင်ငံရောက် မြန်မာကျောင်းသားရဟန်းတော်များအဖွဲ့၏ ဗဟိုကော်မတီနှင့် ပညာရေးကော်မတီ အစည်းအဝေးပွဲကို မြန်မာသက္ကရာဇ် ၁၃၇၃-ခုနှစ် ဝါခေါင်လပြည့်ကျော် (၁၃)ရက်၊ (၂၇-၈-၂၀၁၁) စနေနေ့တွင် ရုံးခန်းတည်ရှိရာ ပညာသင်ကြားရေးကျောင်း ဖလမ်ဆောင်(၆၃)လမ်းတွင် အခမ်းအနားအစီအစဉ် (၈)ရပ်ဖြင့် ကျင်းပပြုလုပ်ခဲ့ကြပါသည်။
၁။ နမော တဿ ဘဂဝတော စသည်ဖြင့် သုံးကြိမ်ရွတ်ဆို ဘုရားကန်တော့၍ အခမ်းအနားကိုဖွင့်လှစ်ခြင်း။
၂။ ကျောင်းသားဥက္ကဋ္ဌဆရာတော် အရှင်ဣန္ဒောဘာသမှ အဖွင့်အမှာစကား ပြောကြားခြင်း။
၃။ ပညာသင်ကြားစားရိတ် ထောက်ပံ့လှူဒါန်းခြင်း၊ ကျောင်းသားသစ်များနှင့် အဟောင်းများ မိတ်ဆက်ပွဲကို နေရာ အချိန်သတ်မှတ်ခြင်းနှင့် ကျောင်းသားအချင်းချင်း ပူးပေါင်းဆောင်ရွက်နိုင်မှုတို့ကို ဆွေးနွေးခြင်း။
၎။ ဘဏ္ဍာရေးအခြေအနေတို့ကို တင်ပြ ဆွေးနွေးခြင်း။
၅။ ကော်မတီအချင်းချင်း အပြန်အလှန် မေးမြန်း ဆွေးနွေးခြင်း။
၇။ ကျောင်းသားရုံးခန်းတွင် ပညာသင်ကြားရေး အခြေအနေတို့ကို ဆွေးနွေးညှိနှိုင်းတိုင်ပင်ခြင်း။
၈။ ဗုဒ္ဓသာသနံ စိရံ တိဋ္ဌတု သုံးကြိမ် ရွတ်ဆို ဆုတောင်း၍ အခမ်းအနားကို ရုတ်သိမ်းခြင်းတို့ဖြစ်ကြပါသည်။
အစည်းအဝေးတွင် အောက်ပါ ဆုံးဖြတ်ချက်များကို ချမှတ်နိုင်ခဲ့ကြပါသည်။




၁။ စာရင်းအဟောင်းရှိ ကျောင်းသား (၉၉)ပါးအား (၂၄-၉-၂၀၁၁) စနေနေ့တွင် ဝတ္ထုငွေများလှူဒါန်းရန်။
၂။ ထိုင်းနိုင်ငံတစ်ဝှန်းလုံးရှိ ကျောင်းသားရဟန်းတော်များသည် သက်ဆိုင်ရာ မြို့နယ် အသီးသီးတွင် ကျောင်းသားအသစ်များနှင့် အဟောင်းများကို မိတ်ဆက်ပွဲ ကျင်းပ ပြုလုပ်ရန်။
(ဥပမာ ထိုင်းနိုင်ငံ ဘန်ကောက်ဝန်းကျင်ရှိ ကျောင်းသားရဟန်းတော်များမှာ (၂၄-၉-၂၀၁၁)စနေနေ့တွင် ဘန်ခဲမြို့ ဝပ်တလုံးကျောင်းတိုက်၌ နံနက်ပိုင်းတွင်ကျောင်းသားသစ် မိတ်ဆက်ပွဲ ကျင်းပ ပြုလုပ်ခြင်း၊ နေ့လည်ပိုင်းတွင် ဝတ္ထုငွေများလှူဒါန်းခြင်း။ (အချိန်အတိအကျအား ကျောင်းသားဘလော့ဂ်တွင် ထပ်မံ ဖော်ပြပါမည်)
၃။ ကျောင်းသားရဟန်းတော်များအချင်းချင်း ပူးပေါင်းကူညီဆောင်ရွက်နိုင်မှုများကို ဆွေးနွေးဆုံးဖြတ်ခြင်း။
၎။ ဘဏ္ဍာရေးစာရင်များကို သက်ဆိုင်ရာ ကော်မတီဝင်များမှ အောက်ပါအတိုင်း တင်ပြခြင်း။
( ၁၈-၈-၂၀၁၁) နေ့အထိ ဝင်ငွေ စုစုပေါင်းမှာ ၁၅၉၉၂၅ ဘတ်၊ (US 100)
သုံးငွေစွဲ စုစုပေါင်းမှာ ၉၈၀၈၂ ဘတ်၊
လက်ကျန်ငွေ စုစုပေါင်းမှာ ၆၉၃၆၇ ဘတ်၊ (US 100)
အမာခံငွေ စုစုပေါင်းမှာ ၃၁၁၇၉၀ ဘတ်၊
စုစုပေါင်း ၃၈၁၁၅၇ ဘတ်။ (US 100)
(အသေးစိတ်စာရင်းများအား ဘဏ္ဍာရေးမှူးများထံသို့ ဆက်သွယ်မေးမြန်းနိုင်ပါသည်။)
၅။ ဘဏ္ဍာရေးအခြေအနေများနှင့် ပတ်သက်၍ အသေးစိတ် ဆွေးနွေး ညှိနှိုင်းတိုင်ပင်ခြင်း။
၆။ (၉-၁၀-၂၀၁၁) တနင်္ဂနွေနေ့တွင် ကျောင်းသားကိုယ်စားပြု ရဟန်းတော်များ (၂၅)ပါးကို ဝေလဒေသရှိ မြန်မာပြည်သူ ပြည်သားများ၏ ဆွမ်းဆန်စိမ်းလောင်းလှူပွဲအတွက် ဗဟိုကော်မတီ (၁၅)ပါးနှင့် ကျန်ရှိသော ကျောင်းသားရဟန်းတော်(၁၀)ပါးအား မဲနှိုက်ရွေးချယ်ရန် အသင်းဝင်ကြီးကြပ်ရေးမှူး အရှင်အာစာရအား တာဝန်ပေးအပ်ခြင်း။ (သတင်း အသေးစိတ်ကို ထပ်မံတင်ပြပါမည်။)
၇။ ထိုနေ့ည တရားပွဲအတွက် မဲနှိုက်ရွေးချယ်ရာ အရှင်ဝိသုဒ္ဓ(ယော)အရှင်မြတ်မှ တရားဟောရန် တာဝန် ပေးအပ်ခံရခြင်း။ ထိုတရားပွဲမှ ဓမ္မပူဇာများအား ကျောင်းသားအဖွဲ့သို့ လှူဒါန်းရန်။
၈။ (၂-၁-၂၀၁၂)တနင်္လာနေ့တွင် ကျောင်းသားကိုယ်စားပြု ရဟန်းတော်များ (၆၃)ပါးကို အောတောစက်ရုံရှိ မြန်မာပြည်သူ ပြည်သားများ၏ ဆွမ်းဆန်စိမ်းလောင်းလှူပွဲအတွက် မဲနှိုက်ရွေးချယ်ရန်။ (သတင်း အသေးစိတ်ကို ထပ်မံတင်ပြပါမည်။)
၉။ မြန်မာကျောင်းသားရဟန်းတော်များအဖွဲ့ ပညာသင်ကြားရေးကျောင်း တာဝန်ကျရာ ဗဟိုကော်မတီဝင်နှင့် ပညာရေးကော်မတီဝင် စုစုပေါင်း(၃)ပါးတို့သည် မိမိတို့ အလှည့်ကျ ရုံးထိုင် တာဝန်ပျက်ကွက်ပါက ဝတ္ထုငွေ (ဘတ်သုံးရာ) လှူဒါန်းကြရန်။
၁၀။ တာဝန်ကျရာ အလှည့်ကျ ကော်မတီ (၃)ပါးသည် ပညာသင်ကြားရေးကျောင်းသို့ နံနက် (၈)နာရီ အချိန်မီ ရောက်ရှိ၍ ညနေ (၆)နာရီထိုးမှ ပြန်ကြရန်။
၁၁။ စာကြည့်တိုက်တာဝန်ကို ဒုတိယဥက္ကဋ္ဌဆရာတော် အရှင်ဗြဟ္မဝံသ၊ ဘဏ္ဍာရေးမှူးဆရာတော် အရှင်ဝိသုဒ္ဓ(ယော)နှင့် ပြန်ကြားရေးမှူးဆရာတော် အရှင်ပညာစာရတို့မှ တာဝန်ယူ ဆောင်ရွက်ပေးရန်။
၁၂။ ကျောင်းသားရုံးခန်း၏ အထွေထွေ တာဝန်များကို အတွင်းရေးမှူး နှစ်ပါးဖြစ်သည့် အရှင်ပညာဇောတ(မန်း)နှင့် အရှင်သြဘာသတို့မှ အလှည့်ကျ နှစ်လဆီ တာဝန်ထမ်းဆောင်ရန်။
၁၃။ ၅/၂၀၁၁ သင်တန်းဆင်းပွဲ၊ ၆/၂၀၁၁ သင်တန်းဖွင့်ပွဲနှင့် သင်တန်းကျောင်း၏ စာကြည့်တိုက်ဖွင့်ပွဲတို့ ကိုလည်း (၁၁-၉-၂၀၁၁) တနင်္ဂနွေနေ့၊ နေ့လည် (၁)နာရီအချိန်တွင် မြန်မာကျောင်းသား ရဟန်းတော်များအဖွဲ့ သင်တန်းကျောင်းတွင် ကျင်းပပြုလုပ်ရန်။
၁၄။ ၆/၂၀၁၁ သင်တန်းအသစ်တွင် သင်ကြား ပြသ ကုသိုလ်ယူကြမည့် ဆရာအသစ်များအား ဖ်ိတ်ခေါ်ခြင်း၊ သင်ကြားပြသဆဲ ဆရာများနှင့် ပညာရေးကော်မတီ၏ အကြိုအစည်းအဝေးကို (၄-၉-၂၀၁၁) စနေနေ့ နေ့လည် (၂)နာရီတွင် ကျင်းပပြုလုပ်ရန်။
၁၅။ ဥက္ကဋ္ဌဟောင်းဆရာတော်အား ဆရာတော်ကိုယ်တိုင် လက်ခံမည်ဆိုပါက ကျောင်းသားရဟန်းတော်များ စုံညီအစည်းအဝေးတွင် သံဃာ့ဆန္ဒခံယူ၍ နာယကအဖြစ် ရွေးချယ်တင်မြှောက်ရန်-တို့ကို ဆွေးနွေးညှိနှိုင်းတိုင်ပင် ဆုံးဖြတ်ခဲ့ကြပါသည်။


No comments:

Post a Comment

Myanmar Student Monks Organization in Thailand. Powered by Blogger.